Yibbaatoo 23:18 - Kafa Linguistics Project

¹⁸ Ne Nuggishoo Doono Yeeri gijjoyicha iꞌi boonoshi ashittinoon kemmiibeeti asheenaꞌon, maacheen tuneba anaamon shixxii beetone. Ebiyoommi gommona daneti gijjoo Doono Yeerichi kexooch woyaaye; biich mookkeeto bi tunetaanoona, woyaaye.

Yibbaatoo 23:18 ပူးပေါင်းရင်းမြစ်များ

1 Taateenaꞌo 14:24

Boonoshi showooch anaami yaafee kechi yahechinaꞌo beeheete. Boonoshiyoo Israꞌeeleenaꞌo aafoochee Doono Yeeri yookkii kichiti aageteenaꞌo tuniibee echeti, ciigiiti mooyon tuniiheete.

Shoddo 22:16

Guuphiti gonde asheenaꞌo, kunaaneenaꞌochoommon taan giichiyeete; ta kishoonaa ta baatoonooch kochiyeete.

Shaahiyoo 26:11

Wochii wochii tuushiibeeti mullaalli asho, bi cooyon nappheya wotteebeeti kunaanoommone.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Hiziqeeli 16:33

Yahechi maachee asheenaꞌo waanee gijjoon deqqaa beetine; tunebaani ne, shunimaayeenaꞌoyich wojjoon immehine; xaaꞌoo bulliichee waaree neenna tookki shunoon boonoshi maayemmoyich xuccoon immehine.

Leweenaꞌo 18:22

“ ‘Maacheen ne qemoommon anaamon qeyaahine. Ebi tiyaariibeeti mooyone.

Leweenaꞌo 19:29

“ ‘Yahechinaꞌo boonoshi tunemmoyich tuniyoona ne maache bushiisheenaꞌon giishiyaahine. Ebin ne tuniigaata, showoo yahoonaa oogeti gonde mooyona ceennemmone.

Leweenaꞌo 20:13

“ ‘Ikke asho, maacheen qemoommon anaamon bi qeyigaata, boonoshi guttiyona eeꞌe mooyon boonoshi tuniitoyich, qitibeete. Boonoshi damoyich koniyoona echeyaachemmone.

Leweenaꞌo 7:16

“ ‘Ebi deejjoo tiikkeshoo woyee mullee daaggoona giddeebeeto bi tunegaata, deejjoo giddehooba manjebe; echeto bi beegaata, bi dechara manjebe.

Mikiyaasi 1:7

Bi shahalleenaꞌo tiisheree buricemminaꞌone. Bi yaafee kechi yahechinaꞌoyich qocheti qiiceenaꞌo bulli qaaqqoona michaa aallemminaꞌone. Shahalleenaꞌochi misileenaꞌo bullin aalliyemmo taane. Shamaaree asheenaꞌo ebi misileenaꞌo bullin boonoshi kicito yahechinaꞌoyich qocoo qocenane; boonoshi etteenaꞌo keci daamiree yahechinaꞌoyich bi qocceyemmoyich tuniyemminaꞌone” iye.

Imbaaqoomi 1:13

Gonde mooyon bi ciinaachemmoyich, ne aafo yaafoone; gonde mooyon ciinnaabee cikkii qayaachine. Ishigaata, ebi dawushechinaꞌon ciinnaabee aabichaꞌa cikkii qajjenne? Gonde asheenaꞌo boonoshiyee beshe kaame asheenaꞌon boonoshi aallii beetaa aabichaꞌa cikkii qajjenne?

Milikiyaasi 1:14

Beshe Mawe Doono Yeeri ishichiye: “Ta, ooge Taatoo taane; ta shigoo aageteenaꞌo daggooch shatteetone. Taach giddiiya bi mookketi bagee baaddoo bi gijjee daggooch beetaa, dawushoona shappe quumechon taach deejjoon giddiimmo uppeton tunebe” iye.

Maatiyoosi 7:6

“Shiixxi wotteree ittoshin boonoshi shacaachemmoyich, yaafeeton kunaaneenaꞌoyich immaahote. Wotta gudininaꞌo boonoshi baatoona boonoshi neexaachemmoyich, ittoshi inqoon boonoshi aafooch duppaahote” iye.

Yibbaatoo 12:6

Micciibeeti ittoshi deejjoonaa bare deejjoonon, ittoshi danee beetoochee kechiibeeti asraatoonaa ittoshi wojjoonon, ittoshi mookketi tiikkeshoonaa ittoshi mullee daaggoona ittoshi immiibeeti wojjoonon, ittoshi gijjeenaꞌoochee shiichii shiijjetonoo arooch deebote.

Yibbaatoo 22:21

busheen bi nihoochi kechi kellooch daamiree are bi beeti katemeexi asheenaꞌo xaqqoona yexiree wuxibeete. Ebiyoo batt bi nihoo kexooch beechaa, shunee mamona Israꞌeeleenaꞌo daggooch yeelloon bi deebetoyichiye. Ebin tuniyoona, ebiyoommi gonde mooyon ittoshi daggoochee wokkiibote” iye.

Yibbaatoo 23:21

“Ne Nuggishoo Doono Yeerich ne mookkegaata, ne Nuggishoo Doono Yeeri ebin ne waanee qaawiibeeto bi tunetoyich, ne mookketon ceechaanoon yagiyaahine. Ne ceechoo qayigaata, ebi neech axaaxoon tunemmone.

Filipphisiyoosi 3:2

Kunaaneenaꞌo waanee ittoshi qelloon quyebote; gondoon shuunee beetinaꞌo waanee, dokireebote iꞌi ittoshin xuqqii beetinaꞌo waaneenoo ittoshi qelloon quyebote.

2 Pheexiroosi 2:22

“Kunaanoo bi cooyoon nappheya wottehe”; wotta “Gudini machaa bi itoyee gubb wochinnoon dengooch gedereya wottahane” ii beeti tochoo boonoshina iberetone.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.