Yibbaatoo 23:11 - Kafa Linguistics Project

¹¹ Showoo womikkemmona, bi achoon machebe. Aabe giyemmona, kaambooch wotteree gibe.

Yibbaatoo 23:11 ပူးပေါင်းရင်းမြစ်များ

Shoddo 51:2

Ta gondo bullin maye; ta axaaxoochee taan xalliibe.

Shoddo 51:7

Hisoophee michi waamona ta toommooch wucibe; tawoo xallemmo taane; taan maye; tawoo baderoyee beshoon naccemmo taane.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Leweenaꞌo 11:25

Eboshichi meeshoochee tiijjimmi asho bi tahoon maye; biyoo xumemmi wottoon eeꞌo tunemmone.

Leweenaꞌo 14:9

Shabaattinnee qemooba bi qelloon, bi ishaanoon, bi qillifoonaa bi achooch beeti eexo bullinon cakkebe. Bi tahoon maye; bi qeddoonoo machebe; aroochee xalloo tunemmone.

Leweenaꞌo 15:11

“ ‘Ebi uro bi kishoon macheyaanoon bare ashoon bi yeshigaata, ebi bi yechiti asho bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 15:13

“ ‘Bi anaami achoochee awaawunoo ufeebeeti asho ebi aroochee bi wodiyooba, xalleto bi tunemmoyich, shabaatte qemon quyebe. Bi tahoon maye; woce aacona bi qeddoon machebe; biyoo xallemmone.

Leweenaꞌo 15:16

“ ‘Ikke asho bi keeroo ufegaata, bi qeddoon machebe; biyoo xumemmi wottoon eeꞌo tunemmone.

Leweenaꞌo 15:5

Bi qeyiti qeenon yechimmi asho koniyoona bi tahoon maye; bi qeddoonoo machebe; biyoo xumemmi wottoon eeꞌo tunemmone.

Leweenaꞌo 22:6

ebiyoommi mooyon yechiti asho xumemmi wottoon eeꞌo tunemmone. Bi achoon bi machemmi wottoon, yaafoo tuneti mooyoochee maayaaye.

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Yibbaatoo 23:10

Ittoshi daggoochee ikke asho bi keeroon xumoona bi achooch bi ukkigaata, kaamboochee maach keyiree xumemmi wottoon arooch beebe.

Yibbaatoo 23:12

“Aachi ukkoo neech qaawiihooba, hamiree ne ukkemmi xaaꞌoon kaamboyee maach qanniibe.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

1 Pheexiroosi 3:21

Ebi aaco wotta and noon wodiibeeti aacona afaalleyee shaahiyoone; ebiyoo ashi achooch beeti kiinoon machii bayona tuneyaanoon xalle mulloona Yeer waan giddemmi qolloonane; ebiyoo bi tuneebeeto, Yesuus Kiristoosi qitoochee timonane.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,