Yibbaatoo 22:8 - Kafa Linguistics Project

⁸ “Andire kexon ne hagiyooba, asho kechi toommoochee holliꞌi bi qitigaata, bi damee naboona ne echeyaachemmoyich, ne kechi toommi guudoona degi bajjemmi uxeroon shuunebe.

Yibbaatoo 22:8 ပူးပေါင်းရင်းမြစ်များ

2 Saameeli 11:2

Ikke areddoon, showoo womikkoo wotteechaa, Daawiti bi qeenoochee tiyiꞌi taatee kechi toommooch kechiye. Biyoo aroochaa okk hach shaꞌeebee ikke ure bi achoon machaa bi beetaa, beeggiye. Ureyoo oogeton mallet gaawe ureene.

Keyo 22:6

“Ikke asho qaaqqoon bi gedaa, tushoona yeshee besheꞌi ashi maayi dolloon woyee qecceyaani maayoon woyee budeexi maayoon bi michigaata, qaaqqoon gedditi asho ebi micciti maayoon qoce.

Isiyaasi 22:1

Yaaꞌee Bambeechon Doono Yeer waanee getteeti wocho ebine: Kechi toommooch ittoshi bulli, ittoshi kechito amoyichiye?

Erimiyaasi 19:13

Yerusaalemi katemeexi kexinaꞌonaa Yihudee taateenaꞌo kexinaꞌona, boonoshi kechi toommeexi kexinaꞌoochaa shimaajji xojjeneenaꞌo bullich boonoshi deejjiti, bare nuggisheenaꞌoyich uyee buuroon boonoshi ukkiti kexinaꞌo bulliyoo Tofeeti xaaꞌoochoommon eeꞌeenaꞌo tunemminaꞌone’ itone gete” iye.

Hiziqeeli 3:18

Gonde ashoon ‘Iberoochaa qitemmo neene’ ta getaa, ne biin meeqqeqqiyoo ne qayigaata, bi gondoochee wotteree bi kashoon bi wodiyemmoyich meeqqeqqiyoo ne qayigaata, ebi axaaxechi uro bi axaaxoona qitemmone; tunebaani bi damoon ne kishoochee qaawemmo taane.

Hiziqeeli 3:20

“Cadiqe asho bi cadiqittinoochee wotteꞌi gondoon bi shuunegaata, tawoo bi aafooch xugoon ta kotiigaata, aroo qitemmone; ebiyoo ne biin meeqqeqqiyaano ne tunetoyich bi axaaxoona qitemmone; bi shuuneti cadiqittinoo gabeyaachemmone; bi damoon ne kishoochee qaawemmo taane.

Maatiyoosi 10:27

Qeroochaa ta gettaa beeton bullich xalla kichiree getote; shaashikkoona ittoshi waayeton asheenaꞌo bullich cookiree getote.

Maariqoosi 2:4

Kiceeti asheenaꞌo meettitoyich Yesuus waan shakkiyoyich gommon mucceheete. Ebich bi beeti kechi aafoon happiꞌi ashittino qititi uroon shaaꞌoona kindiiheete.

Mishiraachechinaꞌo 10:9

Bi yaachich are wocheeti asheenaꞌo hammiibee, are Yooppha boonoshi shagg beddimmona, Pheexiroosi corootiya shiritte saati bedooch kechi toommeexi kexooch kechiye.

Roomi 14:13

Illa hanaachina ikka getiree noonnaa noonna ikkoo baroo toommooch nalloon qaye. Ebiyeenoo wotta kittinnoo tuneti ikke bi manoon axaaxooch yexi dichemmi mooyon gedoochee no qelloon quyebone.

1 Qorontoosi 10:32

Meeti asheenaꞌo wodemmoyich, boonoshich gaaccemmi mooyonalli taach gaaccemmi mooyon qaawaanoon, bulli mooyona asho bullin emirikkaabeeti taachoommon, ittoshiyoo wotta asho bullin emirikkibote. Ayihudee ashoyich, Giriikee ashoyich, Yeerichi kittinnee guuphoyichoo xugo tuneyaahote.

Yibbaatoo 22:7

Indeen gawukkaachaa, kafee bushiishoon daamon hakkihine. Ebin ne tuniigaata, mooyo neech mashaamaa, meeti yemeenoon beeyemmo neene.

Yibbaatoo 22:9

“Ne woyinee goyee daggooch bare maayoon shookkaahine. Ebin ne tuniigaata, ne shookketi maayoonaa ne maciti woyinee aafoona, ebi budoochee ne daneto bulli Doono Yeerich kechito tunebe.

1 Tasaloonqi 5:22

Gonde mooyo bulliichee wohote.

1 Saameeli 9:25

Aroochee guudi toommeexi goyinnee xaaꞌoochee katemooch dugilla hammiyeete. Saaꞌoolich kechi toommooch qeyi xaaꞌoo qannaa arooch tokketee qeyiye.