Yibbaatoo 21:18 - Kafa Linguistics Project

¹⁸ Muusi Israꞌeeleenaꞌoyich ishichiye: “Ikke ashoyich bi nihoochi woyee bi indeechi getoon waayeyaache ii beeti, biin boonoshi sheeritaanona getaa giyaani babbere bushoo bi beegaata,

Yibbaatoo 21:18 ပူးပေါင်းရင်းမြစ်များ

2 Saameeli 7:14

Tawoo biich nihoo tunemmo taane; biyoo taach bushoon tunemmone. Gonde mooyon bi shuunehooba, nihoo bi bushoon sheeroommon, gumboona biin sheeremmo taane.

Keyo 20:12

“Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.

Keyo 21:15

“Bi nihoon woyee bi indeen yexxiibeeto qitibe.

Keyo 21:17

“Bi nihoo woyee bi indee toommooch qallayee yibbaatoon yibbaateebeeto qitibe.

Shaahiyoo 1:8

Ta bushoocho, ne nihoochi ciicoon waayebe; ne indee dojjaa beetonoo qajjaahine.

Shaahiyoo 13:24

Bi bushoon sheeraano bi bushoon shixxii beetone; tunebaani bi bushoon shunniibeeto, kupphiiꞌi sheeriye.

Shaahiyoo 15:5

Mullaalli bushoo bi nihoochi ciicoon hoxehe; tunebaani sheeroon deqqiibeeto accechone.

Shaahiyoo 19:18

Wottee gibeno beetaa, ne bushoon sheeribe; bi qitemmoyich tuniyaahine.

Shaahiyoo 20:20

Bi nihoon woyee bi indeen naaggiibeeto, bi ceechoo dunne manderoochaa tahemmone.

Shaahiyoo 22:15

Bushiishoochi mullooch tuushoo caaceetone; tunebaani sheeree gumbo ebin boonoshi waanee wokkiihe.

Shaahiyoo 28:24

Bi indeechon woyee bi nihoochon boggiichii, “Ebi axaaxoo toonoone” ii beeto, aalliyechochi guuphone.

Shaahiyoo 29:17

Ne bushoon sheeribe; neen tooꞌiyemmone; ne mulloonoo emirikkemmone.

Shaahiyoo 30:11

Boonoshi niheenaꞌon uppiibeeti, boonoshi indeenaꞌonoo diiraani shiijjereenaꞌo beetinaꞌone.

Shaahiyoo 30:17

Bi nihoon cooqqirii, bi indeechi getoonoo hoxeebeeto aafoon, bambeexi kurecheenaꞌo qoqenemminaꞌone; aakkeenaꞌo biin maayemminaꞌone.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Erimiyaasi 31:18

“Efreemi ayinoona ishichoon waayehoye: ‘Yookkeyaani bariyoochoommon taan sheerihine; tawoo sheerehoye; Doono Yeeri ne, ta Nuggishoo ne tunetoyich taan wochibe; tawoo wottemmo taane.

Erimiyaasi 5:23

Tunebaani ta asho ittoshich babbere wottoo hukkechi mullo beetone; ta gommon qajjiꞌi badd hammito ittoshine.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Hiziqeeli 22:7

Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Leweenaꞌo 19:3

“ ‘Ittoshi daggoochee asho bi ikkikkoona bi indeenaa bi nihoonon oogiibe. Ta shambetoon quyebote. Ta, ittoshi Nuggishoo Doono Yeeri taane.

Leweenaꞌo 21:9

“ ‘Qeeshoo bushee yahechi tunaꞌa bi qelloon bi giishiigaata, bi nihoon giishiitine. Ebich qaaqqooch gokkebuye.

Yibbaatoo 21:19

bushoochi nihoonaa indeena bi beeti katemooch beeti geeneenaꞌo waan, katemee kellooch beeti addibaabooch biin daambeete.

Yibbaatoo 27:16

“ ‘Bi nihoon woyee bi indeen giishiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 8:5

Asho bi bushoon bi sheeroommon ne Nuggishoo Doono Yeeri neen bi sheeroon batteyaahine.

1 Saameeli 3:13

Bi kechi asheenaꞌon bulli yemeenoon naxemmo ta tunoon shiichaꞌa getteto taane. Ebiyoo bi bushiisheenaꞌo taan boonoshi qallayitoyichiye. Ebin tunii beetinaꞌo boonoshi tunoon Eeli ariibee boonoshin kaaree bayaanoone.