Yibbaatoo 20:3 - Kafa Linguistics Project

³ ishichibe: ‘Israꞌeeleenaꞌote, waayebote. Hanaach ittoshi etteenaꞌona tookki koyeya hammiibeeto ittoshine. Ittoshi mullo keqqaaye; shati qeweyaahote.

Yibbaatoo 20:3 ပူးပေါင်းရင်းမြစ်များ

2 Kiinoo 32:8

Boonoshina tookkii beeto, ashi giidoone; tunebaani noonna tookkii beeto, noon gaachemmi, wottoo no etteenaꞌon nooch kochemmi, no Nuggishoo Doono Yeerine” iye. Ebi Yihudee taatoo Hiziqiyaasi gettiti qaaroona asheenaꞌo kuppheheete.

Iyoobi 23:16

Yeeri ta mulloon tiichitone; Beshe Hakkechi Yeeri geewi ta beeyemmoyich tuniitone.

Shoddo 3:6

Ta guudoona giichiti, dofee ta etteenaꞌon shataache.

Keyo 14:13

Muusiyoo asheenaꞌoyich ishichiꞌi wochiye: “Shattaahote; kuppheree neexebote. Doono Yeeri aabichiree ittoshin bi wodiyemmo gaata beeggemmo ittoshine. Hanaach ittoshi beeggiibeeti Gibitseenaꞌon guttinnoon beegaachemmo ittoshine.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Isiyaasi 7:4

Taatoo Akaazichoo ishichiree gete: ‘Neen ariibe; cikkibe; shattaahine. Ebi micciꞌi cufiibeeti gutte michi xugoomminaꞌo tuneti Sooriyee taatoo Resininaa Remaliyichi bushoonoyich ne mullo keqqaaye.

Haddoo 14:9

Doono Yeeri toommooch baach hukkoon tiijjiyaahote. Are showeexi asheenaꞌoyichoo shattaahote. Nooch kosho tunemminaꞌone; boonoshi nixiyoo tiyitone. Doono Yeeri noonna tookkii beetone. Boonoshin shattaahote” iyeete.

Maatiyoosi 10:16

Daakkiꞌi Yesuusi ishichiye: “Ellebote, bagoochoommon okereenaꞌo daggooch ittoshin wochemmo taane. Ebich dingeroochoommon accecho, uggechoommon duuroo tunebote.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maatiyoosi 10:31

Illa shattaahote! Meeti gaashikafeenaꞌoyee beshoo ittoshine” iye.

Maatiyoosi 8:26

Biyoo “Hini, ta toommooch mulloon tooꞌiyaaneenaꞌote, amoyich shattii beetote?” iye. Ebiyee gubb, tiyiꞌi yongoonaa baharee aachi aayonon noggehe; bekkech shashewimiye.

Maariqoosi 16:18

dingereenaꞌon boonoshi yeshigaata woyee wuxiibeeti xuppattoon boonoshi uyigaata, boonoshin amolla hallaachemmone; biiyechinaꞌochi toommooch boonoshi kishoon boonoshi kotiimmona biiyechinaꞌo wodemminaꞌone” iye.

Maariqoosi 16:6

Tunetaa aroo “Keqqiyaahote! Ittoshi qaawiibeeto yoodaa qititi Naazireetechi Yesuusiniye. Aroo hiniich aalloone; tiyitone! Bi cahoo qeyiti xaaꞌoo ebiyoche.

Mishiraachechinaꞌo 27:24

‘Phawulooso, shattaahine; Qesaari aafooch neexo neech qaawiihe; wotta neenna tookkii hammii beetinaꞌo bullin Yeeri neecha getiree qitoochee wodiyemmone’ iꞌi taach bi gettitoyichiye.

Yibbaatoo 1:21

Ebiyoche, no Nuggishoo Doono Yeeri are showoon nooch immitone. Hamiree, ittoshi qaabbechinaꞌochi Nuggishoo Doono Yeeri ittoshich gettitoommon, are showoon woraashibote. Shattaahote; keqqiyaahote’ iyoye.

Yibbaatoo 20:1

Muusi Israꞌeeleenaꞌoyich ishichiye: “Gibitsee neen kichii deebiti ne Nuggishoo Doono Yeeri neenna tookkii bi tunetoyich, ne ettoona koyeya koyooch hammaꞌa, neechoyee beshiti gaarin, hareshoonaa ginee naayinaꞌonon ne beegigaata, shattaahine.

Yibbaatoo 20:2

Koyeya ittoshi katiniyooba, qeeshoo aaf besheree asheenaꞌoyich,

1 Tasaloonqi 5:15

Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

1 Ximootiyoosi 6:12

Kiristoosi toommooch mullee tooꞌiyoona koniyoona qiiccee dichaani kuppho tuneree, bulli yemeenee kashee wojjoon yeshe. Yeeri hini bulli yemeenee kashoon ne danemmoyich neen ceegaa, meeti miixeenaꞌo aafoochaa Kiristoosichon gaawichaꞌa miixeto neene.

Hibireena'o 13:6

Ebich aafee kupphoona, “Taan gaacheebeeto Doono Yeerine; shataache; asho taan amoon halleshone?” geton hakkiyone.

Yaasi 23:10

Ittoshi Nuggishoo Doono Yeeri ittoshich bi gibenikkiti gibenoommon, ittoshi qoodoon koyeebeeto bi tunetoyich, ittoshi daggoochee ikkoo humoon yookkemmone.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

1 Saameeli 17:32

Daawitiyoo Saaꞌoolich “Ebi uroyich koniyoona shati keqqaaye. Ne guuno ta hamiree ebi Filsixeemoon kochemmo taane” iye.