Yibbaatoo 20:18 - Kafa Linguistics Project

¹⁸ Ebiyoo boonoshi nuggisheenaꞌoyich boonoshi goyinnee maddee beegaata boonoshi tuniibeeti, ciigiiti mooyon ne shuunemmoyich neech boonoshi dojjaachemmoyich, wotta ne Nuggishoo Doono Yeeri toommooch axaaxoon ne shuuneyaachemmoyichiye.

Yibbaatoo 20:18 ပူးပေါင်းရင်းမြစ်များ

2 Taateenaꞌo 21:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe. Israꞌeelee taatoo Akaabi tuniitoommon, Baꞌaaloyich deejjee gudoon shuunehe; nuggishee Asheeri misiloonoo neechiye; shimaajji xojjeno bullichoo goyinnee maddehe.

Keyo 23:32

Boonoshina tookki tuneba boonoshi goyinneebeeti nuggisheenaꞌona tookki wogoon giyaahine.

Keyo 23:33

Ne showooch boonoshi beeyemmoyich daaggiyaahine. Ebin ne tuniigaata, taan ne xuqqemmoyich tuniyemminaꞌone; boonoshi goyinneebeeti nuggisheenaꞌoyich ne goyinnaa maddigaata, neech olloon tunemminaꞌone” iye.

Keyo 34:12

Ne hammaabeeti showeexi asheenaꞌona tookki wogoon ne giyaachemmoyich, ne qelloon ariibe! Ebin ne tuniigaata, neech olloon tunemminaꞌone.

Keyo 34:16

Ne anaami bushiisheenaꞌoyich boonoshi maache bushiisheenaꞌon ne shaakkiitaa, ebi maacheenaꞌo boonoshi nuggisheenaꞌoyich goyinnehooba, ne anaami bushiisheenaꞌo ebin shaahe mooyon boonoshi goyinnemmoyich tuniyemminaꞌone.

1 Qorontoosi 15:33

Asho ittoshin muriciyaaye. “Gonde addaarittino gaaweti qocoon gondii beetone.”

2 Qorontoosi 6:17

Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.

Efesooni 5:11

Aafaalli manderee shuunoona tookki ikkotteyaahote; beshoonoo ebi shuunoon bekkooch kichibote.

Yibbaatoo 18:19

Ta shigoona ebi keemecho gettiibeeti ta qaaroon waayeyaache, immon ta qelloona ta, biin sheeremmo taane.

Yibbaatoo 18:9

Muusi Israꞌeeleenaꞌoyich ishichiye: “Ne Nuggishoo Doono Yeeri neech immiibeeti showooch ne giyiyooba, arooch beeti aageteenaꞌo shuuneebeeti, ciigiiti mooyon doyiyaahine.

Yibbaatoo 20:17

Ne Nuggishoo Doono Yeeri neech bi gettitoommon, Hiteenaꞌon, Amooreenaꞌon, Kanaaneenaꞌon, Ferizeenaꞌon, Hiweenaꞌonaa Yebuseenaꞌonon ciroona hidi aalliibe.

Yibbaatoo 20:19

“Ikke katemoon koyi yecha meeti aaboon giichaa ne yeshiyooba, qofiyon daami bi aafo manjeebeeti mixon qecce aalliyaahine. Bi aafoon maayemmo ne tunetoyich, kuxxaahine. Ebi mixinaꞌo neech etteenaꞌo tooneenaꞌone.

Yibbaatoo 9:5

Boonoshi showoon woraashiya arooch ne giyaabeeto, cadiqe asho ne tunetoyich woyee ne mullee kaamoyich toonoone. Ne Nuggishoo Doono Yeeri ne aafoochee boonoshin yookkii bi kichiibeeto, gonde asheenaꞌo boonoshi tunetoyich, wottoo ne qaabbechinaꞌo tuneti Abrahamich, Yisaaqinaa Yaaqobinoyich bi wogeti wogoon ceechoyichiye.

2 Tasaloonqi 3:14

Hini wochooch kooraꞌa no daachiiti qaaroyich deꞌa getaani ashoon ariibote; bi yeellemmoyich biinna tookki ikkotteyaahote.

1 Ximootiyoosi 6:5

kuxeyaani kaaree tiijjoo, eboshi kechemminaꞌone. Gaboon hakkaaneenaꞌo tuneꞌi dacheebee, “Yeerin oogiibeeti beemon beemo gaanniyemmone” ii gabiꞌi iberoon muccetinaꞌone.

Yaasi 23:13

ittoshi Nuggishoo Doono Yeeri ebiyee bekk boonoshin ittoshi aafoochee yoohi kichaachemmo bi tunoon ebin ariibote. Ittoshi Nuggishoo Doono Yeeri ittoshich bi immiti hini gaawe showoochee ittoshi aallemmi wottoon, ittoshich shaachoonaa olloonon, ittoshi gubboon yexxiibeeti arengoon, ittoshi aafoon kochiibeeti angixon tunemminaꞌone.

Woraaferasheenaꞌo 2:3

And illa ittoshich ta gettaabeeto, ebiniye: Ebi asheenaꞌon ittoshi aafoochee yoohi aalliyaachemmo taane. Boonoshiyoo ittoshich ettoon tunemminaꞌone. Boonoshi nuggisheenaꞌo wotta ittoshich olloon tunemminaꞌone” iye.