Yibbaatoo 20:16 - Kafa Linguistics Project

¹⁶ “Tunebaani ne woraashemmoyich ne Nuggishoo Doono Yeeri neech immiibeeti, hini aageteenaꞌo katemeenaꞌooch beeti kashechi mooyo bullin wuxi aalliibe.

Yibbaatoo 20:16 ပူးပေါင်းရင်းမြစ်များ

Haddoo 21:35

Ebina Israꞌeeleenaꞌo ikke ashoonolla echiyaanoon, Oogin, bi bushiishoonaa bi asheenaꞌo bullinon wuxiyeete. Bi showoonoo woraashiyeete.

Haddoo 31:17

Andoo boonoshi anaami bushiishoonaa anaamona tookkii daneti maacheenaꞌo bullinon wuxibote.

Haddoo 33:52

arooba are showeexi asheenaꞌon ittoshi aafoochee yoohi kichemmo ittoshine; xogeeti boonoshi xaqqee giimboo bullin waaxi aalliyemmo ittoshine. Boonoshi shahalloon aalliyemmo ittoshine; guudi toommeexi boonoshi goyinnee xaaꞌoon happemmo ittoshine.

Yibbaatoo 20:15

Ebin ne tuniyemmo, neyee oogichii wokkiꞌi beeti katemeenaꞌo bulli toommoochani, hini ne katinooch beeti aageteenaꞌo katemooch toonoone.

Yibbaatoo 20:17

Ne Nuggishoo Doono Yeeri neech bi gettitoommon, Hiteenaꞌon, Amooreenaꞌon, Kanaaneenaꞌon, Ferizeenaꞌon, Hiweenaꞌonaa Yebuseenaꞌonon ciroona hidi aalliibe.

Yibbaatoo 24:4

ebi ure eeꞌeti bi tunetoyich, aafi bi keno wochinnoon biin shaagon hakkaache. Ebi Doono Yeeri aafoochaa ciigiiti mooyone. Giyi ne woraashemmoyich ne Nuggishoo Doono Yeeri neech immiibeeti showoon axaaxoona eeꞌiyaahine.

Yibbaatoo 31:5

Doono Yeeri boonoshin neech beshii immemmone. Ittoshiyoo ta getteti getoommon, boonoshi toommooch tuniibote.

Yibbaatoo 4:21

“Ittoshi naboona Doono Yeeri taan kaarehe. Yoordaanoosin ta kimaachemmoyich, wotta ittoshi Nuggishoo Doono Yeeri iristo tunii ittoshich bi immemmi gaawe showooch ta giyaachemmoyich wogeꞌi bajjiye.

Yibbaatoo 7:16

Ne Nuggishoo Doono Yeeri ne kishooch beshii immimmi asheenaꞌon wuxi aalliibe. Boonoshich ariqqeyaahine. Boonoshi nuggisheenaꞌoyich goyinneyaahine. Ebi neech olloon tunemmone.

Yaasi 10:20

Ebich Yaasinaa Israꞌeelee ginechinaꞌona boonoshi etteenaꞌo hidaa aallemmi wottoon, wuxii ciichiyeete; tunebaani giishecheenaꞌo mishigechi boonoshi katemeenaꞌooch gimon hakkitinaꞌone.

Yaasi 10:28

Ebi arooba Yaasi Maqidin yechiye. Are katemeexi asheenaꞌonaa bi taatoonon goraadoona wuxiye. Ikke ashoonolla echiyaanoon katemee daggooch beeto bullin hidii aalliihe. Yaariki taatoo toommooch bi tuniitoommon, ebiyoommon hini are Maqidi taatoo toommooch tuniihe.

Yaasi 10:40

Ebiyoommi gommona Yaasi showoo bullin kochiꞌi yechiye; geppe showooch, Negeebi barahooch, worebe showoonaa geppee gaadoonooch beeti taateenaꞌo bullin kochiꞌi, Israꞌeelee Nuggishoo Doono Yeeri gettitoommon, bullin ciroona hidii wuxii aalliihe; ikke ashoonolla echiyaanoone.

Yaasi 11:14

Israꞌeeleenaꞌo ebi katemeenaꞌoochee daneti keco bullinaa gijjeenaꞌonon boonoshi qellich tuniiheete; tunebaani asheenaꞌo bullin goraadoona wuxii aalliiheete; kashoona echeto ikkolla aalloone.

Yaasi 6:24

Aroochee Israꞌeelee ginechinaꞌo katemoo bullinaa bi daggooch beeto bullinon michiyeete; tunebaani birewoonaa aachoonon, gooshoonaa xuuroonoochee shuuneeti qiicoon daammii Doono Yeerichi kechi ginjabeetooch geddiyeete.

Yaasi 8:25

Arooba Aayi asheenaꞌo bulli ciireheete; qititi anaaminaꞌonaa maacheenaꞌonochi haddoo aaraa gutte humoone.

Yaasi 8:8

Katemoon ittoshi yeshiyooba, Doono Yeeri ittoshich gettitoommon, qaaqqoona michibote; ta ittoshich getteto taane” iye.

Yaasi 9:24

Boonoshiyoo Yaasich ishichiꞌi wochiyeete: “Ne Nuggishoo Doono Yeeri, bi guuno Muusi hini showoo bullin ittoshich bi immemmonaa arooch beeti asheenaꞌon ittoshi aafoochee wuxi bi aalliyemmonoyich, bi geto xiishaa ne guuno nooch getteetone. Ebich ittoshiichee tiyitona no kashoyich oogichaa shattaꞌa, ebin tuniito noone.

Yaasi 9:27

Aroobee aabooba Yaasi Gibeꞌooni asheenaꞌon Israꞌeeleenaꞌonaa Doono Yeeri kaaccimmi xaaꞌooch neexeebeeti, Doono Yeericho tuneti deejjee gudoonoyich michi mittechinaꞌonaa aachi kittechinaꞌonon tuniihe. Ebi shuunoon hanaach beddaahaa shuunee beetinaꞌone.

Yaasi 9:7

Tunebaani Israꞌeeleenaꞌo hini Hiweenaꞌoyich, “Diqqich hini katinooch beeti asho tunemmo ittoshine. Ishigaata, ittoshina tookki wogoon no giyemmo, aabichireeshiye?” iyeete.

1 Saameeli 15:3

And hamiree Amaleeqeenaꞌon koye; boonoshich beeti mooyo bullin ciroona aalliibe; koninolla echiyaahine; anaamon, maacheen, bushoonaa gaggeroonon wuxibe; wotta boonoshi gattoon, bagoonaa emmishoonon, gaaleenaa kuroonon wuxibe’ itone” iye.