Yibbaatoo 20:1 - Kafa Linguistics Project

¹ Muusi Israꞌeeleenaꞌoyich ishichiye: “Gibitsee neen kichii deebiti ne Nuggishoo Doono Yeeri neenna tookkii bi tunetoyich, ne ettoona koyeya koyooch hammaꞌa, neechoyee beshiti gaarin, hareshoonaa ginee naayinaꞌonon ne beegigaata, shattaahine.

Yibbaatoo 20:1 ပူးပေါင်းရင်းမြစ်များ

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

2 Kiinoo 14:10

Aasiyoo boonoshina koyeya hammiye. Mareshi gaꞌooch beeti Tsefatayi bamboochaa boonoshi koyee xaaꞌi xaaꞌoon yechiyeete.

2 Kiinoo 14:11

Aasi bi Nuggishoo Doono Yeer waan ishichiꞌi cookiye: “Doono Yeero, hakka guuteenaꞌon hakkechinaꞌo waanee gaacheebeeto neenoommo koniyoona aalloone. No Nuggishoo Doono Yeero, neen no gibenetoyich, ne shigoona hini mattiqutte ginee naayona koyemmo noone; noon gaachebe. Doono Yeero, no Nuggishoo neene; asho neen kochii wochoon hakkaache” iye.

2 Kiinoo 20:12

No Nuggishoocho, noon kochiibeeti ebi dofee ginee naayon kochii wochoon hakkaano no tunetoyich, ne boonoshi toommooch nallibe; no tuniyemmonoo tuushito noone. Tunebaani noon ne gaachemmoyich neen ciinaabeeto noone” iye.

2 Kiinoo 20:15

Biyoo ishichiye: “Taatoo Yoshafaaxo, Yihudee showoonaa Yerusaaleminooch beetinaꞌote, bull waayebote. Doono Yeeri ittoshich ishichii beetone: ‘Hini dofee ginee naayinaꞌon shati keqqiyaahote. Koyo Yeeri taachoani ittoshicho toonoone.

Shoddo 118:6

Doono Yeeri taanna tookkiiniye; shataache; asho taan amoon halleshone?

Shoddo 20:7

Ikkikke asheenaꞌo boonoshi gaarinaꞌona, bareenaꞌo boonoshi haresheenaꞌona, yebeneheete; tunebaani no, no Nuggishoo Doono Yeerichi shigoona yebenehone.

Shoddo 23:4

Qitoo yiireti bamboona ta hami gaatoona, ne taanna tookkaa ne tunetoyich, gonde mooyoyich shataache; ne gumboonaa ne tugoona taan goggii beetone.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:7

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:8

Waaree Doono Yeerichi shuunoon beegote; showee toommooch bi deebiti aalloon beegote.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Erimiyaasi 16:14

Doono Yeeri ishichiye: “Asheenaꞌo ebiyee bekk: ‘Israꞌeeleenaꞌon Gibitsee kichiti beeyechi Doono Yeeri beege’ boonoshi getaachemmi yemeeno woyemmone.

Zakaariyaasi 10:5

Boonoshiyoo ikkotteree ginee naayochoommon, boonoshi etteenaꞌon gommeexi dengoochoommon kotemminaꞌone. Doono Yeeri ta, boonoshina tookkaa ta tunetoyich koyeree, hareshechinaꞌonolla koyi wochemminaꞌone.

Haddoo 10:9

Ittoshi hajjee showoochaa ittoshin xuqqiti etteenaꞌon koyooch ittoshi keyiyooba, bi qaaroon oogichiree tiroon hugote. Ittoshi Nuggishoo Doono Yeeri ta aafoochaa shalligeyemmo ittoshine; ittoshi etteenaꞌo kishoochee ittoshin wodiyemmo taane.

Haddoo 23:21

Gubbich, Yaaqobi toommooch shaggemmi gonde mooyo bekkeyaanoone; Israꞌeel waanoo shaggemmi duꞌo aalloone. Boonoshi Nuggishoo Doono Yeeri boonoshina tookkii beetone; taatoyich ilileebeeti ililoo boonoshi daggoochiye.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Yibbaatoo 1:29

“Tawoo ittoshich ‘Ebi asheenaꞌon shati keqqiyaahote.

Yibbaatoo 2:7

“Doono Yeeri am shaahoon ittoshi kishoona ittoshi shuuneti mooyo bullina ittoshin bi diirito gaata shalligibote. Ebi shaahe gamini barahoona ittoshi shaꞌee beehooba, ittoshich qaawiibeeti mooyon imona ittoshin gaachetone. Ebi aabbe naton ittoshina tookkii bi tunetoyich, amoonolla mucceyaano ittoshine.

Yibbaatoo 20:2

Koyeya ittoshi katiniyooba, qeeshoo aaf besheree asheenaꞌoyich,

Yibbaatoo 20:3

ishichibe: ‘Israꞌeeleenaꞌote, waayebote. Hanaach ittoshi etteenaꞌona tookki koyeya hammiibeeto ittoshine. Ittoshi mullo keqqaaye; shati qeweyaahote.

Yibbaatoo 31:6

Kupphebote; maaci kuxo tunebote. Boonoshin shati keqqiyaahote. Ne Nuggishoo Doono Yeeri neenna tookkii hammii beetone; neen dufaachemmone; neenoo qayaachemmone” iye.

Yibbaatoo 31:8

Doono Yeeri ne aafooch shiichemmone; neenna tookkishoo tunemmone. Neen dufaachemmone; neenoo qayaachemmone. Shattaahine; keqqishoo gettaahine” iye.

Yibbaatoo 7:1

Muusiyoo Israꞌeeleenaꞌoyich ishichiye: “Ne Nuggishoo Doono Yeeri ne woraashemmi showooch neen giijjemmone. Ebi are showooch neyee beshe giidechinaꞌonaa meetinaꞌona tuneti shabaatte aageteenaꞌo beetinaꞌone. Eboshiyoo: Hiteenaꞌo, Girigaasheenaꞌo, Amooreenaꞌo, Kanaaneenaꞌo, Ferizeenaꞌo, Hiweenaꞌonaa Yebuseenaꞌonane. Biyoo boonoshi bullin ne aafoochee yoohi kichemmone.

Yibbaatoo 7:18

Tunebaani boonoshin shattaahine. Ne Nuggishoo Doono Yeeri Gibitsee asheenaꞌo bullinaa boonoshi taatoonochi toommooch bi tuniiton shalligibe.

Yibbaatoo 7:21

Neenna tookkii beeti ne Nuggishoo Doono Yeeri giidechonaa shattiitona tuneti Nuggishoo bi tunetoyich, boonoshin shattaahine.

Yibbaatoo 9:3

Michii aalliibeeti qaaqqoochoommon ne aafooch shiichiꞌi hammiibeeto ne Nuggishoo Doono Yeeri bi tunoon hanaach ariibe. Biyoo boonoshin ne aafoochee koyi wochiree aalliyemmone. Doono Yeeri neech bi gibenikkitoommon, boonoshin yoohi kichemmo neene; kaateree boonoshi aallemmoyichoo tuniyemmo neene.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Yaasi 11:9

Doono Yeeri biich bi gettitoommon, Yaasi boonoshi haresheenaꞌo tingoon qeccehe; boonoshi gaarinaꞌonoo qaaqqoona michiye.

Woraaferasheenaꞌo 6:12

Doono Yeerichi maraakoo biich bekkeꞌi, “Giidechi ginee anaamocho, Doono Yeeri neenna tookkiiniye” iye.

Woraaferasheenaꞌo 6:16

Doono Yeeriyoo wochiꞌi, “Iberoon ta neenna tookki tunemmo taane. Miidiyameenaꞌon ikke ashoon wuxoommon wuxi aalliyemmo neene” iye.

1 Saameeli 17:32

Daawitiyoo Saaꞌoolich “Ebi uroyich koniyoona shati keqqaaye. Ne guuno ta hamiree ebi Filsixeemoon kochemmo taane” iye.