Yibbaatoo 2:36 - Kafa Linguistics Project

³⁶ Arinooni bambee daarooch beeti Aroꞌeeri katemoonaa bambee daggooch beeti katemoonoochee tiijjiꞌi Gilaadee showooch beddaahaa beeti xaqqee uxerechi katemeenaꞌoochee noon mawito ciroona aalloone. No Nuggishoo Doono Yeeri bullin no kishooch beshiiꞌi immiye.

Yibbaatoo 2:36 ပူးပေါင်းရင်းမြစ်များ

2 Saameeli 24:5

Boonoshiyoo Yoordaanoosin kimmiꞌi, Aroꞌeeri katemoonaa bambee gutte daggooch beeti bare katemoonoochee tiijjiꞌi haddooch giyiyeete. Gaadee showee gutte daggoona besheheete. Aroochee deshi-waan wotteꞌi Yazeeri katemooch,

2 Taateenaꞌo 10:33

Yoordaanoosi aacochaa aabi-keyo waan beeti Gilaadee showoo bullin Arinooni bambee gaꞌooch beeti Aroꞌeeri katemoochee tiijjiꞌi, Gaadichi showoon, Roobeelichi showoonaa Minaasichi showoonon bulla kochii yechiye. Ebiyoo Gilaadee showoonaa Bashaanee showoonane.

Shoddo 44:3

Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.

Keyo 23:31

“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene.

Isiyaasi 17:2

Aroꞌeeri katemeenaꞌo bulli yemeenooch shokko echemminaꞌone; bago quyeebeeti gaddoon tunemminaꞌone; bago, koniyoona biin keqqichaanoon arooch miqqe kashemmone.

Erimiyaasi 48:19

Aroꞌeer beetinaꞌote, gommi gashooch neexaachi ciinote! Woccii beetonaa muriccaa beetinon ‘Amo shaggiye?’ geti echebote.

Haddoo 32:34

Gaadi yoodee asheenaꞌo Diiboonin, Axarootin, Aroꞌeerin,

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Yibbaatoo 3:12

Muusiyoo Israꞌeeleenaꞌoyich ishichiye: “Arooba ebi are Yoordaanoosi aacoochaa aabi-keyo waan beeti showoon no yechetoyee gubb, Arinooni bambee gaꞌooch, Aroꞌeeri katemoochaa dambi-waan beeti showoon, wotta geppechi Gilaadee showee qaton bi daggooch beeti katemeenaꞌona tookkaa Roobeelinaa Gaadinochi yoodeenaꞌoyich immehoye.

Yibbaatoo 4:48

Ebi showoo beeto, Arinooni bambee gocooch beeti Aroꞌeeri katemoochee tiijjiꞌi Siriyooni guudooch, ebi geto Hermooni guudooch, beddaahaane.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Yaasi 12:2

Heshibon beechii qeejjiti, Amooreenaꞌo taatoo Sihooni, Arinooni bambee gocooch beeti Aroꞌeeri katemoonaa bambee daggoochee tiijjiꞌi, Amooneenaꞌochi daaro tuneti Yaabooqi aacooch beddaahaa beeti showoonon hajjitone; ebiyoo Gilaadee showee qatone.

Yaasi 13:16

Boonoshi showoo, Arinooni bambee gocooch beeti Aroꞌeeri katemoonaa bambee daggooch beeti katemoonoochee tiijjiꞌi beeti showoo tunemmona, Medeebi katemee guudooch beeti geppeexi naqqe showoo bulline.

Yaasi 13:9

Boonoshi woraashiti showoo, Arinooni bambee gocooch beeti Aroꞌeeri katemoonaa bambee daggooch beeti katemoonoochee tiijjiꞌi, Diibooni katemooch beddaahaa beeti Medeebi geppeexi naqqe showoo bulliniye.

Yaasi 21:44

Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone.

Woraaferasheenaꞌo 11:22

Arinooni aacoochee Yaabooqi aacooch beddaahaa, wotta barahoochee Yoordaanoosi aacooch beddaahaa beeti Amooreenaꞌo showoo bullin woraashiyeete.

Woraaferasheenaꞌo 11:26

Israꞌeeleenaꞌo Heshiboni katemoonaa bi guudoona beeti gafoonooch, Aroꞌeeri katemoonaa bi guudoona beeti gafoonooch, wotta Arinooni aachi gasheexi katemeenaꞌo bulliich keejje balle naton kotetinaꞌone. Ishigaata, arooba amoyich wochii deꞌaachote?