Yibbaatoo 2:33 - Kafa Linguistics Project

³³ Tunebaani no Nuggishoo Doono Yeeri biin no kishooch beshiiꞌi immiye. Nowoo biin, bi anaami bushiishoonaa bi ginee naayinaꞌo bullinon wuxiyon.

Yibbaatoo 2:33 ပူးပေါင်းရင်းမြစ်များ

Halloo 14:20

Ne etteenaꞌon ne kishooch beshii immiti, Beshe Nuggishoo Yeeri diireebe” iye. Abraamiyoo kecoochee bi daneto bulliichee aashiroochee ikke beeroon biich immiye.

Shoddo 136:19

Amooree taatoo Sihoonin wuxito, bulli yemeenoon shoodechone.

Keyo 23:31

“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene.

Haddoo 21:24

Tunebaani Israꞌeeleenaꞌo boonoshin kochii wochiyeete. Arinooni aacoochee tiijjiꞌi Yaabooqi aacooch beddaahaa beeti boonoshi showoon deqqiyeete. Amooneenaꞌo showee daaro manjoo bi tunetoyich, arooch besheyaaneenaꞌone.

Yibbaatoo 2:32

“Sihooniyoo bi ginee naayinaꞌo bullin yechiꞌi noonna koyeya Yahaatsi katemooch waahe.

Yibbaatoo 20:16

“Tunebaani ne woraashemmoyich ne Nuggishoo Doono Yeeri neech immiibeeti, hini aageteenaꞌo katemeenaꞌooch beeti kashechi mooyo bullin wuxi aalliibe.

Yibbaatoo 29:6

Koshon maataano ittoshine; woyinee uyoon woyee mashiibeeti uyoon uyaano ittoshine; tunebaani ittoshi Nuggishoo ta tunoon ittoshi ariyemmoyich, Doono Yeeri ta, ittoshich qaawii beeton immeto taane’ itone.

Yibbaatoo 7:2

Ne Nuggishoo Doono Yeeri boonoshin ne kishooch beshii bi imaa, koyi wochemmo neene. Ebiyooba boonoshin ciroona hidi aalliibe. Boonoshina tookki ikkotteya wogoon giyaahine. Boonoshichoo ariqqeyaahine.

Yaasi 21:44

Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone.

Woraaferasheenaꞌo 1:4

Yihudi yoodoona koyooch tookkii hammiyeete. Doono Yeeriyoo Kanaaneenaꞌonaa Ferizeenaꞌonon boonoshi kishooch beshiiꞌi immiye. Boonoshiyoo aashire hume asheenaꞌon Bezeeqaa wuxiyeete.

Woraaferasheenaꞌo 7:2

Doono Yeeri Geediyoonich ishichiye: “Neenna tookkii beeti asho meettitone. Israꞌeeleenaꞌo ‘No hajjee giidoonane no wodito’ getiree ta toommooch boonoshi geecaachemmoyich, Miidiyameenaꞌon boonoshi kishooch beshiiree imaachemmo taane.