Yibbaatoo 18:6 - Kafa Linguistics Project

⁶ “Ikke Lewee asho bi mullo tiyaa, bi koteti katemoon qajjii, Doono Yeeri kaacciti xaaꞌooch bi hamigaata,

Yibbaatoo 18:6 ပူးပေါင်းရင်းမြစ်များ

Shoddo 26:8

Doono Yeero, ne beeti kexon, ne oogo beeyi xaaꞌoon shunnoye.

Shoddo 27:4

Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Shoddo 84:10

Bare xaaꞌooch hume qemon kotoyee, ne addibaabooch ikke heeyon heeyo gaawiye. Gondeenaꞌochi duukkaanooch beemoyee, Yeerichi kechi kellooch neexoon shunnoye.

Shoddo 84:5

Boonoshi giidoo neen tuniitinaꞌo, damba Tsiyooni boochoon boonoshi mulloona gabii beetinaꞌo, diireetinaꞌone.

Haddoo 35:5

Ebiyoo katemoo daggooch tunemmona bi awudde goco dambee tiijjii desh gutte hume hiroo, okkee tiijjii hach gutte hume hiroo tunemmone. Ebi xaaꞌeenaꞌo katemeexi asheenaꞌochi miinji gaddo tunemminaꞌone.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:14

Ne deejjemmo, ne yoodeenaꞌo showee daggoochee Doono Yeeri kaaccemmi ikke xaaꞌoochaa baachiye. Micciibeeti ne deejjoon ne deejjemmonaa neech ta gettaabeeti mooyo bullin ne tuniyemona, ebi aroochaa baachiye.

Yibbaatoo 12:5

Ittoshi Nuggishoo Doono Yeeri bi shigo ceekkemmonaa arooch bi danemmona tuneti xaaꞌoon ittoshi yoodeenaꞌo bulli daggoochee kaaccemmone. Are xaaꞌoon qaawiꞌi, arooch hammii biich goyinno ittoshich qaawiihe.

Yibbaatoo 16:2

Ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, Beshee Baaree deejjoon ne deejjaa beegaata, ne miimoochee woyee ne bagoochee woyee ne emmishoochee bashiree biich deejjibe.

Yibbaatoo 18:7

Doono Yeeri aafooch neexeꞌi maddeebeeti, biinoommi Leweenaꞌochoommon, biyoo bi Nuggishoo Doono Yeerichi shigoona maddebe.

1 Ximootiyoosi 3:1

“Koniyoona kittinnee guuphon yaabii qeejjiibeeti geeno tunoon bi qaatigaata, gaaweti shuunoon qaatitone” ii beeti qaaro iberoone.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.