Yibbaatoo 18:20 - Kafa Linguistics Project

²⁰ Tunebaani bi gettemmoyich biich ta getaani mooyon aafoon kuppheꞌi ta shigoona keemmiibeeti keemechon woyee bare nuggisheenaꞌochi shigoona keemmii beeton wuxibote’ itone.

Yibbaatoo 18:20 ပူးပေါင်းရင်းမြစ်များ

1 Taateenaꞌo 13:19

Ebich Yeer asho biinna tookkii wotteꞌi, bi kexoochee koshon maahe; aaconoo uchiye.

1 Taateenaꞌo 18:19

Andoo asheenaꞌo Qermeloosi guudoochaa taanna boonoshi danemmoyich Israꞌeelee asho bullich wochoon daachiibe. Elizabeeli madoochee maabeeti, awudde ballaa aache Baꞌaalee keemechinaꞌonaa nuggishee Asheerichi awudde balle keemechinaꞌona woyemmoyich tuniibe” iye.

1 Taateenaꞌo 18:27

Aabee daggehaa Eliyaasi, “Nuggishoo bi tunetoyich, qaaroon oogichiree cookibote; diqqich gabooch giyiꞌi, woyee maach kechiꞌi, woyee gommo shaꞌee tunemmone. Woyee diqqich tokkete beeyemmone; shuurikkibote” iibee boonoshin cooqqiriye.

1 Taateenaꞌo 18:40

Aroochee Eliyaasi boonoshich, “Baꞌaalee keemechinaꞌon yeshote; boonoshiichee ikkolla muriccaaye” iye. Boonoshiyoo yechiyeete. Eliyaasiyoo Qishooni aacooch daammiꞌi, aroochaa boonoshin wuxiye.

Erimiyaasi 2:8

Qeesheenaꞌoo ‘Doono Yeeri aaye?’ getaaneenaꞌone; sheeree dojjechinaꞌoo taan ariyaaneenaꞌone; qeejjechinaꞌoo ta toommooch hukkeheete; keemechinaꞌoo, gaacaalli mooyon dabbiꞌi Baꞌaaloochi shigoona keemoon keemmiyeete.

Erimiyaasi 23:30

“Ebich ta qaaroon shaahiiꞌi, baroochi noonoochee bi waayeton keemmiibeeti keemecho toommooch tiyeto taane” iye Doono Yeeri.

Erimiyaasi 23:31

“Boonoshi mullee gaboon taachon tuniiꞌi ‘Doono Yeeri ishichiye’ ii beeti keemechinaꞌo toommooch tiyeto taane” iye Doono Yeeri.

Erimiyaasi 26:11

Qeesheenaꞌonaa keemechinaꞌona, ukkireenaꞌonaa asho bullinoyich “Ittoshi hajjee waamona ittoshi waayetoommon, hini katemee toommooch keemoon bi keemmitoyich hini uro qita bedoone” iyeete.

Erimiyaasi 27:15

Doono Yeeri ‘Ta boonoshin deejjaano taane; tunebaani ittoshin ta yookkemmoyich, ittoshiyoo aallemmoyich tuniiya ta shigoona kootoon keemmii beetinaꞌone; ittoshiyoo ebi ittoshich kootoon keemmii beetinaꞌoo aallemmo ittoshine’ itone” iyo.

Hiziqeeli 13:6

Boonoshi yaaꞌoo kootoone; boonoshi qaaxo kootoone; Doono Yeeri boonoshin wocheyaanoon “Doono Yeeri ishichiye” iyeete; aroochee boonoshi keemmito ceennemmoyich quyeheete.

Zakaariyaasi 13:2

Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

Zakaariyaasi 13:3

Koniyoona keemoon bi keemigaata, bi indeenaa bi nihoona, ‘Doono Yeerichi shigoona kootoon keemmeto neene; ebich qitemmo neene’ gettemminaꞌone. Keemoon bi keemi gaatoo, biin shiyiti bi nihoonaa bi indeena biin kochemminaꞌone.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Yibbaatoo 13:6

“Ne manoo, ne indee shiyeto woyee ne bushoo woyee ne bushee woyee ne shunnaabeeti ne mechee woyee kashoommi ne nuuchoo, newoo tuneb ne qaabbechinaꞌo goyinnee maddee ariyaani nuggisheenaꞌoyich ne goyinne maddemmoyich tuniiya qaawiree, ‘Ne waataa hamiree bare nuggisheenaꞌoyich goyinne maddebone’ getiree aashoona neen dachemmo tunemmone.

Yibbaatoo 17:12

Ne Nuggishoo Doono Yeeri aafooch neexeechii maddeebeeti qeeshoyich woyee woraaferashoyich ‘Deꞌa getaache’ ii beeti asho qitibe. Ebin tuniyoona ebi gonde mooyon Israꞌeelee showoochee wokkiibe.

Yibbaatoo 18:21

“Newoo ne mulloona ‘Doono Yeeri getaani qaaro bi tunoon ariyoon aabichi hakkehone?’ ne getigaata,

Yibbaatoo 18:22

keemecho Doono Yeerichi shigoona getaa, are mooyo ceeno woyee iberoo tuno bi qayigaata, are mooyo Doono Yeeri ta getaani mooyone. Are keemecho aafee kupphoonane bi gettito; biin shattaahine” iye.

2 Pheexiroosi 2:12

Ebi are asheenaꞌo boonoshi ariyaani mooyoyich naagee beetinaꞌone; olletaa aalloyich shiijjeti, boonoshi halloona shalligoon hakkaani kubbi cooxoomminaꞌone; kubbi cooxinaꞌoo olletaa aalloommon ebiyoommon aallemminaꞌone.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Woraaferasheenaꞌo 2:15

Koyoyich boonoshi kechimmi aabo bullin, Doono Yeeri “Tuniyemmo taane” iꞌi bi wogetoommon, boonoshi toommooch magge mooyon tunii beehe. Ebina boonoshiyoo oogeton xuuxeheete.