Yibbaatoo 17:8 - Kafa Linguistics Project

⁸ Muusi Israꞌeeleenaꞌoyich ishichiye: “Ittoshi katemooch beeti ikkikke mooyo nallii kuxoyich nallechinaꞌoyich oogeti maggoo tunemmone. Ebiyoo ikke asho ashoon bi wuxito, gabii kuxxiꞌi bi tunoonaa diqqoona bi tunoonon, ashoon bi yexxito woyee ashi qiicoon bi duubiito ariibee bi tunoonaa diqqoona bi tunoonon bariiꞌi ariyoone. Ebi mooyo tunehooba, ne Nuggishoo Doono Yeeri kaacciti xaaꞌooch tiyi hambe.

Yibbaatoo 17:8 ပူးပေါင်းရင်းမြစ်များ

2 Saameeli 15:2

Biyoo maaddi maaddoona tiyiꞌi, katemee kellooch daammiibeeti gommooch neexee beehe. Asho koniyoona bi taggoon taatoyich giddiiya bi waammona, Abisoloomi biin ceeggiꞌi, aabekkee bi waato gaata echee beehe. Uro Israꞌeeleenaꞌo daggoochee koni yoodo gaata bi tunoon bi gettimmona,

1 Kiinoo 26:29

Yitsaaree asho tuneti Kananiyinaa bi maneenaꞌona yaafee kexoyee maach beeti shuunooch Israꞌeeleenaꞌo toommooch iraasheenaꞌonaa nallechinaꞌonon tuneheete.

Keyo 18:15

Muusiyoo ishichiꞌi wochiye: “Ebin ta tuniyaabeeto, asheenaꞌo Yeerichi daaggoon echii waayeya qaawiꞌi ta waan boonoshi waa beetoyichiye.

Keyo 18:26

Boonoshiyoo bulli aaboon asheenaꞌochi moochi nallechinaꞌo tuneꞌi shuunee beeheete; magge mooyon baach Muus waan deebii beeheete; kette mooyon boonoshi nallii ciichii beeheete.

Keyo 21:20

“Ikke asho bi guunon woyee bi gonneen gumboona bi yexaa, bekkech bi qitigaata, bi doono sheereebe.

Keyo 21:22

“Asheenaꞌo boonoshinaa boonoshina kaareꞌi xifechi ureen boonoshi yexaa, bushoo shiijjee qiccegaata, tunebaani ure toommooch qaaꞌi iritoon deebaano bi tunegaata, ure toommooch ebin tuniiti uro ureechi keno echetonaa nallechinaꞌo nallitonon nummebe.

Keyo 21:28

“Gattoo ashoon kochii bi wuxigaata, xaqqoona yexaa qitibe; bi meenoo manjeyaaye. Gattoochi doono echeyaachemmone.

Keyo 22:2

“Gaayo bi gaajjiton qoce; tunebaani bi qoccemmo amolla bi kishooch aallegaata, bi gaajjiton qocoyich are gaayo bi qelloona kechebe. Ebi bi gaajjiti gijjoo, gattoo woyee kuro woyee bago woyee emmisho kashoona bi kishoochee bi danegaata, gutte kishoon tuniiree qoce. “Ikke gaayo ashi kexon iijjiibee yecheꞌi yexaa bi qitigaata, ebin tuniito ebi gaayoochi kashoyich echeyaachemmone; tunebaani harii aabo kechiichaa ebi mooyo tunegaata, uro ashi kashee kichoona echeyemmone.

Keyo 22:8

Tunebaani gaayo yecho bi qayigaata, ebi kechi doono moochi daggooch bi kishoo beemonaa aalloona bi arichemmoyich, nallechinaꞌo aafooch giddebe.

Hiziqeeli 44:24

Asho kaarehooba nallechon tunebeete; ta qociyoommona nallibeete; ta baaroon ciinnii beetona ta geteenaꞌonaa ta qociyoonon quyebeete; ta shambetoonoo yaafibeete.

Haagi 2:11

Beshe Mawe Doono Yeeri ishichiye: “Qeesheenaꞌo ebi echoon boonoshi wochemmoyich echebe!

Milikiyaasi 2:7

“Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Haddoo 35:11

ariyaanoon diqqoona ashoon wuxiti asho aalleree arooch bi hammemmi shoobi katemoon ittoshich kaacote.

Haddoo 35:16

“ ‘Tunebaani ikke asho baroon bi qitimmi wottoon xuuroona bi yexaa bi qitigaata, ashoon wuxitone; ashoon wuxiti asho qitibe.

Yibbaatoo 1:17

Dabiiree nalliyaahote. Gaannechonaa girechonon tachi ciinote. Dayinneto Yeericho bi tunetoyich, ashi aafoon ciini shattaahote. Ittoshich maggemmi mooyon taach ittoshi deebaa, ta aroon nallemmo taane’ iyaꞌa gettoye.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:14

Ne deejjemmo, ne yoodeenaꞌo showee daggoochee Doono Yeeri kaaccemmi ikke xaaꞌoochaa baachiye. Micciibeeti ne deejjoon ne deejjemmonaa neech ta gettaabeeti mooyo bullin ne tuniyemona, ebi aroochaa baachiye.

Yibbaatoo 12:5

Ittoshi Nuggishoo Doono Yeeri bi shigo ceekkemmonaa arooch bi danemmona tuneti xaaꞌoon ittoshi yoodeenaꞌo bulli daggoochee kaaccemmone. Are xaaꞌoon qaawiꞌi, arooch hammii biich goyinno ittoshich qaawiihe.

Yibbaatoo 19:17

boonoshi guttiyona Doono Yeeri aafooch, aroobee yemeenooch maddeebeeti qeesheenaꞌonaa woraaferasheenaꞌona waan hambeete.

Yibbaatoo 19:4

“Ashoon wuxiti ashich tunemmi doyoo ebine. Aroyee aaf kaaro boonoshi daggooch aalloon ariyaanoon diqqoona ashoon wuxiti asho ebi katemeenaꞌoochee ikkooch muriciree hami wodibe.

Yibbaatoo 21:5

Lewichi shiijjereenaꞌo tuneti qeesheenaꞌo wotta arooch hambeete. Ebiyoo asho ikkoo baroon xuꞌaa, taggeebeeti taggoon nallemminaꞌo boonoshi tunetoyichiye; wotta ne Nuggishoo Doono Yeeri biich boonoshi maddemmonaa bi shigoona boonoshi diiremmonoyich boonoshin bi kaaccitoyichiye.

Yibbaatoo 25:1

“Ashoonaa ashoona kaareꞌi taggooch, nallee gabberooch boonoshi giddegaata, nallechinaꞌo xukketoyich nalliree xuqqiton xoobiibeete.