Yibbaatoo 17:20 - Kafa Linguistics Project

²⁰ Ebin bi tuniyoo, ‘Ta maneenaꞌoyee besho taane’ geti bi gabaachemmoyich, wotta Yeerichi getoochee qanne badd woyee yooche badd bi wotteyaachemmoyich biin quyemmone. Ebina biinnaa bi shiijjereenaꞌona Israꞌeeleenaꞌo toommooch meeti yemeenoon taatemminaꞌone.

Yibbaatoo 17:20 ပူးပေါင်းရင်းမြစ်များ

2 Saameeli 22:23

Bi sheeroo bullin ceechito taane; bi qociyoocheenoo gubb wotteyaano taane.

1 Taateenaꞌo 11:34

“ ‘Tunebaani taatittino bullin bi kishoochee tiijjaachemmo taane. Ta qociyoonaa ta getoonon quyeti, ta kaacceti Daawiticha getiree, kashoona bi beeti yemeeno bulliich biin wulloo tuniyemmo taane.

1 Taateenaꞌo 11:36

Ta shigo arooch bi beeyemmoyich, ta kaacceti katemoo Yerusaalem, ta guuno Daawitich ceechoo bulli aaboon ta aafooch bi beeyemmoyich, bi bushoyich ikke yoodoon immemmo taane.

1 Taateenaꞌo 15:3

Biyoo bi nihoo shuuneti axaaxoo bullin shuunehe. Bi qaabbechi Daawitichoommon, bi mullo bi Nuggishoo Doono Yeerich gibeneeto tuneyaanoone.

1 Taateenaꞌo 15:5

Ebin bi tuniito, Hitee asho tuneti Uuriyi toommooch bi tuniiti xuꞌoyee besh, Daawiti kashoona bi beeti yemeeno bulliich, Doono Yeeri aafooch kaamoo tuneti mooyon bi tuniitoyich, Doono Yeerichi getoocheenoo gubb shokaano bi tunetoyichiye.

1 Taateenaꞌo 2:3

Ne Nuggishoo Doono Yeerichi getoon quyebe. Ne tuniyaabeeti mooyonaa ne hammaabeeti gommo bullina neech bi kaamemmoyich, bi gommona hambe; Muusichi Sheerooch bi kooreetoommon, bi doyeenaꞌon, bi geteenaꞌon, bi sheereenaꞌonaa bi qociyeenaꞌonon quyebe.

2 Taateenaꞌo 10:30

Doono Yeeriyoo Yehich, “Ta aafooch kaame mooyon ne tuniitoyich, ta mulleexo bulliyoommon Akaabi kechi asheenaꞌo toommooch ne tuniitoyich, ne shiijjeroo awudde shiijjerooch beddaahaa, Israꞌeelee taatee qeenooch kotemmone” iye.

2 Taateenaꞌo 14:10

Edoomin kochaa ne wochitoyich ne mulloona geecito neene. Ne daneti oogo neech beddiye; ne kexooch kasheree kotebe. Neennaa Yihudee asheenaꞌona iritooch dihemmoyich ne qaawaabeeto, amoyichiye?” iye.

2 Kiinoo 25:19

‘Edoomin kocheto taane’ iyaꞌa ne mulloona geecito neene. Illa and ne kexooch kasheree kotebe. Neennaa Yihudee asheenaꞌona iritooch dihemmoyich ne qaawaabeeto, amoyichiye?” iye.

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

2 Kiinoo 33:12

Minaasi bi xuuxehooba, bi Nuggishoo Doono Yeerichi gaachoon qaawiye. Bi qaabbechinaꞌochi Nuggishoo aafooch bi qelloon oogeton giishiiꞌi corootiye;

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

2 Kiinoo 33:23

Bi nihoo Minaasi bi qelloon bi giishiyoommon, Doono Yeeri aafooch bi qelloon giishiyaanoone. Axaaxoon shuunoona beshii beshii qeyiye.

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Shoddo 119:102

Taan ne dojjitoyich ne qociyoochee ikaano taane.

Shoddo 132:12

Ne bushiisheenaꞌo ta wogoonaa boonoshich ta immemmi qociyoonon boonoshi quyegaata, boonoshi bushiisheenaꞌo neyee gubb, bulli yemeenoon ne taatee qeenooch kotemminaꞌone” iye.

Shoddo 19:11

Ne guuno aroona guyeehe; boonoshin bi quyoonoo oogichii gaachehe.

Shaahiyoo 10:27

Doono Yeerin shato eenon genjiihe; tunebaani gonde ashi eeno qaminnemmone.

Shaahiyoo 27:24

Gaanno bulli yemeenoon beetaachemmone; gubbichoo shiijjeroo bulliich manjiree beetaachemmone.

Dojjecho 8:13

Tunebaani gondeenaꞌo Yeerin shato boonoshi qajjitoyich, boonoshich gaaweyaachemmone; boonoshi eeno yagaanoon yiirittoochoommon beshemmone.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

2 Qorontoosi 12:7

Ebi taach bekketi, worganikkiti wodde mooyinaꞌona ta geecaachemmoyich, ta meenon angixochoommon kochii shooddiibeeti, ebiyoo taan guripphiibeeti Sheexaanee wocheyecho taach ichehe; bi ichetoo, beshoon ta geecaachemmoyichiye.

Yibbaatoo 12:25

Doono Yeeri aafoochaa tato tuneti mooyon ne tuniyoona, neennaa ne shiijjereenaꞌonoyich mooyo bi kaamemmoyich, damoon maayaahine.

Yibbaatoo 12:28

Ebi neech ta getteti mooyinaꞌo bullin ceechi ne quyemmoyich ne qelloon ariibe! Ebin ne tuniigaata, ne Nuggishoo Doono Yeeri aafooch tatoonaa kaamoona tuneti mooyon ne tuniyoona, mooyo bulli neennaa ne shiijjereenaꞌonoyich bulli yemeenoon kaamemmone” iye.

Yibbaatoo 12:32

“Ebi neech ta getteti mooyo bullin tuniibe. Ebi arooch amoonolla daakkiyaahine. Wotta ebi aroochee amoonolla shappiiyaahine.

Yibbaatoo 17:11

Boonoshi nalloonaa yibbaatee kuxxiꞌi neech boonoshi gettiti mooyonon tuniibe. Boonoshi nallii kuxxiti mooyoochee qanna yoocha gettaahine.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

Yibbaatoo 5:32

“Illa ittoshi Nuggishoo Doono Yeeri ittoshich gettiton ittoshi quyemmoyich ittoshi qelloon ariibote! Ebi aroochee qanna yoocha gettaahote.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

1 Saameeli 10:25

Saameeliyoo taatoyich geddeyemmi mooyonaa taatoochi shuunoonon asheenaꞌoyich bi gettitoyee gubb, macaafooch kooriꞌi Doono Yeeri aafooch kotiihe. Aroochee asheenaꞌon boonoshi kexi kexooch daachiihe.

1 Saameeli 15:23

Hukkoon shuuno kaayee axaaxoon shuunoommone; babberittinoo shahalloyich goyinnoommi gonde mooyone. Ne, Doono Yeerichi getoon ne qajjetoyich, biyoo taatoo ne tuneyaachemmoyich neen qajjitone” iye.