Yibbaatoo 17:18 - Kafa Linguistics Project

¹⁸ “Taatee qeenooch bi kotehooba, hini Sheeree Macaafoon qeeshoo tuneti Leweenaꞌo waanee daamiree, bi qellich macaafooch bi kooreyemmoyich tuniibe.

Yibbaatoo 17:18 ပူးပေါင်းရင်းမြစ်များ

1 Taateenaꞌo 2:3

Ne Nuggishoo Doono Yeerichi getoon quyebe. Ne tuniyaabeeti mooyonaa ne hammaabeeti gommo bullina neech bi kaamemmoyich, bi gommona hambe; Muusichi Sheerooch bi kooreetoommon, bi doyeenaꞌon, bi geteenaꞌon, bi sheereenaꞌonaa bi qociyeenaꞌonon quyebe.

2 Taateenaꞌo 11:12

Aroochee Yoyaadi taatoochi bushoon kichiꞌi, gubbichoon ukiihe; wogee macaafoonoo biich immiye; taatoo bi tunoon awaajjiyeete; biinoo huuttiꞌi taatiiheete. Boonoshiyoo koppeebee, “Taatoo hume naton taatebe” ii cookiyeete.

2 Taateenaꞌo 22:8

Aroochee qeeshee guudo Hiliqiyi koorechi Shafaanich: “Sheeree Macaafoon Doono Yeerichi yaafee kexoochee daneto taane” iye. Hiliqiyi macaafoon Shafaanich immiye. Shafaaniyoo ebi macaafoon shemmehe.

2 Kiinoo 34:15

Hiliqiyiyoo koorechi Shafaanich “Sheeree Macaafoon Doono Yeerichi yaafee kexoochee daneto taane” iye. Aroochee macaafoon Shafaanich immiye.

Yibbaatoo 31:9

Muusiyoo hini sheeroon kooriꞌi, Doono Yeerichi wogee taabootoon shaaggiibeeti, Lewi yoodoochee tuneti, qeesheenaꞌonaa Israꞌeelee geeneenaꞌo bullinoyich immiye.

Yaasi 1:8

Hini Sheeree Macaafo ne noonoochee baraaye. Bi daggooch kooreeto bullin manjiiree ne ceechemmoyich, areddoonaa xumoonon shalligibee shemmebe. Ebin ne tuniigaata, bulli mooyo neech mashaami kaamemmone.