Yibbaatoo 17:15 - Kafa Linguistics Project

¹⁵ Ebiyooba ne Nuggishoo Doono Yeeri kaaccimmon ne toommooch taatiibe. Israꞌeelee yaroo tunetonani, Israꞌeelee yaroo tuneyaani shiqqoon ne toommooch taatiyaahine.

Yibbaatoo 17:15 ပူးပေါင်းရင်းမြစ်များ

2 Saameeli 5:1

Ebiyee gubb, Israꞌeelee yoodeenaꞌo bulli Kebiroon, Daawit waan waaꞌi, biich ishichiyeete: “No, ne meeno, ne damoo noone.

2 Saameeli 5:2

Besheti yemeenooch, Saaꞌooli no toommooch taateꞌi beehooba, Israꞌeeleenaꞌon ginee koyee xaaꞌoochaa yaabito neene. Doono Yeeriyoo neech ‘Ta asheenaꞌo tuneti Israꞌeeleenaꞌon qiddemmo neene; boonoshinoo qeejjemmo neene’ itone” iyeete.

1 Kiinoo 12:23

Doono Yeeri bi gettitoommon, Saaꞌoolichi taatittinoon tiijjiree Daawitich imoyich, Daawiti beeti Kebiroon waati ginee naayinaꞌochi haddoo ebine:

1 Kiinoo 22:10

Taach kexon haggemmo biine. Biyoo taach bushoon tunemmone; tawoo biich nihoon tunemmo taane. Bi taatee qeenonoo bulli yemeenooch Israꞌeeleenaꞌo toommooch manjiyemmo taane’ iye.

1 Kiinoo 28:5

Doono Yeeri meeti bushiishoon taach immitone; ta bushiishoo bulliichee Israꞌeelee showooch taateree Doono Yeerichi taatittinee showoon bi qeejjemmoyich Solomoonin kaaccitone.

Shoddo 2:2

Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 89:20

Ta guuno Daawitin danehoye; yaafeeti ta zayitoona biin huuttehoye.

Erimiyaasi 2:25

Gonde gommooch wocoochee ne baatoon kashiibe; ne killoon shachewoona shuukkiyaaye. Tunebaani ne ‘Qajje, wottoon hakkaache; dallaaweenaꞌon ta shunnetoyich, boonoshin dabbi hammemmi taane’ iyine” iye.

Erimiyaasi 30:21

Boonoshi iraashoo boonoshi asho tunemmone; boonoshin qeejjemmo boonoshi daggoochee kechemmone; ta waan biin katichemmo taane; biyoo katinnemmone; ebi tuno qayigaata, kuppheree ta waan katinon hakkemmo kone?

Maatiyoosi 22:17

Illa and amoon gabaa beetine? Eke nooch gete: Qesaarich qaraxee qocon Muusichi Sheeroo daaggitee, daaggaache?” iꞌi echeheete.

1 Saameeli 10:24

Saameeliyoo asheenaꞌo bullich “Ebi Doono Yeeri kaacciti uroon beeggii beetote? Asho bulli daggoochee biinna tato koniyoona aalloone” iye. Aroochee asheenaꞌo bulli “Taatoocho, ne taatittino manjibe” iibee cookiyeete.

1 Saameeli 16:3

Iseyinoo arooch ceege; aroochee ne tuniyemmon neech bekkiyemmo taane. Neech ta bekkiimmi ashoonoo taach huute” iye.

1 Saameeli 8:5

biich ishichiyeete: “And ne, geeneto neene. Ne bushiisheenaꞌoo ne gommon dabbaaneenaꞌone. Ebich bare aageteenaꞌo bullichoommon noon qeejjemmi taatoon taatiibe” iyeete.