Yibbaatoo 17:12 - Kafa Linguistics Project

¹² Ne Nuggishoo Doono Yeeri aafooch neexeechii maddeebeeti qeeshoyich woyee woraaferashoyich ‘Deꞌa getaache’ ii beeti asho qitibe. Ebin tuniyoona ebi gonde mooyon Israꞌeelee showoochee wokkiibe.

Yibbaatoo 17:12 ပူးပေါင်းရင်းမြစ်များ

Shoddo 19:13

Ariibee axaaxoon shuunoochee ne guuno taan quyebe; taan bi hajjaachemmoyich taan gaachebe. Ebiyooba xalloo tunemmo taane; ooge axaaxoochee xallemmo taane.

Shaahiyoo 21:11

Cooqirecho sheereegaata, tuushoo ariyechon tunehe; mullecho bi doyigaata, ariyoon daakkiye.

Hosee'i 4:4

Doono Yeeri ishichiye: “Qeesheenaꞌote, ta ittibataabeeto ittoshin bi tunetoyich, koniyoona asheenaꞌon taggaaye; ittibateshoo gettaaye.

Zakaariyaasi 3:7

“Beshe Mawe Doono Yeeri ishichiye: ‘Ta gommona ne hamigaata, ta getoonoo ne waayegaata, ta yaafee kexonaa bi addibaaboonooch ukkiroo tunemmo neene. Ebi neexee beetinaꞌona tookki tunee xaaꞌoon neech immemmo taane.

Haddoo 15:30

“ ‘Tunebaani Israꞌeelee shiijjeroo tuneba shiqqoo bi qelloon oogiyoona axaaxoon bi shuunegaata, ebi asho Doono Yeerin qallayito bi tunetoyich, bi asheenaꞌo daggoochee kichaa yookkebe.

Haddoo 15:31

Doono Yeerichi qaaroon bi hoxetoyich, bi getoonoo bi shaaddetoyich, ebi asho ciroona aallebe; bi axaaxoo bi toommooch tunebe’ gete” iye.

Maatiyoosi 10:14

Ittoshin iibbiyaano woyee ittoshi qaaroon waayeyaano koniyoona bi beegaata, are kexon woyee are katemoon gawukkiree keyibee ittoshi baateexi quttoon tebbebote.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Yowannisi 12:48

Taanoo qajje iꞌi ta qaaroon iberiyaano toommooch nallemmo beetone; ciireexi aabooba hini ta getteti qaaro bi toommooch nallemmone.

Yowannisi 20:23

konichi axaaxoonona ittoshi maarigaata, Yeeri boonoshin maaremmone; konichi axaaxoonona ittoshi maaroo qayigaata, Yeeriyoo boonoshin maaraachemmone” iye.

Yibbaatoo 1:43

“Tawoo ebin ittoshich gettoye. Tunebaani ittoshi waayemmon qajjiyote. Doono Yeerich ‘Deꞌa getaache’ ii, bi toommooch hukkoon tiijjiyote. Geecoona tiyiꞌi geppe showooch hammiyote.

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.

Yibbaatoo 13:11

Ebina Israꞌeeleenaꞌo bulli ebin waayeree shattemminaꞌone; ittoshi daggoochee koniyoona ebiyoommi gonde shuunoon wochinnoon shuuneyaachemmone.

Yibbaatoo 13:5

Tunebaani guuno tunee hajjeeꞌi beebee ittoshi echeti Gibitsee ittoshin biisheꞌi deebiti, ittoshi Nuggishoo Doono Yeeri toommooch hukkoon ittoshi shuunemmoyich bi gettitoyich, wotta ittoshi Nuggishoo Doono Yeeri gettiti gommoochee gubb ittoshi wottemmoyich tuniiya bi qaawitoyich, ebiyoommi keemechon woyee gumi gummechon wuxibote. Ebin tuniyoona, ebiyoommi gonde mooyonoo ittoshi daggoochee wokkiibote.

Yibbaatoo 13:6

“Ne manoo, ne indee shiyeto woyee ne bushoo woyee ne bushee woyee ne shunnaabeeti ne mechee woyee kashoommi ne nuuchoo, newoo tuneb ne qaabbechinaꞌo goyinnee maddee ariyaani nuggisheenaꞌoyich ne goyinne maddemmoyich tuniiya qaawiree, ‘Ne waataa hamiree bare nuggisheenaꞌoyich goyinne maddebone’ getiree aashoona neen dachemmo tunemmone.

Yibbaatoo 17:13

Asho bulli ebin bi waayegaata, shattemmone; wochinnoon ebiyoommi gonde mooyon shuunoyich aafoon kuppheyaachemmone” iye.

Yibbaatoo 17:7

Ebi ashoon wuxoyich, miixeenaꞌo shiichi xaqqoona yexeete; aroochee echeti asheenaꞌo yexeete. Ebin tuniyoona ebi gonde mooyon ne daggoochee wokkiibe” iye.

Yibbaatoo 18:20

Tunebaani bi gettemmoyich biich ta getaani mooyon aafoon kuppheꞌi ta shigoona keemmiibeeti keemechon woyee bare nuggisheenaꞌochi shigoona keemmii beeton wuxibote’ itone.

Yibbaatoo 18:5

Ebin qeesheenaꞌoyich ne immemmi naboo, Doono Yeeri, neexeree bi shigoona bulli yemeenoon boonoshi maddemmoyich, boonoshinaa boonoshi shiijjereenaꞌonon Israꞌeelee yoodo bulli daggoochee bi kaaccitoyichiye.

Yibbaatoo 18:7

Doono Yeeri aafooch neexeꞌi maddeebeeti, biinoommi Leweenaꞌochoommon, biyoo bi Nuggishoo Doono Yeerichi shigoona maddebe.

1 Tasaloonqi 4:2

Doono Yesuusina wocheeꞌa, “Ebin tuniibote” iyaꞌa ittoshich no getteti mooyon ariibeeto ittoshine.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

1 Ximootiyoosi 5:20

Bareenaꞌo wotta shattemmoyich, axaaxoon shuunetinaꞌon asho bulli aafoochaa kaare ciice.

Yaasi 1:18

Ne geto bullin qajjimmo, ne getaa waayeyaano bulli qitibe. Ne baach kupphebe; maac kuxoonoo tunebe” iyeete.

Woraaferasheenaꞌo 20:13

Andoo boonoshin wuxiree Israꞌeelee daggoochee ebi gonde mooyon no aalliyemmoyich, Gibaaha beeti, gaacaalli asheenaꞌon nooch beshiiree imbote” iyeete. Tunebaani Biiniyaameenaꞌo boonoshi maneenaꞌo tuneti Israꞌeeleenaꞌochi yibbaatoon waayemmon qajjiyeete.

1 Saameeli 3:13

Bi kechi asheenaꞌon bulli yemeenoon naxemmo ta tunoon shiichaꞌa getteto taane. Ebiyoo bi bushiisheenaꞌo taan boonoshi qallayitoyichiye. Ebin tunii beetinaꞌo boonoshi tunoon Eeli ariibee boonoshin kaaree bayaanoone.