Yibbaatoo 16:20 - Kafa Linguistics Project

²⁰ Kashoona ne beeyemmoyich, ne Nuggishoo Doono Yeeri neech immimmi showoon ne woraashemmoyich dayinnetoona baach nallibe.

Yibbaatoo 16:20 ပူးပေါင်းရင်းမြစ်များ

Shaahiyoo 11:19

Cadiqittinoona manjimmo kashoona beeyemmone; tunebaani gondoon dabbimmo qitemmone.

Hiziqeeli 18:5

“Asho cadiqo, tate nallechonaa kaamoona bi tunegaata,

Hiziqeeli 18:9

ta qociyoommona bi shaaddegaata, ibere mooyon tuniyoyich ta geteenaꞌon bi quyegaata, aroo cadiqe ashoone; biyoo kashoona beeyemmone, iye Nuggishoo Doono Yeeri.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Roomi 10:5

Sheeree gommoona daneebeeti cadiqeechon Muusi ishichiꞌi kooritone: “Sheeroo gettii beeton ceechiibeeti asho ebi sheeroona kashoon danemmone” itone.

Yibbaatoo 16:21

“Ne Nuggishoo Doono Yeerich deejjee gudoon ne shuunaa beegaata, bi gaꞌooch mixoochee shuuneeti, nuggishee Asheeri misiloon neechiyaahine.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Filipphisiyoosi 4:8

Illa ta maneenaꞌote! Gaawe mooyon woyee galleteya bede mooyon baach gabibote. Eboshiyoo ibere mooyo bullin, gaawe mooyo bullin, kaame mooyo bullin, xalle gaboo beeti mooyo bullin, emirikkiibeeti mooyo bullinaa naadoo beeti mooyo bullinon gabibote.