Yibbaatoo 16:2 - Kafa Linguistics Project

² Ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, Beshee Baaree deejjoon ne deejjaa beegaata, ne miimoochee woyee ne bagoochee woyee ne emmishoochee bashiree biich deejjibe.

Yibbaatoo 16:2 ပူးပေါင်းရင်းမြစ်များ

2 Taateenaꞌo 23:21

Taatoo Yosiyaasi wogee macaafooch bi kooreetoommon, boonoshi Nuggishoo Doono Yeerich Beshee Baaroon boonoshi baaremmoyich asheenaꞌo bullich gettiye.

2 Kiinoo 35:7

Yosiyaasi arooch beeti asheenaꞌo Beshee Baaree deejjoon boonoshi deejjemmoyich, shaashe hume bagoonaa emmishoonon, keejje hume wuronoo bi hajjee gijjoochee immiye.

Haddoo 9:2

“Israꞌeeleenaꞌo Beshee Baaroon maacheeti baaree aabooba boonoshi baaremmoyich tuniibe.

Maatiyoosi 26:17

Shittoo Giyaani Kochi Baaree batti batti aabooba bi dabbeenaꞌo Yesuus waan giddeꞌi, “Beshee Baaree maayoon ne maayemmoyich aabiich no qanniyoon shunnenne?” iꞌi echeheete.

Maatiyoosi 26:2

“Gutte qemoyee gubb Beshee Baaroo bi tunoon ariibeeto ittoshine; Ashi Bushoon yooddiyoyich beshiiree immemminaꞌone” iye.

Maariqoosi 14:12

Beshee Baaree bagoon boonoshi guuriibeeti Shittoo Giyaani Kochi Baaree batti batti aabooba, bi dabbeenaꞌo Yesuusin “Beshee Baaree maayoon ne maayemmoyich aabiich hamiree qanniibona?” iꞌi echeheete.

Luqaasi 22:15

Biyoo “Ittoshich gettoye: Yeerichi taatittinee kexooch hini Beshee Baaree maayo manjeyemmi aabo bi ceennimmi wottoon ebiyee damba Beshee Baaree maayoon maataachemmo taane; ebich iritoon beegaan beechi ittoshina tookki hini baaree maayoon ta maayemmoyich oogichaꞌaaniye ta qaatito” iye.

Luqaasi 22:8

Yesuusiyoo Pheexiroosinaa Yowannisinon “Beshee Baaree maayoon no maayemmoyich hamiree nooch qanniibote” iꞌi wochehe.

1 Qorontoosi 5:7

Shittaalli bukoommon ittoshi tunemmoyich, shittoommi axaaxoon ittoshi daggoochee kichibote. Shittaalli bukoommi asho ittoshi tunoon ariibeeto taane. Beshee Baarooba, deejjeebeeti bagoochoommon, Kiristoosi nooch deejjeetone.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:14

Ne deejjemmo, ne yoodeenaꞌo showee daggoochee Doono Yeeri kaaccemmi ikke xaaꞌoochaa baachiye. Micciibeeti ne deejjoon ne deejjemmonaa neech ta gettaabeeti mooyo bullin ne tuniyemona, ebi aroochaa baachiye.

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Yibbaatoo 12:26

“Doono Yeerich ne kichiti yaafeeti mooyonaa ne mookketi tiikkeshoonon bi kaaccemmi are xaaꞌooch yeshi hambe.

Yibbaatoo 12:5

Ittoshi Nuggishoo Doono Yeeri bi shigo ceekkemmonaa arooch bi danemmona tuneti xaaꞌoon ittoshi yoodeenaꞌo bulli daggoochee kaaccemmone. Are xaaꞌoon qaawiꞌi, arooch hammii biich goyinno ittoshich qaawiihe.

Yibbaatoo 15:20

Ne Nuggishoo Doono Yeeri kaacciti xaaꞌoochaa neennaa ne kechi asheenaꞌona nati natona, ne Nuggishoo Doono Yeeri aafoochaa maayemmo ittoshine.

Yibbaatoo 16:1

Muusi Israꞌeeleenaꞌoyich ishichiye: “Ne Nuggishoo Doono Yeeri Abiibi agenooba, xumoona Gibitsee neen bi kichitoyich, ebi agenooba Beshee Baaroon baariree ne Nuggishoo Doono Yeerin oogiibe.

Yibbaatoo 16:3

Ebi meenon ne maa beegaata, shittoo gedaa kachiti koshona maayaahine. Beebee ne echeti Gibitsee afaafinoona ne keyiyooba ne tuniitoommon, shabaatte qemi wottoon shittoo giyaani koshon maayemmo neene. Ebiyoo xuuxee kosho getteyemmone. Ebin tuniyoo Gibitsee ne kecheti aaboon, kashoona ne beemmi yemeeno bullin neech shalligichemmone.