Yibbaatoo 16:19 - Kafa Linguistics Project

¹⁹ Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

Yibbaatoo 16:19 ပူးပေါင်းရင်းမြစ်များ

Shoddo 15:5

bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 23:2

“Gonde mooyon tuniiya meeti asheenaꞌo tiyiyooba, boonoshin dabbiyaahine. Dayinnetoon dabiyoyich meeti asheenaꞌon dabbiree xummii miixeyaahine.

Keyo 23:3

Nalloochaa girechoyich dabiiree nalliyaahine.

Shaahiyoo 15:27

Tateyaani gommona gaacoon danoyich hiriggiibeeto, bi kechi ashoon xuuxooch geddiye; tunebaani xuccoon shixxiibeeto, kashoona beeyemmone.

Shaahiyoo 17:23

Gonde asho dayinnetoon dabiyoyich, aashoona xucco maahe.

Shaahiyoo 18:5

Gonde ashi waan gaꞌo, cadiqoochi nalloonoo xummiyo, tato toonoone.

Shaahiyoo 24:23

Eboshi wotta mullechi asheenaꞌochi yibbaateenaꞌone: Ashi aafoon ciinniꞌi nalloo tato toonoone.

Shaahiyoo 24:28

Ne giyoo toommooch naboo aalloon cikki miixeyaahine; ne noonoonoo dawushiyaahine.

Shaahiyoo 31:5

uyiree sheeroon battemminaꞌone; xukketinaꞌoyich dayinnetoon bajjemminaꞌone.

Dojjecho 7:7

Xuꞌo shalligechi ashoon mullaallo tunii beetone; xucco mulloon xummii beetone.

Isiyaasi 1:17

Deꞌe mooyon shuunoon doyibote; dayinnetoon qaawibote; xukketon wodiibote; nihaalleenaꞌoyich neexebote; xuumeenaꞌoyichoo taggebote” iye.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 33:15

Cadiqoona beeto, iberoon yibbaateebeeto, xuꞌoona daneebeeti shimon hoxeebeeto, xuccoochee bi kishoon quyeebeeto, damoon ukkiya koceyoon waayoochee bi waamon oppeebeeto, gondoon ciinoochee bi aafoon oppeebeeto,

Erimiyaasi 5:28

Aangitinaꞌone; awujjiinoo itinaꞌone; boonoshi gondo oogichii beshitone. Nihaalloochi dayinnetoyich neexeyaacheete; girechinaꞌochi taggoonoo taggeyaacheete.

Hiziqeeli 18:8

gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Leweenaꞌo 19:15

“ ‘Dayinnetoon dabiiyaahine. Girecho waan gaꞌeyaahine. Gaannechoyichoo bariti oogoon immaahine. Tunebaani neenoommi ne manoyich dayinnetoona nallibe.

Mikiyaasi 7:3

Boonoshi kishoo gonde mooyon tuniyoon doyitone; ukkireenaꞌonaa nallechinaꞌona xuccoon maaheete; gijjechi asheenaꞌo boonoshi qaawiton gettii waayiiheete; ebina ikkotteꞌi koceeheete.

Imbaaqoomi 1:4

Ebich sheeroo niretone; dayinnetoo dabitone. Gonde asheenaꞌo kaamoo tuneti asheenaꞌon giichitinaꞌone; ebich dayinneto xummetone.

Mishiraachechinaꞌo 10:34

Aree hillooch Pheexiroosi yibbaateya tiyiꞌi, “Iberoone; Yeeri ashoon beshaa shappiiꞌi heppee bi qayon ta mulloona ariito taane;

Mishiraachechinaꞌo 16:37

Tunetaa Phawuloosi wocheeti ginechinaꞌoyich wochiꞌi, “Roomi showee asho noon nallaalloon asheenaꞌo aafooch xoobbiꞌi cuchiyeete. And aashoona ‘Keyote’ iyeete? Tuneyaache. Hini are Roomechi nallechinaꞌo boonoshi hajjee baatoona waaree noon kichibeete” iye.

Mishiraachechinaꞌo 23:3

Arooba Phawuloosi “Hini booroona dikkeeti duuhocho, Yeeri neen yexaanoon qayaachemmone; kaachi nalliya kotaꞌa tiyaa, ‘Yexote’ iyaꞌa aabichaa nalloon shaaddenne?” iye.

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

Yibbaatoo 16:18

Muusi Israꞌeeleenaꞌoyich ishichiye: “Ne Nuggishoo Doono Yeeri neech bi immimmi katemoo bulliich, ne yoodi yoodoyich, woraaferasheenaꞌonaa bare iraasheenaꞌonon ukkiriibe. Boonoshiyoo asheenaꞌochi toommooch kaachi nallibeete.

Yibbaatoo 24:17

“Shiqqeenaꞌonaa nihaalleenaꞌonochi dayinnetoon dabiiyaahine. Xuumeechi tahoonoo yechiyoon tunii deqqaahine.

Yibbaatoo 27:19

“ ‘Shiqqeenaꞌochi, nihaalleenaꞌonaa xuumeenaꞌonochi dayinnetoon dabiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 27:25

“ ‘Xalle ashoon wuxoyich xuccoon maabeeto uppeton tunebe’ geteete. “Asheenaꞌo bulliyoo ‘Ameena’ geteete.

1 Saameeli 12:3

And ittoshi aafooch neexeto taane. Illa Doono Yeerinaa bi huuttitonochi aafoochaa ta toommooch miixebote; koni gattooniye ta deqqeto? Koni kurooniye ta deqqeto? Koniniye ta dawushito? Wotta koniniye ta xuqqeto? Beeggaabee beegaanoon shaahaꞌa koni waaneeniye xuccoon ta maato? Ebiichee ikkoonolla tuniito ta tunegaata, ittoshich wochemmo taane” iye.

1 Saameeli 8:1

Saameeli bi geenetoyee gubb, bi anaami bushiisheenaꞌo Israꞌeeleenaꞌon boonoshi nalli qeejjemmoyich ukkiriihe.

1 Saameeli 8:3

Tunebaani bi bushiisheenaꞌo boonoshi nihoochi gommon dabbaaneenaꞌone. Boonoshiyoo gaacoon dano waan guuddiyeete. Xuccoon maabee dayinnetoon dabii beeheete.