Yibbaatoo 16:18 - Kafa Linguistics Project

¹⁸ Muusi Israꞌeeleenaꞌoyich ishichiye: “Ne Nuggishoo Doono Yeeri neech bi immimmi katemoo bulliich, ne yoodi yoodoyich, woraaferasheenaꞌonaa bare iraasheenaꞌonon ukkiriibe. Boonoshiyoo asheenaꞌochi toommooch kaachi nallibeete.

Yibbaatoo 16:18 ပူးပေါင်းရင်းမြစ်များ

1 Kiinoo 23:4

Daawitiyoo, boonoshi daggoochee hiyaa awudda humoon Doono Yeerichi yaafee kexeexi shuunoon ciinnii shuuniyechinaꞌo, shiritta humoon wotta iraasheenaꞌonaa nallechinaꞌonon tuniihe;

1 Kiinoo 26:29

Yitsaaree asho tuneti Kananiyinaa bi maneenaꞌona yaafee kexoyee maach beeti shuunooch Israꞌeeleenaꞌo toommooch iraasheenaꞌonaa nallechinaꞌonon tuneheete.

Iziri 7:25

“Iziro, newoo ne waan beeti ne Nuggishoochi shalligoommona Efiraaxisee beqachi woraafooch beeti, ne Nuggishoochi sheeroon ariibeeti asheenaꞌo toommooch ukkireenaꞌonaa nallechinaꞌonon ukkiriibe; ebi sheeroon ariyaaneenaꞌoyichoo dojjibe.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 21:22

“Asheenaꞌo boonoshinaa boonoshina kaareꞌi xifechi ureen boonoshi yexaa, bushoo shiijjee qiccegaata, tunebaani ure toommooch qaaꞌi iritoon deebaano bi tunegaata, ure toommooch ebin tuniiti uro ureechi keno echetonaa nallechinaꞌo nallitonon nummebe.

Keyo 21:6

bi doono nallechinaꞌo waan daambe; aroochee kellee shaaqqooch woyee qoomooch tuggiichi, ikke bi waamon mutoona hottibe; ebina hini guuno bi qitimmi wottoon bi doonoyich guunon tunemmone.

Shaahiyoo 31:23

Bi keno showee geeneenaꞌo daggooch, addibaabooch bi kotehooba aricheto tunehe.

Maatiyoosi 5:21

“Ebiyee aaf beeti no qaabbechinaꞌoyich ‘Ashoon wuxiyaahine; wuxito bulli toommooch nalloo kindemmone’ getteeton waayeto ittoshine.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Yibbaatoo 16:17

Ne Nuggishoo Doono Yeeri neen bi diiritoommon, asho bi hakki hakkoommon imbe” iye.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

Yibbaatoo 17:12

Ne Nuggishoo Doono Yeeri aafooch neexeechii maddeebeeti qeeshoyich woyee woraaferashoyich ‘Deꞌa getaache’ ii beeti asho qitibe. Ebin tuniyoona ebi gonde mooyon Israꞌeelee showoochee wokkiibe.

Yibbaatoo 17:9

Ebi mooyon qeesheenaꞌo tuneti Leweenaꞌonaa aroobee yemeenooch qeejjiibeeti woraaferashoonoyich giddiibe. Boonoshiyoo ebi mooyon nallibeete.

Yibbaatoo 21:2

ne daggeexi geeneenaꞌonaa woraaferasheenaꞌona aree katinooch beeti katemeenaꞌoochee keyi waaree, uro qitiꞌi beeti xaaꞌoochee tiijjiree, bi katinooch beeti katemeenaꞌooch beddaahaa beeti xaaꞌoon qellayibeete.

Yibbaatoo 25:1

“Ashoonaa ashoona kaareꞌi taggooch, nallee gabberooch boonoshi giddegaata, nallechinaꞌo xukketoyich nalliree xuqqiton xoobiibeete.

1 Saameeli 8:1

Saameeli bi geenetoyee gubb, bi anaami bushiisheenaꞌo Israꞌeeleenaꞌon boonoshi nalli qeejjemmoyich ukkiriihe.