Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yibbaatoo 16:16 - Kafa Linguistics Project

16 “Natooch keejje wottoon, ebiyoo Shittoo Giyaani Kochi Baarooba, Maayi Qeci Baaroobinaa Bashee (Yambaaree) Baaroobinooch, Israꞌeelee asho tuneti anaamo bulli ne Nuggishoo Doono Yeeri kaacciti xaaꞌooch, bi aafooch giddebe. Doono Yeeri aafooch shokke kishoon giddaayeete.

အခန်းကိုကြည့်ပါ။ ကော်ပီ




Yibbaatoo 16:16
29 ပူးပေါင်းရင်းမြစ်များ  

Solomooni natooch keejje wottoon micciibeeti deejjoonaa ikkittinee deejjoonon Doono Yeerich bi shuuneti deejjee gudooch deejjiye; Doono Yeeri aafoochoo ixaanoon shookkiye. Ebina yaafee kexon haggii qanniihe.


Bi deejjito, Muusi gettitoommon, baari baaree aaboon, ebiyoo shambetooba, agenee keyi baarooba, wotta nateexi keejje baarooba, ebi geto Shittoo Giyaani Kochi Baarooba, Maayi Qecci Baaroobinaa Bashee (Yambaaree) Baaroobinane.


Shabaattinnee ageno shaggiyooba, Israꞌeeleenaꞌo boonoshi katemooch boonoshi beehooba, asheenaꞌo ikke kasho tuneꞌi Yerusaalem kiceeheete.


wottoo boonoshi katemi katemoonaa Yerusaaleminooch ebi qaaroon awaajjiree boonoshi bechemmoyich, ishicheeꞌi kooreeton daneheete: “Geppee toommooch keyote; zayitee mixonaa yahee mixonoochee, hadaasee mixoochee, yeebboonaa wodde waajjechi bare mixonoochee kuxi deebote; sheerooch bi kooreetoommon, basheenaꞌon bashibote” ii beetone.


Israꞌeelich qoceetoommon, Doono Yeerin galletoyich Israꞌeelee yoodeenaꞌo, Doono Yeerichi asheenaꞌo, are katemooch woyemminaꞌone.


Boonoshiyoo giide giide hammemminaꞌone; nuggisheenaꞌochi Nuggishoo Tsiyoonaa bekkemmone.


Beshe Mawe Nuggishoo Doono Yeero, ta corootoon waayebe; Yaaqobichi Nuggishoocho, elle waayebe.


Bi shigoyich bede oogoon Doono Yeerich deebote; buuroon yeshiree bi yaafee kechi addibaabooch wobote.


Shiichii shiijjeti kuroon bagee baaddoona biishebe. Tunebaani biishoon ne qayigaata, bi qettimixon tiishe. Ittoshi gutenee anaami bushoo bullin biishebote. “Koniyoona shokke kishoon ta aafooch woyaaye.


Aageteenaꞌon ne aafoochee yookkemmo taane; ne showoon gamichemmo taane; natooch keejje wottoon ne Nuggishoo Doono Yeeri ta aafooch giddoyich ne kechaa beehooba, ne showoon deꞌoyich koniyoona qaataachemmone.


Giixoochee bi danemmi gijjoo bulli Doono Yeerich kechemmone; ebiyoo koteyaachemmone; bi shimo Doono Yeeri aafooch maddee beetinaꞌoyich, beshaa beshe maayoonaa gaawe tahoonooch heechemmone.


No baareenaꞌon no baaraabeeti Tsiyooni katemoon beegote; diggoona ittoshi beeyemmoyich gaaweti tuneti Yerusaalemin ciinote. Bi xogoo ciroona waaxeyaani bi wodereenaꞌo kuxeyaani, bi xaaꞌoocheenoo shuuraani duukkaanoommin tunemmine.


Maacheti baaree aabooba deejjee bageenaꞌo Yerusaalem ceenoommon, happeeti katemeenaꞌooch asheenaꞌo ceennemminaꞌone; ebina Doono Yeeri ta tunoon ariyemminaꞌone” iye.


“Israꞌeeleenaꞌoyich ishichi gete: ‘Doono Yeeri ta Bashee (Yambaaree) Baaroo shabaattinnee agenee aaraa uuchinnee qemooba giyiree shabaatte qemon yagemmone.


Meeti maayoon qeccii giijjoyich gibeneto ittoshine; tunebaani giishechoon tunehe. Qeccii kexooch ittoshi giijjiyooba, huggaa ta getaa aallehe. Ebi bi tuneto, amoyichiye? Ebi bi tuneto, ta yaafee kexo tiisheꞌi beetaa, ittoshi bulli ittoshi hajjee kexi kexon hagoyich ittoshi wocee beetoyichiye.


Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.


Boonoshiyoo are bi guunon yechii xoobbiꞌi shokke kishoon wochii daachiiheete.


Ayihudeenaꞌochi Bashee (Yambaaree) Baaroo katinnii giisheche aabo echehe.


Ne Nuggishoo Doono Yeeri ne gocheti maayoonaa ne kishoona ne shuunaabeeti mooyo bullina neen diiremmo bi tunetoyich, ne Nuggishoo Yeeri kaacciti xaaꞌoochaa shabaatte qemi wottoon baaroon baaribe. Ebina newoo oogichi emiremmo neene.


Ne Nuggishoo Doono Yeeri neen bi diiritoommon, asho bi hakki hakkoommon imbe” iye.


Israꞌeeleenaꞌo bulli bi kaaccimmi ikke xaaꞌooch ne Nuggishoo Doono Yeeri aafooch boonoshi kiceehooba, hini sheeroon Israꞌeeleenaꞌo bulli aafooch boonoshich waayiiree shemmebe.


Are uro Beshe Mawe Doono Yeerich goyinnoonaa deejjoon deejjoonoyich bi beeti katemoochee Shilooha nati natona hammii beehe. Eelichi gutte bushiisheenaꞌo, Hoofininaa Finihaasina, qeesheenaꞌo tuneꞌi arooch beetinaꞌone.


Boonoshiyoo ishichiyeete: “Israꞌeelee Nuggishoochi taabootoon ittoshi wochigaata, ittoshi xuꞌoyich tunemmi nummoona tookki daachiibotani, shokkoon daachiyaahote. Ebina ittoshiyoo wodemmo ittoshine. Biyoo amoyich ittoshin naxoochee wotteyaache bi ito gaata ariyemmo ittoshine” iyeete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ