Yibbaatoo 16:10 - Kafa Linguistics Project

¹⁰ Aroochee ne Nuggishoo Doono Yeeri neen bi diiritoommon, ne daaggoona ne giddiibeeti wojjoon giddiiree, ne Nuggishoo Doono Yeerin oogiyoona Maayi Qeci Baaroon baaribe.

Yibbaatoo 16:10 ပူးပေါင်းရင်းမြစ်များ

1 Kiinoo 29:14

“Bulliyona daneto ne waaneeniye. Neech no immetoo ne kishoochee no deqqeton baachiye. Ebi bullin no giddiyemmoyich ta koni taane? Ta asheenaꞌochi konoshine?

2 Kiinoo 31:14

Lewoo, aabi-keyo waanee kelloon quyeebeeti, Yimini bushoo Qoori, mullee daaggoona Doono Yeerich icheti gijjoonaa yaafeeti mooyinaꞌonon qoodoyich ukkirehe.

Keyo 35:29

Doono Yeeri Muusina bi gettiti shuunoyich tunemmi mooyo amoonolla imoyich boonoshi mullo tiyiti Israꞌeeleenaꞌo bulli, anaaminaꞌonaa maacheenaꞌona, mullee daaggoona Doono Yeerich wojjoon deebiyeete.

Shaahiyoo 10:22

Doono Yeerichi diiroo gaannechon tuniihe; ayinoonoo arooch daakkaache.

Yoꞌeeli 2:14

Diqqich ittoshi Nuggishoo Doono Yeeri, bi kaaroochee qayi wotteree, ittoshin diiremmo tunemmone; ittoshiyoo maayi buuroonaa uyee deejjoonon biich giddiyemmo ittoshine.

Leweenaꞌo 12:8

“ ‘Bagee baaddoon deeboyich bi hakkoo guutigaata, gutte daabbichoon woyee gutte uggee cobbelloon, ikkoon micciibeeti deejjoyich, wotta ohe ikkoon axaaxee deejjoyich giddiibuye. Qeeshoo eeꞌoochee bi xallemmoyich bi tuniitaa, xallemmine’ gete” iye.

Leweenaꞌo 23:15

“ ‘Kaama tiijjaa giddeebeeti deejjoon tuniiꞌi maayi qiroon ittoshi giddiiti shambetee decharoobee tiijjiree, ceeni shabaatte kaallee shabaattoon haddibote.

Leweenaꞌo 25:26

Tunebaani bi showoon wochiyemmi xiboo aalli uro beemooch gaanneꞌi bi showoon bi wochiyemmi gijjoon bi danegaata,

Leweenaꞌo 5:7

“ ‘Tunebaani uro bagoon woyee emmishoon giddiyoyich bi hakkoo guutigaata, gutte daabbichoon woyee gutte uggee cobbelloon, ikkoon axaaxee deejjoyich, wotta ohe ikkoon micciibeeti deejjoyich Doono Yeeri taach bi xuꞌee deejjoyich giddiibe.

Haddoo 28:26

“ ‘Qaabbe Maayi Qeci Baarooba, andire maayi cilloon Doono Yeeri taach ittoshi giddiibeeti Maayi Qeci Baarooba, taach goyinnoyich ittoshi kiceyemmi yaafeeti aabo tuniibote. Shuunoon shuuneyaahote.

Haddoo 31:28

Koyooch hammiti ginechinaꞌochi qoodoochee, ebiyoo kecceti ashoochee, wotta miimoochee, kuroochee, bagoonaa emmishoonoochee uuche balloochee ikkoon Doono Yeeri taach gibiroon kichibote.

Haddoo 31:37

Aroochee shiritte ballaa shabaa uuchoo Doono Yeerich gibiro kechiye.

1 Qorontoosi 16:2

Ta waahooba ebi gijjee buushoo bi tuneyaachemmoyich, shabaatti shabaattee batti batti aabooba, ittoshi qelli qelloona Yeeri ittoshich wojjitoommon kichiree kotiibote.

2 Qorontoosi 8:10

Ebi mooyoyich ittoshin ciicona; aannooba imo ikkeetoyich baach tuneyaanoon, ebi mooyon shiichiꞌi gabito ittoshine.

2 Qorontoosi 8:12

Imoyich daaggiti asho bi beegaata, Yeeri qaawiibeeto, biich beetoochee imonalli, aalloochee toonoone.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 16:9

Muusi Israꞌeeleenaꞌoyich ishichiye: “Maayoon qecoyich ne wonniti aaboochee tiijji shabaatte kaallee shabaatte qemon haddibe.