1 Muusi Israꞌeeleenaꞌoyich ishichiye: “Ne Nuggishoo Doono Yeeri Abiibi agenooba, xumoona Gibitsee neen bi kichitoyich, ebi agenooba Beshee Baaroon baariree ne Nuggishoo Doono Yeerin oogiibe.
Ebi arooba Doono Yeeri Israꞌeeleenaꞌon, boonoshi yoodi yoodee yaaroona tuniiꞌi, Gibitsee kichiye.
Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.
Hanaachi areddoo, ebiyoo nati batti batti ageno Abiibi agenooba Gibitsee kechito ittoshine.
“Natooch keejje wottoon taach baaroon baaremmo ittoshine.
Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch maacheeti baaree aabooba, shabaatte qemon shittoo giyaani koshon mame. “Koniyoona shokke kishoon ta aafooch giddaaye.
“Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch shabaatte qemon shittoo giyaani koshon mame.
Doono Yeeri taach baareyemmi Beshee Baaroo ikkinnee agenee aaraa awuddinnee qemoobee xum baareyemmone.
“ ‘Batti batti agenee aaraa awuddinnee qemooba Doono Yeeri taach Beshee Baaroo baareyemmone.
Beshee Baarooba, Maariyaminaa Yooseefina boonoshi doyoommon Yerusaalem hammii beeheete.
Ayihudeenaꞌochi Beshee Baaroo katinniye. Ebich Yesuusi Yerusaalem hammiye.
Ebiyee gubb, Ayihudeenaꞌochi baaroo bi tunetoyich Yesuusi Yerusaalem hammiye.
Ayihudeenaꞌo baariibeeti Beshee Baaroo katinniye.
Ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, Beshee Baaree deejjoon ne deejjaa beegaata, ne miimoochee woyee ne bagoochee woyee ne emmishoochee bashiree biich deejjibe.