Yibbaatoo 15:9 - Kafa Linguistics Project

⁹ ‘Hiishoo maareebeeti shabaattinnee nato katinnitone’ geti gabiree, girechi ne manoochi toommooch ne aafoon ne gondiyaachemmoyich, ebiyoommi gonde gaboo ne mullooch bi beetaachemmoyich, amoonolla biich ne bayaachemmoyich ne qelloon ariibe! Ebin ne tuniigaata, Doono Yeer waan bi cookaa, ne toommooch axaaxoon tuneree haddeyemmone.

Yibbaatoo 15:9 ပူးပေါင်းရင်းမြစ်များ

Iyoobi 34:28

Girechinaꞌon xuꞌona Yeeri aafooch boonoshi cookemmoyich tuniiheete; biyoo boonoshi cookoon waayehe.

Shoddo 101:3

Gonde shuunoon ciinibee cikki qayaachemmo taane; Yeeriyee kechiti asheenaꞌo mooyon shixxehoye; boonoshina tookkishoo ciroona guuphaache.

Shoddo 12:5

“Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.

Shoddo 9:12

Damee nichoon gaaccecho boonoshin bi gabii beetoyich, xukketinaꞌochi eefon batteyaache.

Keyo 22:22

“Xuumee toommooch woyee nihaalleenaꞌo toommooch xuꞌoon shuuneyaahote.

Keyo 22:23

Xuꞌoon boonoshi toommooch ittoshi shuunetaa ta waan boonoshi cookigaata, iberoon boonoshi cookoon waayemmo taane.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Shaahiyoo 14:21

Bi giyoon hoxeebeeto axaaxechone; tunebaani girechoyich ariqqeebeeto diireetone.

Shaahiyoo 21:13

Girechochi cookoon waayeyaache ii beeto, bi cookaa, waayemmon muccemmone.

Shaahiyoo 23:6

Ciinechi ashi maayoon maayaahine; shaawi bi maayo neen dakiyaaye.

Shaahiyoo 24:9

Mullaallo gabiibeeto axaaxooniye; cooqqirechonoo asheenaꞌo ciigeheete.

Shaahiyoo 28:22

Hiriggecho gaanneya afaafinehe; giroo biin yechemmo bi tunoon ariyaache.

Shaahiyoo 4:23

Kashee tunoo bi tunetoyich, bulli mooyoyee beshiiree ne mulloon quyebe.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Erimiyaasi 34:14

‘Ittoshich kecheti, shiritte natonoo ittoshich maddeti, Hibiroo tuneti ittoshi manoon shabattinnee natooch gawukkoo ittoshich qaawiihe’ iyoye. Tunebaani ittoshi qaabbechinaꞌo taachon waayeyaaneenaꞌone; boonoshi waamonoo ta waan gaꞌiyaaneenaꞌone.

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

Maatiyoosi 20:15

Ta gijjoona ta shunnemmon shuuno hakkaachehote? Woyee deꞌe asho ta tunetoyich qanaataa beetine?’ iye.

Yibbaatoo 15:1

Muusi Israꞌeeleenaꞌoyich ishichiye: “Shabaatti shabaatte nati ciirooch, hiishoon maaribe.

Yibbaatoo 24:15

Bi shuunee gatiyoon aabi gimoyee shiichiree qemi qemona imbe. Girecho bi tunetoyich, are gijjoon kupphiiꞌi qaawii beetone. Ebi gijjoon qoco ne qayigaata, Doono Yeer waan bi cookaa, ne toommooch axaaxoon tuniitaa haddeyemmone.

Yibbaatoo 31:10

Aroochee Muusi boonoshich ishichiꞌi gettiye: “Shabaatti shabaatte nati ciirooch, hiishoo maareebeeti aabooba, Bashee (Yambaaree) Baarooba,

Yaaqobi 4:17

Illa koniyoona bi tunegaata, deꞌoon shuunoon ariibee shuuno bi qayigaata, are ashoyich axaaxoone.

Yaaqobi 4:5

Yaafe Macaafoochaa “Yeeri no mullooch bi kotiiti Yaafe Ayaano qanaatoona qaatii beetone” getaa kooreeto duuboon getteeto ittoshich shaahii beete?

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

Yaaqobi 5:9

Ta maneenaꞌote! Yeeri ittoshi toommooch bi nallaachemmoyich, ittoshinaa ittoshina guruuxiyaahote. Ebiyoche, nallecho kelletooch katinniꞌi neexetone.

1 Pheexiroosi 4:9

Guruuxeyaanoon ittoshinaa ittoshina ikkoo baroon iibbiibe.