Yibbaatoo 15:13 - Kafa Linguistics Project

¹³ Gawukkaa ne daachii beegaata, shokke kishoon bi hammemmoyich tuniyaahine.

Yibbaatoo 15:13 ပူးပေါင်းရင်းမြစ်များ

Halloo 31:42

Ta nihinihoo Abrahaminaa ta nihoo Yisaaqina goyinneti Nuggishoo taanna tookkii toono bi gaata, shokke kishooniye taan ne deejjesho. Tunebaani Yeeri ta iriteyoonaa ta aayonon ciinniꞌi, yiichi xum neen kaarehe” iye.

Keyo 3:21

“Ta asheenaꞌo Gibitseenaꞌo waanee naadoon boonoshi danemmoyich tuniyemmo taane. Ebich ittoshi keyiyooba shokke kishoon hamaachemmo ittoshine.

Erimiyaasi 22:13

“Bi kexon xuꞌoona, kechi toommeexi bi kexonoo hukkoona, haggii beetoyich, biinoommi bi manoon duuboon shuunii beetoyich, bi aayi gatiyoonoo biich qocaanoyich,

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Yibbaatoo 15:12

“Hibiree asho tuneti ne manoon woyee ne maneen ne kemegaata, shiritte naton neech bi maddemmoyich tuniibe. Shabaattinnee natooba gawukki daachiibe.

Yibbaatoo 15:14

Ne gijjoochee, buchaa ne beeti ne maayoonaa hiiccaa ne beeti ne woyinee uyoonoochee kishoon maggiiree biich imbe. Ne Nuggishoo Doono Yeeri neen bi diiritoommon tuniiree imbe.

Qolaasiyaasi 4:1

Dooninaꞌote, ittoshi wotta shimaayooch Doono ittoshich beemon ariiree, ittoshi guuninaꞌoyich kaamoonaa tate mooyonon tuniibote.