Yibbaatoo 15:11 - Kafa Linguistics Project

¹¹ Girechinaꞌo are showoochee aalleyaachemminaꞌone. Ebich girecho tuneꞌi gaacheyoon qaawiibeeti Israꞌeelee asho tuneti ne manoyich ne kishoon maggiiree ne immemmoyich, neech gettaabeeto taane.

Yibbaatoo 15:11 ပူးပေါင်းရင်းမြစ်များ

Keyo 23:11

Tunebaani shabaattinnee natooba, goyaanoon ne qayaa showoo kashebe. Ne asheenaꞌo tuneti girechinaꞌo boonoshi maayemmi maayoon aroochee dane mameete; boonoshi maa echiiton kubbi cooxo mame. Ne woyinee qombeenaꞌonaa ne zayitee mixinaꞌonon ebiyoommon tuniibe.

Shaahiyoo 19:17

Girechoyich immiibeeto, Doono Yeerich erettiihe; Doono Yeeri bi shuunee gaacoon biich gaaccemmone.

Shaahiyoo 22:2

Girechonaa gaannechonon daniibeeti mooyo, boonoshi bullin hallito Doono Yeeri tunoone.

Shaahiyoo 31:20

Bi kishoon girechinaꞌoyich yaggiyan; iriteetoyichoo beddahan.

Hiziqeeli 18:7

koninolla neexxii hajjoo bi qayigaata, hiishecho yechiyoo immiton wochi bi imigaata, bogo bi qayigaata, shaacetoyich bi maanjigaata, tubbetoyich bi tajjigaata,

Maatiyoosi 26:11

Girechinaꞌo bulli aaboon ittoshina tookkiiniye boonoshi beeto; tunetaa ta bulli aaboon ittoshina tookki beetaachemmo taane.

Maatiyoosi 5:42

Neen qollee beetoyich imbe; ne waanee eretteya qaawii beetoyich bajjaahine” iye.

Maariqoosi 14:7

Girechinaꞌo bulli aaboon ittoshina tookkiiniye boonoshi beeto; ittoshi qaawimmi aaboon aatolla boonoshin gaachoon hakkiyote. Tunebaani ta bulli aaboon ittoshina tookki beetaachemmo taane.

Luqaasi 12:33

Ittoshi gijjoo beetooch ittoshi mullo tunemmone; ebich ittoshich beemmon kemiree iriteeti ashich imbote. Gaayo shagaachemmi, pilo aalliyaachemmi shimaajji kexooch ciyaani gijjoo kiceebeeti geeneyaani kolloon ittoshich qanniibote” iye.

Yowannisi 12:8

Girechinaꞌo bulli aaboon ittoshina tookkiiniye boonoshi beeto; tunebaani ta bulli aaboon ittoshina tookki beetaachemmo taane” iye.

Mishiraachechinaꞌo 2:45

Boonoshi showoonaa boonoshi hajjitonon kemmiꞌi, ashich qaawiitoommon qoodii beeheete.

Yibbaatoo 15:7

“Ne Nuggishoo Doono Yeeri neech immiibeeti showooch beeti katemoochee aabiichona girechi Israꞌeelee asho tuneti ne manoo bi beegaata, biich maacoon manjiyaahine. Biin gaachoochee ne kishoon gubb wochiyaahine.

Yibbaatoo 15:8

Maac deꞌoon tuneree, biich qaawiimmi wottoon erettiibe.