Yibbaatoo 15:10 - Kafa Linguistics Project

¹⁰ Ne kishoon maggii, mulloochee tiijjiree biich imbe. Ebina Doono Yeeri ne kishoona ne shuuneti mooyo bullina neen diiremmone.

Yibbaatoo 15:10 ပူးပေါင်းရင်းမြစ်များ

Shaahiyoo 22:9

Bi maayoochee girechoyich bi qooditoyich, wojjechi asho diireyemmone.

Dojjecho 11:1

Ne koshon aachi toommooch dufe! Meeti aaboyee gubb wochi danemmo neene.

Isiyaasi 32:8

Tunebaani deꞌe asho deꞌe mooyon gabiye; deꞌe mooyonoo manjiꞌi beehe.

Isiyaasi 58:10

shaacetinaꞌoyich ittoshi maayoochee ittoshi qoodigaata, duꞌetinaꞌochi qaatoon ittoshi ceechigaata, ittoshi bekko manderoochaa aaxxemmone; ittoshi manderoo areddee aaboommon tunemmone.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Mishiraachechinaꞌo 20:35

‘Deqqii beetoyee immiibeeto diireetone’ iꞌi Doono Yesuusi bi qelloona gettiton shalligaabee, caajjoona maraataa shuunaabee giidaalleenaꞌon dego tun bedo bi tunoon bulli mooyona ittoshich bekkiito taane” iye.

Roomi 12:8

Ciico bi tunegaata, ciicona kupphebone; imo bi tunegaata, mulloochee tiijjiree imbone. Kittinneenaꞌon yaabiibeeti asho bi tunegaata, kuppheree yaabibe; bareenaꞌoyich ariqqeebeeto bi tunegaata, emiribee deꞌittinoon bekkiibe.

Yibbaatoo 14:19

“Qoshechi kashingixeenaꞌo bulli xalleenaꞌo tooneenaꞌone; eboshin maayaahote.

Yibbaatoo 14:29

Ebi maayo, boonoshi qoodoo tuneti woyee boonoshi woraashiti showoo aallo bi tunetoyich, Lewee asheenaꞌoyich, wotta ne beeti katemooch koteti shiqqeenaꞌoyich, nihaalleenaꞌonaa xuumeenaꞌonoyich tunebe. Boonoshiyoo arooch waaree maa michemminaꞌone. Ebiyoo ne Nuggishoo Doono Yeeri ne kishoona ne shuunaabeeti mooyo bullina neen bi diiremmoyichiye” iye.

Yibbaatoo 15:18

“Ne guunon gawukkiꞌi daachiyoo maggoo tuneree neech bekkaaye. Shiritte naton neech bi maddeto, gijjoona shuuneebeeti ashichoyee gutte kisha bedoone. Ebin ne tuniigaata, ne Nuggishoo Doono Yeeri ne shuunaabeeti mooyo bullina neen diiremmone.

Yibbaatoo 15:4

Ne Nuggishoo Doono Yeerichi qaaroon waayaꞌa, hanaach neech ta gettaabeeti ebi geteenaꞌo bullin manjii ne quyegaata, ne Nuggishoo Doono Yeeri giyi ne woraashemmoyich neech bi immiibeeti showoochaa neen diiremmone. Ebich girecho ne daggooch daneyaachemmone.

Yibbaatoo 23:20

Israꞌeelo tuneyaani asho waanee shimon deꞌon hakkihine. Tunebaani giyi woraashiya ne hammaabeeti showoochaa, ne shuunaabeeti mooyo bullina ne Nuggishoo Doono Yeeri neen bi diiremmoyich, ne manoyich koyitiyaahine.

Yibbaatoo 24:19

“Ne maayoon kicaabee ikke qiroon budooch ne battegaata, aroon deeba gubb wotteyaahine. Ne Nuggishoo Doono Yeeri ne kishoona ne shuunaabeeti mooyo bullina neen bi diiremmoyich, ebi aroo shiqqeenaꞌoyich, nihaalleenaꞌonaa xuumeenaꞌonoyich tunebe.

Yibbaatoo 28:8

“Doono Yeeri ne gotoonaa ne kishoona ne shuunaabeeto bullinon diiremmone; ne Nuggishoo Doono Yeeri neech bi immiibeeti showoochaa neen diiremmone.

Hibireena'o 13:16

Tunebaani gaaweton tuniyoon, ittoshich beetoochee bareenaꞌoyich qoodoonoo batteyaahote. Ebiyoommi deejjoon no giddiyoo Yeerin emirikkii beetone.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.