Yibbaatoo 14:3 - Kafa Linguistics Project

³ Muusiyoo daakkiꞌi ishichiye: “Eeꞌo tuneti mooyon ciroona maayaahote.

Yibbaatoo 14:3 ပူးပေါင်းရင်းမြစ်များ

Halloo 7:2

Xalle gijjeenaꞌonaa cooxinaꞌo bullinoochee anaamaa maache yesheree shabaatti shabaattoon tuneree, xalloo tuneyaani gijjeenaꞌonaa cooxinaꞌo bullinoochee anaamaa maache yesheree gutti guttoon tuneree, shimaayoona yoobbiibeeti yoobbereenaꞌo bulliichee anaamaa maache yesheree shabaatti shabaattoon tuneree boonoshi waataa, neenna tookki markabooch giijjibe. Ebiyoo kashoona beeree, gubbich showee toommooch shiijje boonoshi meettemmoyichiye.

Isiyaasi 65:4

Maashooch kotee beetinaꞌo, qere xaaꞌooch xumoon beshii beetinaꞌo, gudichi meenon maa beetinaꞌo, boonoshi qiicooch eeꞌe meechi cabboon geddiibeeti asheenaꞌone.

Hiziqeeli 4:14

Aroochee tawoo ishichiyo: “Nuggishoo Doono Yeero, ebi tunaaye; ciroona eeꞌaa ariyaano taane; ta bushittinoochee tiijjaꞌa ebiich beddaahaa bi aalla qititon woyee cooxo yechiton ciroona maataano taane; eeꞌe maayo ta noonooch shaggii ariyaanoone” iyo.

Leweenaꞌo 11:2

“Israꞌeeleenaꞌoyich ishichi getote: ‘Showee toommooch beeti kashechi mooyinaꞌoochee ittoshi maayemmo eboshiniye:

Leweenaꞌo 11:43

Showoona yuummii beetinaꞌon mamona eeꞌeyaahote. Ittoshin eeꞌiyemminaꞌo boonoshi tunetoyich, boonoshina eeꞌeyaahote.

Leweenaꞌo 20:25

“ ‘Illa ebich xalloo tuneti gijjoo, cooxo, kafoonaa xalloo tuneyaanoonon barbariibote. Eeꞌoone iyaꞌa ta bariiti gijjoo, cooxo, kafoo, showoona yuummiibeeti mooyo amoonolla ittoshi qelloon eeꞌiyaahote.

Roomi 14:14

Bi qelloona eeꞌo tuneti mooyo amolla aallo bi tunoon Doono Yesuusina tunaꞌa xiishaa ariito taane; tunebaani eeꞌoone iꞌi gabiibeeti are ashoyich eeꞌoone.

1 Qorontoosi 10:28

Tunebaani koniyoona ittoshich “Ebi deejjee meenone” bi getigaata, “Taan mangemmone” getiree bi gabaachemmoyich, ittoshich gettiti are uroyicha getiree maayaahote.

Titoosi 1:15

Xalleenaꞌoyich bulli mooyo xalloone; tunebaani eeꞌeenaꞌonaa Kiristoosi toommooch mulloon tooꞌiyaaneenaꞌoyich xalloo tuneti mooyo amolla aalloone; halla boonoshi gaboonaa boonoshi mulloona eeꞌetone.