Yibbaatoo 14:26 - Kafa Linguistics Project

²⁶ Ebi are gijjoona ne qaawito amoonolla, ebi geto, gattoon, bagoon, woyinee uyoon woyee kashi uyoon ne qettoo gabito amoonolla kemebe. Ebi aroochaa, ne Nuggishoo Doono Yeeri aafoochaa neennaa ne kechi asheenaꞌona maayemmo ittoshine; emirishoo gettemmo ittoshine.

Yibbaatoo 14:26 ပူးပေါင်းရင်းမြစ်များ

Iziri 7:22

Keejje humaa awudde balle kiilo giraamee birewooch beddaahaa, balle xaanee teepphooch beddaahaa, gutte hume neetiree woyinee uyooch beddaahaa, gutte hume neetiree zayitooch beddaahaa imbote; wotta kiihonoo qaawiimmi wottoon imbote.

Shoddo 106:14

Barahoochaa oogichii xiqqeheete; Doono Yeerinoo phireya tiyiheete.

Dojjecho 9:7

Ebich and illa, ne maayoon emiroona mame; ne woyinee uyoonoo emiroona uye; ebiyoo Yeeri ne tuniyemmoyich bi qaawiti mooyone.

Maatiyoosi 21:12

Ebiyee gubb, Yesuusi yaafee kexooch giyiye. Giyiꞌi, arooch gabiyoo geddii kemmii kemeebeeti asheenaꞌo bullin gashee kichiye. Boonoshin kichiibee gijjoon shaddii beetinaꞌochi madelloon, uggoon kemmiibeeti asheenaꞌochi gabberoonoo yangiye.

Maariqoosi 11:15

Yesuusinaa bi dabbeenaꞌona Yerusaalem shaggiyeete. Aroochee Yesuusi yaafee kexooch giyiꞌi gabiyoo geddii kemmii kemeebeeti asheenaꞌo bullin gashee kichiye. Gijjoon shaddii beetinaꞌochi madelloon, uggoon kemmiibeeti asheenaꞌochi gabberoonoo yangiye.

1 Qorontoosi 10:6

Illa gonde mooyon boonoshi qaatitoommon no qaataachemmoyich, hini mooyo bulli nooch cuuꞌiyee malletoone.

Yibbaatoo 12:12

Aroochaa ittoshi anaami bushiishoonaa ittoshi maache bushiishoona tookki, ittoshi guuninaꞌonaa ittoshi gonneenaꞌona tookki, wotta boonoshi qoodeeti woyee woraashiti showoo aallo bi tunetoyich, ittoshi beeti katemeenaꞌooch koteti Lewee asheenaꞌona tookki, Doono Yeeri aafoochaa emiribote.

Yibbaatoo 12:15

“Tunebaani ne beeti katemoo aabiichaanona, ne Nuggishoo Doono Yeeri neech immitoommon, neen xiqqiimmi haddoona, ne gijjoon bashiree mame. Xalloo tuneba xalleyaani asho koniyoona, doollee meenon woyee xiixxee meenon bi mamoommon, aroochee mamon hakkiye.

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Yibbaatoo 12:7

Ebi aroochaa, ittoshi Nuggishoo Doono Yeeri aafoochaa ittoshinaa ittoshi kechi asheenaꞌona maayemmo ittoshine. Ittoshi kishoona ittoshi shuuneto bullin Doono Yeeri diiritoyich ittoshi bulli oogichi emiremmo ittoshine.

Yibbaatoo 14:25

Ebi are maayoon kemi gijjoon ne kishooch yeshiree, ne Nuggishoo Doono Yeeri kaacciti xaaꞌooch hambe.

Yibbaatoo 26:11

Aroochee ne, Lewee asheenaꞌonaa ne waan waa koteti shiqqeenaꞌona ne Nuggishoo Doono Yeeri neennaa ne kechi asheenaꞌonoyich bi immiti gaawe mooyoyich emiremmo ittoshine” iye.