Yibbaatoo 14:1 - Kafa Linguistics Project

¹ Muusi Israꞌeeleenaꞌoyich ishichiye: “Ittoshi Nuggishoo Doono Yeerich bushiishoo ittoshine. Ebich qititi ashich ittoshi eeppii beegaata, ittoshi achoon gari qoccaahote. Ittoshi qelloonoo cakkeyaahote.

Yibbaatoo 14:1 ပူးပေါင်းရင်းမြစ်များ

Halloo 6:2

Yeerichi bushiisheenaꞌo, asheenaꞌochi maache bushiisheenaꞌo mallet gaaweenaꞌo boonoshi tunoon beeggiꞌi, boonoshi shunnii shunnitinaꞌon daammii shaaggiyeete.

Halloo 6:4

Arooba, aroyee gubboo genjeenaꞌonaa giidechinaꞌona tuneti Nefiliimeenaꞌo showee toommooch beeheete; eboshi Yeerichi bushiisheenaꞌo asheenaꞌochi maache bushiisheenaꞌon shaaggiꞌi, boonoshi shiyiti bushiisheenaꞌone. Eboshiyoo wonna aricheti ginee anaaminaꞌone.

1 Taateenaꞌo 18:28

Ebich ooge qaaroona cookiibee, boonoshi doyoommon boonoshi damoo oogichii ufemmi wottoon, boonoshi ashittinoon goraadoonaa cuboona qoccii mayii beeheete.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Erimiyaasi 16:6

Gaannechinaꞌonaa girechinaꞌona hini showoochaa qitemminaꞌone; duukkeyaachemminaꞌone; koniyoona boonoshich eefaachemmone; bi achoonoo garaachemmone; boonoshichoo qelloon cakkeyaachemmone.

Erimiyaasi 3:19

Israꞌeele, ta neen ta busha haddiya, gaawe showoon neech imma, showoo bulliyee beshe qeemi showoon neech woraashiya, qaawiyoye. Wotta “Ta Nihoocho, geti ceeggemmi neene; taan dabboocheenoo wotteyaachemmi neene” iyaꞌanoo, gabiyoye.

Erimiyaasi 31:9

Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.

Erimiyaasi 41:5

shinne asheenaꞌo boonoshi ishaanoon cakkeꞌi, boonoshi tahoon keexxiꞌi, boonoshi achoonoo gariꞌi, Shekeemi katemoochee, Shiloohi katemoochee, Shamaari katemoochee, maayi buuroonaa ixaanoonon yechiꞌi Doono Yeerichi yaafee kexooch giddiyoyich waaheete.

Erimiyaasi 47:5

Gaazi asheenaꞌo ayinoona boonoshi qelloon cakkemminaꞌone; Ashiqelooni aalletone; Anaaqichi cureenaꞌote! Ittoshi achoon ittoshi garemmo aati wottooniye?

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Leweenaꞌo 21:5

“ ‘Qeesheenaꞌo eeppii muushenetinaꞌo boonoshi tunoon bekkiyoyich, boonoshi qelloon cakkaayeete; boonoshi ishaanee goconoo maachaayeete; boonoshi achoon gari shettaayeete.

Yowannisi 1:12

Tunebaani Yeer waanee bi womon iberiiꞌi boonoshi mulloon bi toommooch tooꞌiitinaꞌo bullich Yeerichi bushiishoo tunee hakkoon immiye.

Yowannisi 11:52

Bi qitemmo, shaceꞌi baribare showooch beeti Yeerichi bushiisheenaꞌon wotta ikkooch bi kicemmoyichalli, Ayihudeenaꞌoyich baach toonoone.

Roomi 8:16

Are Ayaano bi qelloona Yeerichi bushiishoo no tunoon no ayaanoona tookkii miixee beetone.

Roomi 9:26

‘Ittoshi ta macceenaꞌo toono ittoshine’ boonoshi getteeti xaaꞌooch aroochaa ‘Beeyechi Yeerichi bushiisheenaꞌo’ getaa ceekkemminaꞌone” itone.

Roomi 9:4

Boonoshiyoo Israꞌeelee macceenaꞌone; Yeeriyoo boonoshin bi hajjee bushiisheenaꞌo tuniihe; bi oogee yiiroochee boonoshich qoodiye; wogoonoo boonoshina tookkii giyiye; sheeroonoo boonoshich immiye; yaafee kechi maddee doyoon, meeti baribare gibenee qaaroonoo boonoshich immiye.

Roomi 9:8

Ebi geto Yeeri gibenikkiti gibenee qaaroona shiijjeti bushiisheenaꞌo ibere bi yaroo tuneꞌi haddeeteetalli, ebi meenona shiijjeti bushiisheenaꞌo Yeerichi bushiisheenaꞌo tooneenaꞌone getone.

2 Qorontoosi 6:18

Ittoshichoo Nihoo tunemmo taane; ittoshiyoo taach anaami bushiishoonaa maache bushiishoonon tunemmo ittoshine, iye Beshe Hakkechi Doono Yeeri.”

Galaati 3:26

Ittoshi mulloon Kiristoos Yesuusi toommooch ittoshi tooꞌiyee naboona ittoshi bulli Yeerichi bushiishoo ittoshine.

Yibbaatoo 13:18

Doono Yeeri ebin bi tuniyemmo, hanaach ittoshich ta gettaabeeti, ittoshi Nuggishoo Doono Yeerichi qaaroon waayeꞌi bi geto bullin ceechii ittoshi quyegaata, bi aafoochoo tato tuneti mooyon ittoshi tunii gaatane” iye.

Yibbaatoo 32:6

Hini mullaalli baalle ashoocho! Doono Yeerich ne tuniyemmo ebiniye? Biyoo ne Nihoonaa neen Hallitonane; neen aagetoo tuniiꞌi manjiitone.

1 Tasaloonqi 4:13

Andoo no maneenaꞌote! Gibenaalli bare asheenaꞌochoommon ittoshi ayinaachemmoyich, qititi asheenaꞌochon ittoshi ariyemmoyich shunnoye.

Hibireena'o 2:10

Bulli mooyon halliti, bulli mooyo biich beeti Yeeri meeti bushiisheenaꞌon oogee yiirooch deeboyich, boonoshi wodee shimbo tuneti Yesuusin xuuxoon beegona beddito bi tunemmoyich bi tuniyoo tatoone.

1 Yowannisi 3:10

Yeerichi bushiisheenaꞌonaa daabiloosichi bushiisheenaꞌona ebina bariꞌi arichee beetinaꞌone: Cadiqee shuunoon shuuneyaano, bi manoonoo shunaano, Yeerichi bushoo toonoone.

1 Yowannisi 5:2

Yeerin shunnaꞌa bi geton no ceechigaata Yeerichi bushiishoon no shunon ebina ariibeeto noone.