Yibbaatoo 13:6 - Kafa Linguistics Project

⁶ “Ne manoo, ne indee shiyeto woyee ne bushoo woyee ne bushee woyee ne shunnaabeeti ne mechee woyee kashoommi ne nuuchoo, newoo tuneb ne qaabbechinaꞌo goyinnee maddee ariyaani nuggisheenaꞌoyich ne goyinne maddemmoyich tuniiya qaawiree, ‘Ne waataa hamiree bare nuggisheenaꞌoyich goyinne maddebone’ getiree aashoona neen dachemmo tunemmone.

Yibbaatoo 13:6 ပူးပေါင်းရင်းမြစ်များ

Halloo 16:5

Arooba Saarayi Abraamin “Haggaari taan qallayemmoyich tuniito neene. Biin neech immeti taane; tunebaani aree xifeti bi tunoon bi ariitoyee gubb, taan qallayitine. Neennaa taanna daggooch beeti mooyon Doono Yeeri nallibe” iyan.

2 Saameeli 1:26

Ta manoo Yonaataano, ta neech oogeton ayinito taane. Ne taach oogeti aaxxoo neene; ne taan shunnaabeeti shunoo oogeton worganikkitone; maachee shunoyeenona beshiti shunoone.

1 Taateenaꞌo 18:40

Aroochee Eliyaasi boonoshich, “Baꞌaalee keemechinaꞌon yeshote; boonoshiichee ikkolla muriccaaye” iye. Boonoshiyoo yechiyeete. Eliyaasiyoo Qishooni aacooch daammiꞌi, aroochaa boonoshin wuxiye.

2 Taateenaꞌo 11:18

Aroochee asheenaꞌo bulli Baꞌaalee yaafee kexooch hammiꞌi, Baꞌaalee kexon happiyeete. Bi deejjee gudeenaꞌonaa shahalleenaꞌonon tiichii aalliiheete. Baꞌaalee qeeshoo Mataaninoo deejjee gudee aafoochaa wuxiyeete. Qeeshoo Yoyaadi Doono Yeerichi yaafee kexooch quyechinaꞌon ukkiriihe.

2 Kiinoo 15:13

“Israꞌeelee Nuggishoo Doono Yeerich goyinnee maddeyaani asho, bushoo woyee oogoo, anaamo woyee maachee bi tunetaa qitibe” iꞌi wogeheete.

2 Kiinoo 23:17

Asheenaꞌo bulliyoo Baꞌaalee yaafee kexooch hammiꞌi, kexon happiyeete. Bi deejjee gudeenaꞌonaa misileenaꞌonon tiichii aalliiheete; Baꞌaalee qeeshoo Mataaninoo deejjee gudee aafoochaa wuxiyeete.

Iyoobi 31:27

ta mullo taan geechaa, aashoona goyinneyaano taane; boonoshin oogiyoyichoo ta kishoon shumaano taane.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 32:27

Aroochee boonoshich, “Israꞌeelee Nuggishoo Doono Yeeri ishichitone: ‘Asho bi ikkikkoona bi goraadoon cuyebe. Kaambooch giyi, ikke kelloochee bare kellooch besheree, bi ikkikkoona bi manoon, bi addaaroonaa bi giyoonon wuxibe’ itone” iye.

Shaahiyoo 18:24

Nuuchoon meechii beeti asho aallemmone; tunebaani manoyee beshe katini shunecho beetone.

Shaahiyoo 5:20

Ta bushoocho, shunimaayeen ne shunnaabeeto amoyichiye? Bare ureen ne tiqqaabeeto amoyichiye?

Erimiyaasi 28:15

Tawoo ebin Hanaaniyich ishichaꞌa getteho: “Hanaaniyo, waayebe: Neen Doono Yeeri wocheyaanoone; ne hini asho bulli koote mooyon bi gibenemmoyich tuniito neene.

Erimiyaasi 28:16

Ebich Doono Yeeri ishichiye: ‘Showee toommoochee neen aalliyemmo taane; Doono Yeeri ta toommooch hukkoon ne yibbaatetoyich, hini natooch qitemmo neene’ itone” iyo.

Erimiyaasi 44:3

Ebi tuneto ebi katemeenaꞌooch beebee echeti asheenaꞌo ta kaaroon boodoyich, boonoshi tuniiti gondoyichiye; boonoshiyoo tunebeeta ittoshi, ittoshi qaabbechinaꞌoo ariyaani bare nuggisheenaꞌoyich ixaanoon shoohonaa goyinnoonoyich hammiyeete.

Zakaariyaasi 13:3

Koniyoona keemoon bi keemigaata, bi indeenaa bi nihoona, ‘Doono Yeerichi shigoona kootoon keemmeto neene; ebich qitemmo neene’ gettemminaꞌone. Keemoon bi keemi gaatoo, biin shiyiti bi nihoonaa bi indeena biin kochemminaꞌone.

2 Qorontoosi 5:16

Illa ebiyee bekk koninolla ashi shalligoommona ciinaachone; ebiyee aaf Kiristoosin ashi shalligoommona ciinnaabee echeto noone; tunebaani illa and ebiyoommon tuniiꞌa ciinaachone.

Galaati 2:4

Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

Yibbaatoo 11:32

hanaach ittoshich ta gettaabeeti qociyeenaꞌo bullinaa doyeenaꞌo bullinon ittoshi tuniyemmoyich, ittoshi qelloon ariibote” iye.

Yibbaatoo 13:2

ebi bi gettiti malletoo woyee gaakkechi mooyo tunegaata, biyoo ne ariyaani bare nuggisheenaꞌoyich ‘Ne waataa hamiree goyinne maddebone’ bi getigaata,

Yibbaatoo 13:7

Ne katinooch beeti woyee neyee wokkiꞌi beeti, showee tuggoochee showee tuggooch beddaahaa beeti asheenaꞌochi nuggisheenaꞌoyich ne goyinne maddemmoyich neen dachemmo tunemmone.

Yibbaatoo 17:12

Ne Nuggishoo Doono Yeeri aafooch neexeechii maddeebeeti qeeshoyich woyee woraaferashoyich ‘Deꞌa getaache’ ii beeti asho qitibe. Ebin tuniyoona ebi gonde mooyon Israꞌeelee showoochee wokkiibe.

Yibbaatoo 18:20

Tunebaani bi gettemmoyich biich ta getaani mooyon aafoon kuppheꞌi ta shigoona keemmiibeeti keemechon woyee bare nuggisheenaꞌochi shigoona keemmii beeton wuxibote’ itone.

Yibbaatoo 19:19

bi manoochi toommooch tuniiya bi gabitoommon bi toommooch tuniibote. Ebin tuniyoona ebiyoommi gonde mooyon ittoshi daggoochee wokkiibote.

Yibbaatoo 21:21

Ebina are katemeexi asheenaꞌo biin xaqqoona yexi wuxibeete. Ebin tuniyoona ebiyoommi gonde mooyon ne daggoochee wokkiibe. Ebina Israꞌeeleenaꞌo bulli ebin waayeree shattemminaꞌone” iye.

Yibbaatoo 22:21

busheen bi nihoochi kechi kellooch daamiree are bi beeti katemeexi asheenaꞌo xaqqoona yexiree wuxibeete. Ebiyoo batt bi nihoo kexooch beechaa, shunee mamona Israꞌeeleenaꞌo daggooch yeelloon bi deebetoyichiye. Ebin tuniyoona, ebiyoommi gonde mooyon ittoshi daggoochee wokkiibote” iye.

Yibbaatoo 24:7

“Ikke asho Israꞌeelo tuneti bi manoon yechii daammiꞌi guunon bi tuniigaata woyee bi kemigaata, ebin tuniito qitibe. Ebin tuniyoona, ebiyoommi gonde mooyon ittoshi daggoochee wokkiibote.

Yibbaatoo 28:54

Etto bi katemoon giichitoyich, ariqqechonaa shiimechona tuneti asholla oogichii mandaacheree bi hajjee bushiishoon maayemmone. Ebin bi tuniyemmo, bi maayemmi maayo amolla aallo bi tunetoyichiye. Biyoo ariqqaalli mulli manjoon tuneree, ebi aroochee bi manoyich woyee shuni bi mecheyich woyee echeti bi bushiisheenaꞌoyich qoodaachemmone.

Yibbaatoo 29:18

Ebi aageteenaꞌo nuggisheenaꞌoyich goyinne maddeya, hanaach bi mulloon no Nuggishoo Doono Yeer waanee bara wochiti asho, anaamo woyee maachee woyee ashi yaroo woyee yoodo bi beetaachemmoyich, xiishibote. Ebi bi beegaata, caammiibeeti, xuppattoon tuneya dicciibeeti michi cammoommone.

Yibbaatoo 8:14

ne mullo geecaa, Gibitsee showeexi guuchittinoochee neen kichii deebiti ne Nuggishoo Doono Yeerin ne batteyaachemmoyich ne qelloon ariibe!

Qolaasiyaasi 2:4

Ishin ta ii beeto, koniyoona noonee shaawona ittoshin bi dachaachemmoyichiye.

Yaasi 7:13

“Tibe! Asheenaꞌo yaafeyemmoyich tuniibe. Boonoshichoo ishichibe: ‘Israꞌeelee Nuggishoo Doono Yeeri ishichiye: “Israꞌeeleenaꞌote, timeeti mooyo ittoshi daggooch bi beetoyich, ebin ittoshi wokkiimmi wottoon, ittoshi etteenaꞌona tookki koyoon hakkaachemmo ittoshine” iye. Ebich, yaachich ittoshi qelloon qanniiree yaafeebote.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 20:3

Oppee hoonoochoo duppiye; hume nato ceennimmi wottoon aageteenaꞌon bi muricciyaachemmoyich, oppee hoonee kelloon hicciꞌi maatemoon geddiye; hume nato ceennitoyee gubb giisheche wottoyich baach biicheyemmone.

Woraaferasheenaꞌo 10:6

Israꞌeeleenaꞌo wochinnoon Doono Yeeri aafooch axaaxoon shuuneheete. Baꞌaaleenaꞌonaa Ashitarooteenaꞌonoyich, wotta Sooriyee showee nuggisheenaꞌoyich, Sidoonee showee nuggisheenaꞌoyich, Moꞌabee showee nuggisheenaꞌoyich, Amoonee showee nuggisheenaꞌonaa Filsixeemee showee nuggisheenaꞌonoyich goyinnee maddeheete. Doono Yeerin qajjiꞌi biich goyinnee maddoon neechiyeete.

Woraaferasheenaꞌo 2:13

Doono Yeerin qajjiꞌi Baꞌaaleenaꞌonaa Ashitarooteenaꞌonoyich goyinneheete.

Woraaferasheenaꞌo 20:13

Andoo boonoshin wuxiree Israꞌeelee daggoochee ebi gonde mooyon no aalliyemmoyich, Gibaaha beeti, gaacaalli asheenaꞌon nooch beshiiree imbote” iyeete. Tunebaani Biiniyaameenaꞌo boonoshi maneenaꞌo tuneti Israꞌeeleenaꞌochi yibbaatoon waayemmon qajjiyeete.

Woraaferasheenaꞌo 5:8

Dallaawe nuggisheenaꞌon Israꞌeeleenaꞌo shunnitoyich, gino boonoshi kellooch shaggiye; aabbe hume Israꞌeeleenaꞌo daggoochee, ginoon woyee gaachoon yechiti ikke asholla aalloone.

1 Saameeli 18:1

Saaꞌoolinaa Daawitina yibbaatoon ciichiyeete. Aroyee gubb, Yonaataani Daawitich kashoommi nuuchoon tunehe. Biyoo Daawitin bi kashoona tachiꞌi shunniye.

1 Saameeli 18:3

Yonaataani Daawitin bi kashoona tachiꞌi bi shunnitoyich, biinna tookkii wogoon giyiye.

1 Saameeli 20:17

Yonaataaniyoo Daawitin bi shunoochee tiyitona biich bi wogemmoyich tuniihe. Ebiyoo Daawitin bi kashoona tachiꞌi bi shunnii beetoyichiye.