Yibbaatoo 13:5 - Kafa Linguistics Project

⁵ Tunebaani guuno tunee hajjeeꞌi beebee ittoshi echeti Gibitsee ittoshin biisheꞌi deebiti, ittoshi Nuggishoo Doono Yeeri toommooch hukkoon ittoshi shuunemmoyich bi gettitoyich, wotta ittoshi Nuggishoo Doono Yeeri gettiti gommoochee gubb ittoshi wottemmoyich tuniiya bi qaawitoyich, ebiyoommi keemechon woyee gumi gummechon wuxibote. Ebin tuniyoona, ebiyoommi gonde mooyonoo ittoshi daggoochee wokkiibote.

Yibbaatoo 13:5 ပူးပေါင်းရင်းမြစ်များ

1 Taateenaꞌo 13:19

Ebich Yeer asho biinna tookkii wotteꞌi, bi kexoochee koshon maahe; aaconoo uchiye.

1 Taateenaꞌo 18:40

Aroochee Eliyaasi boonoshich, “Baꞌaalee keemechinaꞌon yeshote; boonoshiichee ikkolla muriccaaye” iye. Boonoshiyoo yechiyeete. Eliyaasiyoo Qishooni aacooch daammiꞌi, aroochaa boonoshin wuxiye.

2 Kiinoo 34:31

Taatoo bi beetooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye.

Erimiyaasi 14:15

Ebich Doono Yeeri ta, ‘Hini showooch goraadoonaa shaacoona waataachemmone’ iꞌi, ta wocheyaanoon ta shigoona keemoon keemiibeeti keemechinaꞌochon ishichiyoye: Ebi keemechinaꞌo goraadoonaa shaacoona qitemminaꞌone.

Erimiyaasi 29:32

Doono Yeeri ta, Nehelaamee asho Shemayaahinaa bi gumbeenaꞌonon naxemmo taane; ta asheenaꞌoyich ta tuniyemmi gaawe mooyon beeggemmi asho bi gumboochee hini asheenaꞌo daggooch ikkolla daneyaachemmone; ebiyoo Doono Yeeri ta toommooch hukkoon bi yibbaatetoyichiye’ itone gete” iye.

Erimiyaasi 50:6

“Ta asho aalleti bagoommon tunetone; boonoshi qiddeenaꞌo boonoshin muriciitinaꞌone; guudinaꞌo toommooch boonoshi yallyallimmemmoyich tuniiheete. Guudinaꞌoochee geppeenaꞌooch hammiyeete; boonoshi dogoonoo batteheete.

Erimiyaasi 7:23

Tunebaani ‘Ta qaaroon waayebote; ta, ittoshi Nuggishoon tunemmo taane; ittoshiyoo ta maccoon tunemmo ittoshine; ittoshich bi kaamemmoyich, ta gommona hambote’ iyaꞌa boonoshich getteto taane.

Zakaariyaasi 13:3

Koniyoona keemoon bi keemigaata, bi indeenaa bi nihoona, ‘Doono Yeerichi shigoona kootoon keemmeto neene; ebich qitemmo neene’ gettemminaꞌone. Keemoon bi keemi gaatoo, biin shiyiti bi nihoonaa bi indeena biin kochemminaꞌone.

Mishiraachechinaꞌo 13:8

Tunebaani Bariyaasi woyee Giriikee noonoona Elimaasi getteebeeti allaamoo, hini Qoophiroosee iraashoo mishiraachee qaaroon bi iberiyaachemmoyich, Phawuloosinaa Sillaasinochi yibbaatoon kootiiya qiiccehe.

Yibbaatoo 13:10

Xaqqoona yexiree wuxibe. Ebiyoo guuno tunaa hajjeyaꞌa beebee ne echeti Gibitsee neen kichii deebiti, ne Nuggishoo Doono Yeer waanee neen bariiya bi qaawitoyichiye.

Yibbaatoo 13:15

are katemooch beeti asheenaꞌon boonoshi gijjeenaꞌona tookki goraadoona qecce wuxibote. Katemoonoo ciroona happi aalliibote.

Yibbaatoo 13:9

Biin wuxibe. Ne biin shiichi xaqqoona yexe. Aroyee gubb asheenaꞌo bulli xaqqoona yexeete.

Yibbaatoo 17:5

ebi gonde mooyon shuuneti ashoon, anaamo tuneba maacheen, katemee kelloyee maach kichi, xaqqoona yexi wuxibe.

Yibbaatoo 17:7

Ebi ashoon wuxoyich, miixeenaꞌo shiichi xaqqoona yexeete; aroochee echeti asheenaꞌo yexeete. Ebin tuniyoona ebi gonde mooyon ne daggoochee wokkiibe” iye.

Yibbaatoo 18:20

Tunebaani bi gettemmoyich biich ta getaani mooyon aafoon kuppheꞌi ta shigoona keemmiibeeti keemechon woyee bare nuggisheenaꞌochi shigoona keemmii beeton wuxibote’ itone.

Yibbaatoo 19:19

bi manoochi toommooch tuniiya bi gabitoommon bi toommooch tuniibote. Ebin tuniyoona ebiyoommi gonde mooyon ittoshi daggoochee wokkiibote.

Yibbaatoo 22:21

busheen bi nihoochi kechi kellooch daamiree are bi beeti katemeexi asheenaꞌo xaqqoona yexiree wuxibeete. Ebiyoo batt bi nihoo kexooch beechaa, shunee mamona Israꞌeeleenaꞌo daggooch yeelloon bi deebetoyichiye. Ebin tuniyoona, ebiyoommi gonde mooyon ittoshi daggoochee wokkiibote” iye.

Yibbaatoo 22:24

boonoshi guttinona are katemee kellooch beeti addibaabooch deebiree xaqqoona yexi wuxibote. Bushee bi qitemmo, katemee daggooch beechaa, ‘Taan gaachebote’ iyaꞌa cookoo bi qajjetoyichiye. Wotta uro bi qitemmo, ashi mecheen bi qeyitoyichiye. Ebin tuniyoona, ebiyoommi gonde mooyon ne daggoochee wokkiibe.

Yibbaatoo 24:7

“Ikke asho Israꞌeelo tuneti bi manoon yechii daammiꞌi guunon bi tuniigaata woyee bi kemigaata, ebin tuniito qitibe. Ebin tuniyoona, ebiyoommi gonde mooyon ittoshi daggoochee wokkiibote.

Yibbaatoo 26:14

Eeppaa muushenaꞌa ta kotehooba aroochee maataano taane. Ta eeꞌehooba ebi aroochee amoonolla ta kexoochee kichaano taane; qititi ashichoo buuroon giddiyaano taane. Ta Nuggishoo Doono Yeeri ne qaaroon waayeto taane. Taach ne getteto bullin ceechito taane.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

Yibbaatoo 6:13

“Ne Nuggishoo Doono Yeerin shate. Biich baach goyinne maddebe. Bi shigoona baach wogebe.

Yibbaatoo 7:4

Boonoshina tookkaa ne naachegaata, ne bushiisheenaꞌon Doono Yeerin dabboon qayi bare nuggisheenaꞌoyich goyinne boonoshi maddemmoyich tuniyemminaꞌone. Ebiichee tiyitona, Doono Yeeri kaaro ittoshi toommooch cufemmone; biyoo ittoshin kaate aalliyemmone.

Yaasi 23:8

Hanaach beddaahaa ittoshi tuniitoommon, ittoshi Nuggishoo Doono Yeerin manjiiree yeshote.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.

Woraaferasheenaꞌo 20:13

Andoo boonoshin wuxiree Israꞌeelee daggoochee ebi gonde mooyon no aalliyemmoyich, Gibaaha beeti, gaacaalli asheenaꞌon nooch beshiiree imbote” iyeete. Tunebaani Biiniyaameenaꞌo boonoshi maneenaꞌo tuneti Israꞌeeleenaꞌochi yibbaatoon waayemmon qajjiyeete.

1 Saameeli 12:14

Doono Yeerin shattiibeeto, biich goyinnee maddeebeeto, bi qaaroonoo waayaabeeto, bi getoonoo deꞌa ii ceechiibeeto ittoshi tunegaata, wotta ittoshinaa ittoshi toommooch taateti taatoona ittoshi Nuggishoo Doono Yeerin ittoshi dabbigaata, ittoshich gaaweto tunemmone.