Yibbaatoo 13:10 - Kafa Linguistics Project

¹⁰ Xaqqoona yexiree wuxibe. Ebiyoo guuno tunaa hajjeyaꞌa beebee ne echeti Gibitsee neen kichii deebiti, ne Nuggishoo Doono Yeer waanee neen bariiya bi qaawitoyichiye.

Yibbaatoo 13:10 ပူးပေါင်းရင်းမြစ်များ

2 Taateenaꞌo 11:18

Aroochee asheenaꞌo bulli Baꞌaalee yaafee kexooch hammiꞌi, Baꞌaalee kexon happiyeete. Bi deejjee gudeenaꞌonaa shahalleenaꞌonon tiichii aalliiheete. Baꞌaalee qeeshoo Mataaninoo deejjee gudee aafoochaa wuxiyeete. Qeeshoo Yoyaadi Doono Yeerichi yaafee kexooch quyechinaꞌon ukkiriihe.

2 Kiinoo 24:21

Tunebaani boonoshi bi toommooch koceeheete; taatoochi getoona Doono Yeerichi yaafee kechi addibaaboochaa xaqqoona yexxiꞌi biin wuxiyeete.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Keyo 32:27

Aroochee boonoshich, “Israꞌeelee Nuggishoo Doono Yeeri ishichitone: ‘Asho bi ikkikkoona bi goraadoon cuyebe. Kaambooch giyi, ikke kelloochee bare kellooch besheree, bi ikkikkoona bi manoon, bi addaaroonaa bi giyoonon wuxibe’ itone” iye.

Leweenaꞌo 20:2

“Israꞌeeleenaꞌoyich ishichi gete: ‘Israꞌeeleenaꞌo ittoshi daggoochee woyee Israꞌeelee showooch koteti shiqqeenaꞌo daggoochee koniyoona bi bushoon Molookich bi imigaata, qitibe. Asheenaꞌo bulli xaqqoona yexiree biin wuxibeete.

Leweenaꞌo 20:27

“ ‘Ittoshi daggoochee ikke asho, anaamo tuneba maachee, qititi ashoona tookkii yibbaateebeeto woyee allaamoo bi tunegaata, qitibe. Boonoshiyoo xaqqoona yexaa qitibeete. Boonoshi damoyich koniyoona echeyaachemmone’ itone gete” iye.

Leweenaꞌo 24:23

Muusiyoo ebi bullin asheenaꞌoyich gettiye. Asheenaꞌo Doono Yeerichi shigoon naaggiti uroon kaamboyee maach kichiꞌi xaqqoona yexxii wuxiyeete. Israꞌeeleenaꞌo eechiꞌi Doono Yeeri Muusich gettitoommon tuniiheete.

Yibbaatoo 13:5

Tunebaani guuno tunee hajjeeꞌi beebee ittoshi echeti Gibitsee ittoshin biisheꞌi deebiti, ittoshi Nuggishoo Doono Yeeri toommooch hukkoon ittoshi shuunemmoyich bi gettitoyich, wotta ittoshi Nuggishoo Doono Yeeri gettiti gommoochee gubb ittoshi wottemmoyich tuniiya bi qaawitoyich, ebiyoommi keemechon woyee gumi gummechon wuxibote. Ebin tuniyoona, ebiyoommi gonde mooyonoo ittoshi daggoochee wokkiibote.

Yibbaatoo 17:5

ebi gonde mooyon shuuneti ashoon, anaamo tuneba maacheen, katemee kelloyee maach kichi, xaqqoona yexi wuxibe.

Yibbaatoo 17:7

Ebi ashoon wuxoyich, miixeenaꞌo shiichi xaqqoona yexeete; aroochee echeti asheenaꞌo yexeete. Ebin tuniyoona ebi gonde mooyon ne daggoochee wokkiibe” iye.

Yibbaatoo 21:21

Ebina are katemeexi asheenaꞌo biin xaqqoona yexi wuxibeete. Ebin tuniyoona ebiyoommi gonde mooyon ne daggoochee wokkiibe. Ebina Israꞌeeleenaꞌo bulli ebin waayeree shattemminaꞌone” iye.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

Yaasi 7:25

Yaasiyoo “Ebi shaahe iritoon amoyich no toommooch deebenne? Ebeege, hanaach ne toommoochoo Doono Yeeri iritoon deebemmone” iye. Aroochee Israꞌeeleenaꞌo bulli Akaanin, bi kechi asheenaꞌonaa bi gijjeenaꞌonon xaqqoona yexxii wuxiyeete; qaaqqoonoo goggiyeete.