Yibbaatoo 13:1 - Kafa Linguistics Project

¹ “Keemecho woyee gumi gummecho ittoshi daggoochee tiyiꞌi, worganikkiti malletoon woyee gaakkechi shuunoon shuunemmo taane bi getaa,

Yibbaatoo 13:1 ပူးပေါင်းရင်းမြစ်များ

1 Taateenaꞌo 13:18

Tunebaani keemechi geene uro, “Tawoo neenoommi keemecho taane. ‘Koshon bi maayemmonaa aacon bi uchemmonoyich, wochiree ne kexooch biin deebe’ iꞌi maraakoo Doono Yeerichi qaaroona taach gettitone” iye; tunebaani bi ishichito, kootooniye.

1 Taateenaꞌo 13:19

Ebich Yeer asho biinna tookkii wotteꞌi, bi kexoochee koshon maahe; aaconoo uchiye.

Shaahiyoo 30:6

Neen bi kaareyaachemmonaa koote ashoon ne tuneyaachemmonoyich, bi qaaree toommooch daakkiyaahine” iye.

Isiyaasi 9:15

Qelleenaꞌo geeneenaꞌonaa moogeeti asheenaꞌona tunemmona ceereenaꞌo kootoon dojjiibeeti keemechinaꞌone.

Erimiyaasi 23:11

“Keemechinaꞌonaa qeesheenaꞌona taach qeyaaneenaꞌo tunetinaꞌone; boonoshi gondoon ta kechi maacooch beddaahaa daneto taane” iye Doono Yeeri.

Erimiyaasi 23:32

“Koote gumon gummii maacciibee keemmiibeeti, aafee kupphoona kootoon keemmiibee ta asheenaꞌon muricooch yaabiibeeti keemechinaꞌo toommooch tiyeto taane” iye Doono Yeeri. “Boonoshin wocheyaano taane; boonoshin ukkiriyaano taane; ebi asheenaꞌoyich boonoshi gaaccemmo amolla aalloone” iye Doono Yeeri.

Erimiyaasi 27:9

Ebich “Baabloonee taatoyich hajjeyaachemmo ittoshine” ii beeti ittoshi keemechinaꞌon, kaayechinaꞌon, gumon maaccechinaꞌon, qaaxechinaꞌonaa mareccee maaccechinaꞌonon waayeyaahote.

Erimiyaasi 29:24

Israꞌeelee Nuggishoo Beshe Mawe Doono Yeeri Erimiyaasich ishichiye: “Nehelaamee asho Shemayaahich ishichibe: Yerusaalem beeti asho bullich, Maseyaahichi bushoo qeeshoo Sofoniyaasich, qeesheenaꞌo bullichoo, ne shigoona koorichoon daachiito neene. Sofoniyaasichoo ishichito neene:

Erimiyaasi 29:26

‘Doono Yeerichi yaafee kexoochaa, geyeebee keemoon keemmiibeeti asho bullin baatee giindoona ne giindemmonaa bi qettooch sansalatoon ne geddemmonoyich, Yoyaadichi xaaꞌooch Doono Yeeri neen qeeshoo tuniiꞌi ukkiriitone.

Erimiyaasi 29:8

Ebich Israꞌeelee Nuggishoo Beshe Mawe Doono Yeeri ishichiye: “Ittoshi daggooch beeti keemechinaꞌonaa kaayechinaꞌona ittoshin dawushaayeete; boonoshi gummiibeeti gumonoo waayeyaahote;

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Hiziqeeli 13:23

Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.

Zakaariyaasi 10:2

Terafimo gaacaalloone; qaaxechinaꞌoo beeggiibeeto koote yaaꞌoone; gummechinaꞌo koote gumon maaccii beetinaꞌone; duube goggiyoonoo goggii beetinaꞌone. Ebina asheenaꞌo bagoochoommon yallyallimiyeete; qiddoonoo mucceꞌi xuuxeheete.

Zakaariyaasi 13:4

“Ebiyooba keemecho bulli keemoon keemmii bi beegaata, bi beeggiibeeti yaaꞌee naboona yeellemmone. Asheenaꞌon dachoyich huushechi tahoon taheyaachemmone.

Maatiyoosi 24:11

Meeti koote keemechinaꞌo tiyemminaꞌone; meetinaꞌonoo muriciyemminaꞌone.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

Luqaasi 6:26

Asho bulli ittoshin gaawichiꞌi yibbaatetinaꞌote, boonoshi qaabbechinaꞌo ebiyoommon koote keemechinaꞌon gaawichiꞌi yibbaatetinaꞌone. Ebich ittoshich woowo!” iye.

Yibbaatoo 18:20

Tunebaani bi gettemmoyich biich ta getaani mooyon aafoon kuppheꞌi ta shigoona keemmiibeeti keemechon woyee bare nuggisheenaꞌochi shigoona keemmii beeton wuxibote’ itone.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

2 Tasaloonqi 2:9

Ebi hukkechi uro bi woyemmo, Sheexaanoochi shuunoommon baribare giidoona koote worganikkiti malletoonaa gaakkechi shuunoonon shuunoonane.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.