Yibbaatoo 12:6 - Kafa Linguistics Project

⁶ Micciibeeti ittoshi deejjoonaa bare deejjoonon, ittoshi danee beetoochee kechiibeeti asraatoonaa ittoshi wojjoonon, ittoshi mookketi tiikkeshoonaa ittoshi mullee daaggoona ittoshi immiibeeti wojjoonon, ittoshi gijjeenaꞌoochee shiichii shiijjetonoo arooch deebote.

Yibbaatoo 12:6 ပူးပေါင်းရင်းမြစ်များ

2 Kiinoo 31:14

Lewoo, aabi-keyo waanee kelloon quyeebeeti, Yimini bushoo Qoori, mullee daaggoona Doono Yeerich icheti gijjoonaa yaafeeti mooyinaꞌonon qoodoyich ukkirehe.

2 Kiinoo 7:12

Doono Yeeriyoo xumoona bekkeꞌi Solomoonich ishichiye: “Ne corootoon waayeto taane; hini xaaꞌoon taach deejjoo giddemmi yaafee kexo bi tunemmoyich kaacceto taane.

Iziri 3:2

Yotsedeeqi bushoo Yaasinaa biinoommi qeesheenaꞌo, Shelateeli bushoo Zerubabeelinaa bi xibeenaꞌona, Yeer asho Muusichi Sheerooch bi kooreetoommon, micciibeeti deejjoon giddiyoyich Israꞌeelee Nuggishoochi deejjee gudoon shuuneheete.

Nehimi 10:36

“Ebiyoommon wotta Sheeree Macaafooch bi kooreetoommon, no anaami bushiisheenaꞌoochee, no gijjeenaꞌoochee, no bagoonaa emmishoonoochee shiichii shiijjeton no Nuggishoo kexooch, maddeebeeti qeesheenaꞌo waan deebemmo noone.

Nehimi 10:39

Israꞌeeleenaꞌonaa Leweenaꞌona ebi maayi aafoon, woyinee uyoonaa zayitoonon, yaafee kechi qiico kotee beetooch, maddeebeeti qeesheenaꞌo, kellechinaꞌonaa shoddechinaꞌona beeti, qiicee kexooch daambeete. “Nowoo, no Nuggishoochi kechi maddoon qayaachemmo noone” iyeete.

Shoddo 116:17

Galletee deejjoon neech deejjemmo taane; Doono Yeerichi shigoon ceeggemmo taane.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Leweenaꞌo 1:3

“ ‘Deejjoon bi giddiibeeto, micciibeeti deejjoyich bi miimoochee tunegaata, bachaalli wuron giddiibe. Doono Yeeri ta deqqemmoyich, danee duukkaanee kelloochaa giddiibe.

Milikiyaasi 3:10

Ta kexooch bede maayo bi beeyemmoyich, asraatoon ceenoona gotooch giijjibote. Shimaajji mallee kelloon qechaꞌa beddii echeti diiroon ittoshich ukkoon ta qayigaata, ebina taan beegote.

Milikiyaasi 3:8

“Asho Yeerin gaajjiibeetone? Tunebaani ittoshi taan gaajjito ittoshine. “Ittoshiyoo ‘Aabichireeshiye neen no gaajjemmo?’ ito ittoshine. “Taan ittoshi gaajjito, asraatoonaa wojjoonon taach giddiyee qayonane.

Luqaasi 11:42

“Tunebaani hini Fariseenaꞌote, kefoonaa caddiraammoonoochee, daaddeexi cinnechi bechoo bulliichee asraatoon Yeerich kichiyote; tunebaani tachiꞌi nalloonaa Yeerin shunonon qajjitote; are Yeerich ittoshi kichii beeton qayaanoon, eboshinoo wotta tuniiya bedo ittoshine. Ebich ittoshich woowo!

Luqaasi 18:12

Shabaattee daggooch gutte wottoon coomaabeeto taane; ta danaabeeto bulliichee asraatoon neech kichaabeeto taane’ iꞌi corootiye.

Yibbaatoo 12:17

Ne maayoochee, ne woyinee uyoonaa ne zayitoonoochee ne kichiti asraatoon woyee ne gijjoochee shiichii shiijjeton woyee Doono Yeerich ne mookketi ne tiikkeshoo amoonolla woyee ne mullee daaggoona ne immaabeeti mooyo woyee bare wojjoo amoonolla, ne katemoochaa maayaahine.

Yibbaatoo 26:2

ne Nuggishoo Doono Yeeri neech immiibeeti showoochee ne macimmi maayoochee cilloon kichi daami, mokkooch gede. Ebi aroon ne Nuggishoo Doono Yeeri biich ittoshi goyinnemmoyich bi kaaccemmi xaaꞌooch yeshi hambe.

Yaasi 22:27

No, ebi deejjee gudoon no shuuneto, Doono Yeerichi yaafee duukkaanee aafoochaa biich goyinneebee, micciibeeti deejjoonaa bare deejjoonon, ebiyoommon ikkittinee deejjoon giddiibee no beemoyich, noonnaa ittoshina daggooch malletoo bi tunemmoyichiye; wotta gubbi no shiijjereenaꞌoyich miixoo bi tunemmoyichiye. Ebiyoo gubbi ittoshi shiijjereenaꞌo no shiijjereenaꞌon ‘Doono Yeer waanee qoodoo ittoshich aalloone’ geton boonoshi hakkaachemmoyichiye.

1 Saameeli 1:21

Ebiyee gubb, Eliqaani Doono Yeerich nati deejjoon deejjoonaa bi mookketi mookkoon giijjoonoyich, bi kechi asheenaꞌo bullina tookkii Shilooha hamma tiyiye.

1 Saameeli 1:24

Bushoo xano bi kuxxitoyee gubb, Shilooha beeti Doono Yeerichi kexooch daammahan. Wotta biinna tookkaa keejje nati ikke gubbenoon, keejje qunnee buddinoonaa ikke mollexxee woyinee uyoonon yechaꞌa hammahan. Arooba bushoo batt nallefoone.