Yibbaatoo 12:5 - Kafa Linguistics Project

⁵ Ittoshi Nuggishoo Doono Yeeri bi shigo ceekkemmonaa arooch bi danemmona tuneti xaaꞌoon ittoshi yoodeenaꞌo bulli daggoochee kaaccemmone. Are xaaꞌoon qaawiꞌi, arooch hammii biich goyinno ittoshich qaawiihe.

Yibbaatoo 12:5 ပူးပေါင်းရင်းမြစ်များ

1 Taateenaꞌo 14:21

Solomooni bushoo Roboꞌami Yihudee showooch taatehe. Roboꞌami bi taatehooba, bi eeno aabbaa ikke natone. Doono Yeeri bi shigo beeyemmoyich, Israꞌeelee yoodo bulliichee bi kaacciti Yerusaalem beechii aaraa shabaatte naton qeejjiye. Bi indee Naꞌaami getteehan; biyoo Amoonee asheene.

1 Taateenaꞌo 8:20

“Andoo Doono Yeeri bi gibenikkiti gibenoon ceechitone. Doono Yeeri bi gibenikkitoommon, ta nihoo Daawitichi xaaꞌooch kereeto taane; Israꞌeelee taatee qeenooch koteto taane; Israꞌeelee Nuggishoo Doono Yeerichi shigoyichoo kexon haggeto taane.

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

1 Taateenaꞌo 8:29

‘Arooch ta shigo beeyemmone’ ne iti, hini kexon xumoonaa areddoonon manjii ciine; ne guuno ta hini xaaꞌoochaa ta corootaabeeti corootoon elle waayebe.

2 Taateenaꞌo 18:22

Ittoshiyoo taach, “No Nuggishoo Doono Yeerin gibenemmo noone” ittoshi getaachemmoyich, Hiziqiyaasi Yihudee asheenaꞌonaa Yerusaalemi asheenaꞌonoyich, “Ittoshi goyinnemmo, Yerusaalem beeti deejjee gudee aafoochiye” getona, guudi toommeexi, Doono Yeerichi goyinnee xaaꞌeenaꞌonaa deejjee gudeenaꞌonon aalliitone.

1 Kiinoo 22:1

Aroochee Daawiti ishichiye “Nuggishoo Doono Yeerichi yaafee kexo hiniich tunemmone; Israꞌeeleenaꞌo micciibeeti deejjoon giddiyemmi deejjee gudo hiniich tunemmone” iye.

2 Kiinoo 7:12

Doono Yeeriyoo xumoona bekkeꞌi Solomoonich ishichiye: “Ne corootoon waayeto taane; hini xaaꞌoon taach deejjoo giddemmi yaafee kexo bi tunemmoyich kaacceto taane.

Iziri 3:2

Yotsedeeqi bushoo Yaasinaa biinoommi qeesheenaꞌo, Shelateeli bushoo Zerubabeelinaa bi xibeenaꞌona, Yeer asho Muusichi Sheerooch bi kooreetoommon, micciibeeti deejjoon giddiyoyich Israꞌeelee Nuggishoochi deejjee gudoon shuuneheete.

Iziri 6:12

Bi shigo arooch beeyemmoyich tuniiti Nuggishoo, ebi getoon shaddoyich, woyee Yerusaalem beeti, Yeerichi kexon happoyich, boonoshi kishoon geddimmi taatoon woyee aagetoon koninolla aalliibe. “Daariyoosi ta, ‘Ebi mooyon tuniibote’ iyaꞌa getteto taane. Ebi ta getoon kupphiiree tuniibote” ii kooriihe.

Iziri 7:17

Ebi gijjoona gubbeneenaꞌon, ogooge bagee baaddeenaꞌonaa gishiishi bagee baaddeenaꞌonon, wotta deejjee maayoonaa uyoonon kupphiiree kemebe. Eboshinoo Yerusaalem beeti ittoshi Nuggishoochi yaafee kexeexi deejjee gudooch deejjibe.

Shoddo 78:68

Tunebaani Yihudi yoodoon, bi shunniibeeti Tsiyooni guudon, kaacciye.

Keyo 15:2

Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.

Keyo 20:24

“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Keyo 25:22

Taabootee toommooch beeti gutte kiruubeenaꞌochi gutte daggooch, axaaxoon maariyee guufee tookk tuneechi, neenna danemmo taane. Israꞌeeleenaꞌoyich tunemmi ta geto bullin neech gettemmo taane.

Erimiyaasi 26:2

“Doono Yeerichi yaafee kechi addibaabooch neexebe; Doono Yeerichi yaafee kexooch goyinnoyich Yihudee katemeenaꞌoochee waabeeti asheenaꞌoyich ne gettemmoyich ta getteti qaaro bullin gete; ikke qaaroonolla shappiiyaahine.

Erimiyaasi 7:12

“ ‘Ta shigo arooch beeyemmoyich batti batt ta kaacceti, Shiloohi katemooch beeti xaaꞌooch hambote; ta asheenaꞌo tuneti Israꞌeeleenaꞌo gondoochee tiyitona ta tuniiton beegote!

Erimiyaasi 7:14

Shiloohi katemooch ta tuniitoommon ta shigo ceekketi, ittoshiyoo gibeneebeeti kexooch ittoshinaa ittoshi qaabbechinaꞌonoyich ta immeti xaaꞌooch tuniyemmo taane.

Haddoo 7:89

Muusiyoo danee duukkaanoochaa Doono Yeerina yibbaatoyich bi giyiyooba, miixee taabootee toommooch beeti, axaaxoon maariyee guufoyee tookkaa, gutte kiruubeenaꞌochi gutte daggoochaa Doono Yeeri biich yibbaatetaa waayehe.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:13

Micciibeeti ne deejjoon ne shunneti xaaꞌoochaa ne deejjaachemmoyich ne qelloon ariibe!

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Yibbaatoo 12:4

“Ebi asheenaꞌo boonoshi nuggishoyich goyinnee beetoommi gommona ittoshi Nuggishoo Doono Yeerich goyinneyaahote.

Yibbaatoo 14:23

Bulli aaboon ne Nuggishoo Doono Yeerin shaton ne doyemmoyich, ne maayoochee, woyinee uyoonaa zayitoonoochee asraatoon, wotta ne miimoochee, bagoonaa emmishoonoochee shiichii shiijjeton, bulli aaboon biich ittoshi goyinnemmoyich bi kaacciti xaaꞌoochaa, ne Nuggishoo Doono Yeeri aafoochaa mame.

Yibbaatoo 14:24

Ne Nuggishoo Doono Yeeri, bi shigo aroochaa ceekkemmoyich bi kaacciti xaaꞌoo ne beetoochee bi wohaa, ne Nuggishoo Doono Yeeri neen diiriꞌi neech bi immitoochee, asraatoon shaaggiꞌi daamo neen bi mawigaata, ebin tuniibe:

Yibbaatoo 15:20

Ne Nuggishoo Doono Yeeri kaacciti xaaꞌoochaa neennaa ne kechi asheenaꞌona nati natona, ne Nuggishoo Doono Yeeri aafoochaa maayemmo ittoshine.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 16:15

Ne Nuggishoo Doono Yeeri ne gocheti maayoonaa ne kishoona ne shuunaabeeti mooyo bullina neen diiremmo bi tunetoyich, ne Nuggishoo Yeeri kaacciti xaaꞌoochaa shabaatte qemi wottoon baaroon baaribe. Ebina newoo oogichi emiremmo neene.

Yibbaatoo 16:2

Ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, Beshee Baaree deejjoon ne deejjaa beegaata, ne miimoochee woyee ne bagoochee woyee ne emmishoochee bashiree biich deejjibe.

Yibbaatoo 16:6

Tunebaani ne Nuggishoo Doono Yeeri bi shigo aroochaa bi ceekkemmoyich bi kaaccemmi xaaꞌoochaa, ebi aroochaa Beshee Baaree deejjoon deejjibe. Ebin ne tuniyemmo, aabe gimooch, showoo xumeechaa, Gibitsee ne kecheti saatoochiye.

Yibbaatoo 16:7

Ebi meenon ne Nuggishoo Doono Yeeri kaacciti xaaꞌoochaa kachiiree mame. Bi dechara ne duukkaanooch wotteree hambe.

Yibbaatoo 17:8

Muusi Israꞌeeleenaꞌoyich ishichiye: “Ittoshi katemooch beeti ikkikke mooyo nallii kuxoyich nallechinaꞌoyich oogeti maggoo tunemmone. Ebiyoo ikke asho ashoon bi wuxito, gabii kuxxiꞌi bi tunoonaa diqqoona bi tunoonon, ashoon bi yexxito woyee ashi qiicoon bi duubiito ariibee bi tunoonaa diqqoona bi tunoonon bariiꞌi ariyoone. Ebi mooyo tunehooba, ne Nuggishoo Doono Yeeri kaacciti xaaꞌooch tiyi hambe.

Yibbaatoo 18:6

“Ikke Lewee asho bi mullo tiyaa, bi koteti katemoon qajjii, Doono Yeeri kaacciti xaaꞌooch bi hamigaata,

Yibbaatoo 26:2

ne Nuggishoo Doono Yeeri neech immiibeeti showoochee ne macimmi maayoochee cilloon kichi daami, mokkooch gede. Ebi aroon ne Nuggishoo Doono Yeeri biich ittoshi goyinnemmoyich bi kaaccemmi xaaꞌooch yeshi hambe.

Yibbaatoo 31:11

Israꞌeeleenaꞌo bulli bi kaaccimmi ikke xaaꞌooch ne Nuggishoo Doono Yeeri aafooch boonoshi kiceehooba, hini sheeroon Israꞌeeleenaꞌo bulli aafooch boonoshich waayiiree shemmebe.

Qolaasiyaasi 2:9

Ceeni Nuggishittino bulla Kiristoosi taheti meechi ashittinooch beetone.

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Yaasi 18:1

Showoon kochii boonoshi yechitoyee gubb, Israꞌeeleenaꞌo bulli Shiloohi katemooch kiceeheete. Danee duukkaanoonoo arooch xogiyeete.

Yaasi 22:11

Roobeelinaa Gaadinochi yoodeenaꞌo, Minaasi yoodoochee qatinaꞌoo Israꞌeeleenaꞌo showoo tuneti, Kanaanee showee daarooch, Yoordaanoosi aachi gashooch, deejjee gudoon boonoshi shuunoon echeti Israꞌeeleenaꞌo waayeheete.

Yaasi 9:27

Aroobee aabooba Yaasi Gibeꞌooni asheenaꞌon Israꞌeeleenaꞌonaa Doono Yeeri kaaccimmi xaaꞌooch neexeebeeti, Doono Yeericho tuneti deejjee gudoonoyich michi mittechinaꞌonaa aachi kittechinaꞌonon tuniihe. Ebi shuunoon hanaach beddaahaa shuunee beetinaꞌone.

Yaaꞌoo 14:1

Aroochee ciinneho; ebiyoche Bago Tsiyooni guudooch neexeꞌi beete; bi shigoonaa bi Nihoochi shigoona boonoshi barooch kooreeti balli aabbaa awudde hume asheenaꞌo biinna tookkii beetinaꞌone.