Yibbaatoo 12:30 - Kafa Linguistics Project

³⁰ Doono Yeeri ne aafoochee boonoshin bi aalliitoyee gubb, boonoshi gommon dabbiree ne olleyaachemmoyich, ne qelloon ariibe! ‘Ebi asheenaꞌo boonoshi nuggisheenaꞌoyich goyinnee maddeebee boonoshi echeto aabichiꞌiniye? Tawoo boonoshichoommon tuniyemmo taane’ getiree boonoshi nuggisheenaꞌochon ariyoyich qaawiyaahine.

Yibbaatoo 12:30 ပူးပေါင်းရင်းမြစ်များ

2 Taateenaꞌo 16:10

Taatoo Akaazi Asooree taatoo Tigilaat Fileseerina daneya Damaasiqa bi hamiyooba, arooch beeti deejjee gudoon beeggiye. Aroommi deejjee gudo shuuneyemmoyich bi misiloon qeeshoo Uuriyich deejjiye.

2 Taateenaꞌo 17:15

Bi qociyoon, boonoshi qaabbechinaꞌona tookkii bi giyiti wogoonaa boonoshich wochii wochii kupphii bi gettiti qaaroonon hoxeheete; gaacaalli shahalleenaꞌoyich goyinnoona boonoshiyoo gaacaalleenaꞌo tuneheete. Doono Yeeri boonoshichoommon boonoshi tuniyaachemmoyich, boonoshich bi gettiti, boonoshi guudoona beeti aageteenaꞌon dabbiyeete.

Keyo 23:24

Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice.

Erimiyaasi 10:2

Doono Yeeri ishichiye: “Aageteenaꞌochi gommon doyiyaahote; aageteenaꞌo shimaajji malleteenaꞌon boonoshi beegigaata, oogichii shattii beetinaꞌone; tunebaani ittoshi shattaahote.

Hiziqeeli 11:12

Ittoshi guudoona beeti aageteenaꞌo sheeroon quyehotalli ta qociyoona hamaano ittoshi tunetoyich, ta getoon quyo ittoshi qajjitoyich, ebiyooba Doono Yeeri ta tunoon ariyemmo ittoshine” iye.

Hiziqeeli 20:28

Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete.

Hiziqeeli 20:32

“ ‘ “Bare aageteenaꞌochoommon, mixonaa xaqqoonoyich goyinneebeeti asheenaꞌochoommon tunebone” iyote. Tunebaani ebi ittoshi mulloona ittoshi gabito ciroona kaameyaachemmone.

Leweenaꞌo 18:3

Ittoshi beebee echeti Gibitsee asheenaꞌo tunii beetoommi mooyon tuniyaahote. Wotta and ittoshin ta giijjiya ii beeti Kanaanee asheenaꞌo tunii beetoommi mooyon tuniyaahote. Boonoshi qocoonoo dabbiyaahote.

Leweenaꞌo 18:30

Ebich ta getoon waayebote. Ittoshiyee aaf are showooch koteti asheenaꞌo tuniibee echeti eeꞌe mooyoochee amoonolla, tuniyaahote. Eboshin tuniyoona ittoshi qelloon eeꞌiyaahote. Ta, ittoshi Nuggishoo Doono Yeeri taane’ itone gete” iye.

Haddoo 33:52

arooba are showeexi asheenaꞌon ittoshi aafoochee yoohi kichemmo ittoshine; xogeeti boonoshi xaqqee giimboo bullin waaxi aalliyemmo ittoshine. Boonoshi shahalloon aalliyemmo ittoshine; guudi toommeexi boonoshi goyinnee xaaꞌoon happemmo ittoshine.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Yibbaatoo 11:16

Bare nuggisheenaꞌoyich ittoshi goyinne maddemmoyich, ittoshi mullo ittoshin bi geechaachemmoyich ittoshi qelloon ariibote!

Yibbaatoo 12:29

Muusi Israꞌeeleenaꞌoyich ishichiye: “Ittoshi Nuggishoo Doono Yeeri boonoshi showoon koyi yecha ittoshi hammiibeeti aageteenaꞌon bi aalliitaa, are showoon yeshiree arooch kotemmo ittoshine.

Yibbaatoo 12:31

Boonoshi nuggisheenaꞌoyich boonoshi goyinnee maddee beetoommi gommona ne Nuggishoo Doono Yeerich goyinne maddeyaahine. Boonoshiyoo boonoshi nuggisheenaꞌoyich goyinnee maddee boonoshi beegaata, Doono Yeeri shixxii, ciigeebeeti mooyo bullin tunii beetinaꞌone. Boonoshi anaami bushiishoonaa boonoshi maache bushiishoonolla, qaaqqooch goggiꞌi boonoshi nuggisheenaꞌoyich deejjii beetinaꞌone.

Yibbaatoo 18:9

Muusi Israꞌeeleenaꞌoyich ishichiye: “Ne Nuggishoo Doono Yeeri neech immiibeeti showooch ne giyiyooba, arooch beeti aageteenaꞌo shuuneebeeti, ciigiiti mooyon doyiyaahine.

Yibbaatoo 20:18

Ebiyoo boonoshi nuggisheenaꞌoyich boonoshi goyinnee maddee beegaata boonoshi tuniibeeti, ciigiiti mooyon ne shuunemmoyich neech boonoshi dojjaachemmoyich, wotta ne Nuggishoo Doono Yeeri toommooch axaaxoon ne shuuneyaachemmoyichiye.

Yibbaatoo 7:16

Ne Nuggishoo Doono Yeeri ne kishooch beshii immimmi asheenaꞌon wuxi aalliibe. Boonoshich ariqqeyaahine. Boonoshi nuggisheenaꞌoyich goyinneyaahine. Ebi neech olloon tunemmone.