Yibbaatoo 12:25 - Kafa Linguistics Project

²⁵ Doono Yeeri aafoochaa tato tuneti mooyon ne tuniyoona, neennaa ne shiijjereenaꞌonoyich mooyo bi kaamemmoyich, damoon maayaahine.

Yibbaatoo 12:25 ပူးပေါင်းရင်းမြစ်များ

1 Taateenaꞌo 11:38

Ta guuno Daawitichoommon ta geto bullin ne waayegaata, ta gommona ne hamigaata, ta qociyoonaa ta getoonon quyoona ta aafooch kaame mooyon ne tuniigaata, neenna tookki tunemmo taane. Daawitichi taatittinoon ta manjiyoommon, ne taatittinoon manjiyemmo taane; Israꞌeeleenaꞌon neech immemmo taane.

Shoddo 112:2

Bi yareenaꞌo showee toommoochaa giidechinaꞌo tunemminaꞌone; kaamoochi shiijjereenaꞌo diireyemminaꞌone.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Dojjecho 2:26

Biin emirikkiibeeti ashoyich Yeeri shalligoon, ariyoonaa emiroonon immiye; tunebaani Yeeri biin shattii beetoyich bi immemmoyich, aajjiꞌi gaannoon kicoon axaaxechoyich immiye; ebiyoo duubo, yongoon yookkii dabboommone.

Dojjecho 8:12

Axaaxecho balle wottoon gondoon shuuneebee bi eeno genjetaanona, mooyo bi kaamemmo Yeerin shattii beetinaꞌonaa biin oogii beetinaꞌonoyich bi tunoon ariiho.

Isiyaasi 3:10

Cadiqeenaꞌoyich, “Mooyo ittoshich kaamemmo bi tunetoyich, ittoshi shuunee aafoon maayemmo ittoshine” gete.

Hiziqeeli 33:25

Ebich Nuggishoo Doono Yeeri ta gettaa beeton ishichi boonoshich gete: ‘Meenon damoona tookkii maahote; ittoshi aafoon shahalleenaꞌo waan wochiyote; damoon ukkiyote; ebi ittoshine showoon woraashemmo?

Yibbaatoo 12:24

Aacochoommon showooch tibibani, damoon maayaahine.

Yibbaatoo 12:28

Ebi neech ta getteti mooyinaꞌo bullin ceechi ne quyemmoyich ne qelloon ariibe! Ebin ne tuniigaata, ne Nuggishoo Doono Yeeri aafooch tatoonaa kaamoona tuneti mooyon ne tuniyoona, mooyo bulli neennaa ne shiijjereenaꞌonoyich bulli yemeenoon kaamemmone” iye.

Yibbaatoo 13:18

Doono Yeeri ebin bi tuniyemmo, hanaach ittoshich ta gettaabeeti, ittoshi Nuggishoo Doono Yeerichi qaaroon waayeꞌi bi geto bullin ceechii ittoshi quyegaata, bi aafoochoo tato tuneti mooyon ittoshi tunii gaatane” iye.

Yibbaatoo 21:9

Ebina Doono Yeeri aafooch kaamoonaa tatoona tuneti mooyon tuniiree xalle ashi damoon ukkoona waabeeti xuꞌoon ne daggoochee wokkiyemmo neene” iye.

Yibbaatoo 4:40

Neennaa ne shiijjeroonoyich mooyo bulli kaamemmoyich, ne Nuggishoo Doono Yeeri bulli yemeenoon ne beeyemmoyich neech bi immiibeeti showoo, neecho tuneree bi beeyemmonaa arooch koteree ne yagemmonoyich, hanaach ta gettaabeeti sheeroonaa getoonon quyebe” iye.

Yibbaatoo 5:16

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.

Yibbaatoo 5:33

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Yibbaatoo 6:18

Mooyo neech bi kaamemmonaa Doono Yeeri ne qaabbechinaꞌoyich wogeꞌi bi gibenikkiti gaawe showooch giyi ne woraashemmonoyich, Doono Yeeri aafooch tatoonaa gaawetona tuneti mooyon tuniibe.