Yibbaatoo 12:23 - Kafa Linguistics Project

²³ Tunebaani damoon maayaahine. Kasho beeto damee daggooch bi tunetoyich, meenon kashoona tookki maayaahine.

Yibbaatoo 12:23 ပူးပေါင်းရင်းမြစ်များ

Halloo 9:4

“Tunebaani damoo quupphiti meenon maayaahote. Ebiyoo damee daggooch kasho beetoyichiye.

Hiziqeeli 33:25

Ebich Nuggishoo Doono Yeeri ta gettaa beeton ishichi boonoshich gete: ‘Meenon damoona tookkii maahote; ittoshi aafoon shahalleenaꞌo waan wochiyote; damoon ukkiyote; ebi ittoshine showoon woraashemmo?

Leweenaꞌo 17:10

“ ‘Israꞌeelee ashoochee woyee Israꞌeeleenaꞌo daggooch shiqqoo tuneꞌi koteti asheenaꞌoochee koniyoona damoon bi maagaata, biich etto tunemmo taane; bi asheenaꞌo daggoochee biin kichi yookkemmo taane.

Leweenaꞌo 17:11

Kashechi halloochi kasho bi beeto bi damoochiye. Ittoshi axaaxoon maariyoyich damoo deejjee gudooch bi ukkeyemmoyich ta getteto, ebichiye. Kashecho bi tunetoyich, axaaxoon maariibeeto damoone.

Leweenaꞌo 19:26

“ ‘Damoon quupphiti meenon ciroona maayaahote. “ ‘Kaayeyaahote. Iicishoo gettaahote.

Leweenaꞌo 7:26

Ittoshi koteti amee showoochaanolla kafee yareenaꞌochi damoon woyee gijjeenaꞌonaa cooxinaꞌonochi damoon maayaahote.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Mishiraachechinaꞌo 15:20

Tunebaani Muusi kooriti macaafoon aafi shiijjeroochee tiijjiꞌi, shambeti shambetooba Ayihudeenaꞌo kiceebeeti kexoochaa shemmee beetinaꞌonaa katemoo bulliichaa gettii beetinaꞌona beetoyich, ‘Shahalloyich deejjeeꞌi eeꞌeton maayaahote; shunee mamoochee wohote; guureyaanoon taaqqee qititon, damoonoo maayaahote’ getiree boonoshi waan kooribone” iye.

Yibbaatoo 12:16

Tunebaani damoon aacochoommon showooch tibibani, maayaahine.

Yibbaatoo 12:22

Doollee meenon woyee xiixxee meenon mamoommon ebi aroon mamon hakkihine; xalloo woyee xalleyaani asho aroochee mamon hakkiye.

Yibbaatoo 12:24

Aacochoommon showooch tibibani, damoon maayaahine.

Yibbaatoo 15:23

Tunebaani damoon aacochoommon showooch tibibani, maayaahine” iye.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;

1 Saameeli 14:32

Ebich asheenaꞌo boonoshi kecciti mooyo beetooch afaafinoona hammiꞌi bageenaꞌon, gatteenaꞌonaa maaminaꞌonon deebiꞌi showoochaa guuriyeete; meenonoo damoona tookkii maaheete.

1 Saameeli 14:33

Aroochee “Asheenaꞌo meenon damoona tookkii mamona Doono Yeerin xuqqii beetinaꞌone” getaa Saaꞌoolich getteehe. Saaꞌooliyoo “Doono Yeerichi sheeroon shaaddeto ittoshine. Eke and ikke ooge xaqqoon taach gederikkiree deebote” iye.