Yibbaatoo 12:21 - Kafa Linguistics Project

²¹ Ne Nuggishoo Doono Yeeri bi shigo aroochaa ceekkemmoyich bi kaacciti xaaꞌoo ne beetoochee oogeti woho bi tunegaata, neech ta gettetoommon, Doono Yeeri neech immiti ne miimoochee, ne bagoonaa ne emmishoonoochee neen xiqqiimmi haddoona bashaꞌa ne beeti katemoochaa mamon hakkihine.

Yibbaatoo 12:21 ပူးပေါင်းရင်းမြစ်များ

1 Taateenaꞌo 14:21

Solomooni bushoo Roboꞌami Yihudee showooch taatehe. Roboꞌami bi taatehooba, bi eeno aabbaa ikke natone. Doono Yeeri bi shigo beeyemmoyich, Israꞌeelee yoodo bulliichee bi kaacciti Yerusaalem beechii aaraa shabaatte naton qeejjiye. Bi indee Naꞌaami getteehan; biyoo Amoonee asheene.

2 Kiinoo 12:13

Taatoo Roboꞌami Yerusaalemaa bi taatittinoon manjiiꞌi taatehe. Roboꞌami bi taatehooba, bi eeno aabbaa ikke natone. Bi shigo arooch beeyemmoyich, Israꞌeelee showoo bulli daggoochee Doono Yeeri kaacciti Yerusaalem beechii aaraa shabaatte naton qeejjiye. Bi indee Naꞌaami getteehan. Biyoo Amoonee asheene.

Iziri 6:12

Bi shigo arooch beeyemmoyich tuniiti Nuggishoo, ebi getoon shaddoyich, woyee Yerusaalem beeti, Yeerichi kexon happoyich, boonoshi kishoon geddimmi taatoon woyee aagetoon koninolla aalliibe. “Daariyoosi ta, ‘Ebi mooyon tuniibote’ iyaꞌa getteto taane. Ebi ta getoon kupphiiree tuniibote” ii kooriihe.

Keyo 20:24

“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Yibbaatoo 12:11

Ittoshi Nuggishoo Doono Yeeri biich ittoshi goyinnemmoyich bi kaaccemmi are xaaꞌooch, ittoshich ta getteti mooyinaꞌo bullin deebote. Ebiyoo micciibeeti ittoshi deejjoonaa bare ittoshi deejjoonon, ittoshi danee beetoochee kechiibeeti asraatoonaa ittoshi wojjoonon, Doono Yeerich ittoshi mookketi tiikkeshoonoonane.

Yibbaatoo 12:15

“Tunebaani ne beeti katemoo aabiichaanona, ne Nuggishoo Doono Yeeri neech immitoommon, neen xiqqiimmi haddoona, ne gijjoon bashiree mame. Xalloo tuneba xalleyaani asho koniyoona, doollee meenon woyee xiixxee meenon bi mamoommon, aroochee mamon hakkiye.

Yibbaatoo 12:20

“Ne Nuggishoo Doono Yeeri neech bi gibenikkitoommon, ne showoon bi gamichiyooba, meenon ne xiqqemmi aabo bullin ne qaawimmi wottoon mamon hakkihine.

Yibbaatoo 12:22

Doollee meenon woyee xiixxee meenon mamoommon ebi aroon mamon hakkihine; xalloo woyee xalleyaani asho aroochee mamon hakkiye.

Yibbaatoo 12:5

Ittoshi Nuggishoo Doono Yeeri bi shigo ceekkemmonaa arooch bi danemmona tuneti xaaꞌoon ittoshi yoodeenaꞌo bulli daggoochee kaaccemmone. Are xaaꞌoon qaawiꞌi, arooch hammii biich goyinno ittoshich qaawiihe.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 16:6

Tunebaani ne Nuggishoo Doono Yeeri bi shigo aroochaa bi ceekkemmoyich bi kaaccemmi xaaꞌoochaa, ebi aroochaa Beshee Baaree deejjoon deejjibe. Ebin ne tuniyemmo, aabe gimooch, showoo xumeechaa, Gibitsee ne kecheti saatoochiye.

Yibbaatoo 26:2

ne Nuggishoo Doono Yeeri neech immiibeeti showoochee ne macimmi maayoochee cilloon kichi daami, mokkooch gede. Ebi aroon ne Nuggishoo Doono Yeeri biich ittoshi goyinnemmoyich bi kaaccemmi xaaꞌooch yeshi hambe.