Yibbaatoo 12:10 - Kafa Linguistics Project

¹⁰ Yoordaanoosin ittoshi kimiyooba, ittoshi Nuggishoo Doono Yeeri are showoon woraashi arooch ittoshi beeyemmoyich tuniyemmone. Biyoo ittoshi etteenaꞌo bulli waanee ittoshin bi kashiitaa, diggoona beeyemmo ittoshine.

Yibbaatoo 12:10 ပူးပေါင်းရင်းမြစ်များ

1 Taateenaꞌo 4:25

Solomooni kashoona bi beeti yemeeno bulliich, Daanee tiijjiꞌi Beershaab beddaahaa beeti Yihudee ashoonaa Israꞌeelee ashoona bi ikkikkoona bi woyinee yiiroonaa bi balaasee yiiroonooch diggoona kotee beehe.

1 Taateenaꞌo 8:56

“Bi gibenikkiti gibenoommon bi asheenaꞌo tuneti Israꞌeeleenaꞌon kashiiti Doono Yeeri galleteebe. Bi guuno Muusina bi gibenikkiti gaawe gibeno bulliichee ikke qaaroonona shappayaanoone.

1 Kiinoo 22:18

“Ittoshi Nuggishoo Doono Yeeri and beddaahaa ittoshina tookkiiniye. Ittoshi etto bulli waanee ittoshin kashiitone. Hini showooch beeti asheenaꞌon ta kishooch beshiiꞌi immitone. Showoo Doono Yeerinaa bi asheenaꞌonoyich hajjeetone.

Shoddo 4:8

Doono Yeero, diggoona ta beeyemmoyich tuniyaabeeto ne baach tunetoyich, ta qeyaa beegaata, diggoona tokketemmo taane.

Keyo 33:14

Doono Yeeriyoo “Ta neenna tookki hammemmo taane; neenoo kashiyemmo taane” iye.

Shaahiyoo 1:33

tunebaani ta waanee ellemmo tooꞌiree kotemmone; amee keqqolla aalloon beeyemmone” iyane.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Erimiyaasi 32:37

Ta kaaroonaa ta ippoona, ooge ta naxoonoo boonoshin ta yookketi showoo bulliichee boonoshin kicemmo taane; hini xaaꞌoochoo wochi deebemmo taane; keqqaalloon boonoshi beeyemmoyich tuniyemmo taane.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Hiziqeeli 28:26

Keqqaalloon kotemminaꞌone; kexinaꞌon haggemminaꞌone; woyinoonoo bechemminaꞌone. Boonoshin hoxeebeeti giyeenaꞌo bulli toommooch ta nalliyooba, keqqaalloon kotemminaꞌone; ebina boonoshi Nuggishoo Doono Yeeri ta tunoon ariyemminaꞌone” iye.

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hiziqeeli 34:28

Ebiyee bekk aageteenaꞌona bokkeyaachemminaꞌone; kubbi cooxinaꞌonoo manjeyaachemminaꞌone; keqqaalloon diggoona kotemminaꞌone; koniyoona boonoshin shatiyaachemmone.

Hiziqeeli 38:11

newoo ishichemmo neene: “Gayaalli gafeenaꞌooch damba kechemmo taane; uxeraalli, kelloonaa tuggoona aalli katemeenaꞌooch keqqaalloon diggoona beetinaꞌochi toommooch dihemmo taane.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Yibbaatoo 11:31

Ittoshi Nuggishoo Doono Yeeri ittoshich immiibeeti showooch giyi woraashiya Yoordaanoosin kimma ii beeto ittoshine. Are showoon hajjiꞌi arooch ittoshi kotehooba,

Yibbaatoo 3:27

Ne, Yoordaanoosin kimaachemmo neene; Fisigi guudi toommooch keyiichi, deshi-waaninaa dambi-waaninon, aabi-keyo waaninaa aabi-gimo waaninon ciine. Bi guudo bullin manjii ciine.

Yibbaatoo 33:12

Biiniyaami yoodoochon ishichiye: “Doono Yeerina shucheti yoodo, biinna quyeeꞌi beehe; heeyo bullin boonoshin quyemmone; bi beeyi xaaꞌoonoo boonoshi geppee toommooch tuniihe” iye.

Yibbaatoo 33:28

Ebina Israꞌeeli diggoona, Yaaqobichi sheeyo keqqaalloon, maayoonaa woyinee uyoona ceenniti, shimaayoo doshoon (caagibanoon) kindiibeeti showooch beehe.

Yibbaatoo 4:22

Tawoo hini showoochaanane ta qitemmo; Yoordaanoosin kimaachemmo taane. Tunebaani ittoshi kimi hami, are gaawe showoon woraashemmo ittoshine.

Yibbaatoo 9:1

“Israꞌeeleenaꞌote, elle waayebote. Hanaach ittoshiyee beshe giidechinaꞌonaa meetinaꞌona tuneti aageteenaꞌon yoohiichi, boonoshi showoon hajjiya Yoordaanoosi aacon kimma ii beeto ittoshine. Boonoshi katemeenaꞌo ogoogeenaꞌonaa shimaayooch shage xaqqee uxerechinaꞌonane.

Yaasi 11:23

Ebina Doono Yeeri Muusich gettitoommon, Yaasi showoo bullin kochii yechiye; boonoshi yoodi yoodee haddoona qoodiꞌi, Israꞌeeleenaꞌoyich maacciye. Aroochee showoo ginoochee kashehe.

Yaasi 14:1

Qeeshoo Elazaari, Nuuni bushoo Yaasinaa Israꞌeelee yoodeenaꞌochi yaree ukkireenaꞌona Israꞌeeleenaꞌoyich qoodiꞌi boonoshi maacciti, Yoordaanoosi aacoochaa aabi-gimo waan beeti Kanaanee showoo ebine.

Yaasi 3:17

Israꞌeeleenaꞌo bulli shuuꞌi showoona boonoshi kimmii beetaa, Doono Yeerichi wogee taabootoon shaaggiti qeesheenaꞌo Israꞌeeleenaꞌo bulli kimmimmi wottoon, Yoordaanoosi aachi gutte daggooch shuuꞌi showooch neexee beeheete.

Yaasi 4:12

Roobeelinaa Gaadinochi yoodeenaꞌonaa Minaasi yoodoochee qatinaꞌona Muusi boonoshich gettitoommon, ginee koyoyich cuyee qanniꞌi, Israꞌeeleenaꞌoyee aaf shiichii kimmiyeete.

1 Saameeli 7:12

Aroyee gubb Saameeli ikke xaqqoon daammiꞌi, Mitsiphinaa Sheeninochi gutte daggooch neechiye. Biyoo “Hanaach beddaahaa Doono Yeeri noon gaachetone” iꞌi, aroon Ebenezeeri iꞌi shigiihe.