Yibbaatoo 11:4 - Kafa Linguistics Project

⁴ Gibitsee ginee naayinaꞌo ittoshin yookkii boonoshi dabbiyooba, boonoshin, boonoshi haresheenaꞌonaa gaarinaꞌonon Doono Yeeri Ceelle baharo qooxxemmoyich tuniiꞌi ciroona boonoshin bi aalliyoon beeggito ittoshine.

Yibbaatoo 11:4 ပူးပေါင်းရင်းမြစ်များ

Shoddo 106:11

Aaco boonoshi etteenaꞌon qooxxiye; boonoshi etteenaꞌoochee ikkolla echeyaanoone.

Keyo 15:19

Israꞌeeleenaꞌo baharee daggoona shuuꞌi showoona kimmiyeete; tunebaani Faroonichi haresheenaꞌo, bi gaarinaꞌonaa hareshechinaꞌona baharooch waa boonoshi giyimmona, Doono Yeeri baharee aacon boonoshi toommooch wochiye.

Keyo 15:4

Faroonichi gaarinaꞌonaa bi ginechinaꞌonon baharooch duppitone; Faroonichi aricheti ginee iraasheenaꞌon Ceelle baharo qooxxemmoyich tuniitone.

Yibbaatoo 1:40

And illa ittoshi wotteree, Ceelle baharo waan daammiibeeti gommon yeshi barahooch qaxiribote’ iye.

Yibbaatoo 11:5

Hini xaaꞌooch waa ittoshi shaggimmi wottoon barahoochaa Doono Yeeri ittoshich tuniiti mooyon beeggito ittoshine.

Yibbaatoo 2:1

Muusi Israꞌeeleenaꞌoyich ishichiye: “Aroochee Doono Yeeri taach gettitoommon wottaꞌa, Ceelle baharo waan daammiibeeti gommona barahooch hammehon. Geppechi Seyiree showee guudoona meeti aaboon yallyallimiyone.

Hibireena'o 11:29

Israꞌeeleenaꞌo Yeeri toommooch mulloon tooꞌiyoona Ceelle baharee gutte daggoona kuxxiꞌi shuuꞌi showoona kimmiyeete; tunebaani Gibitsee asheenaꞌo kimma boonoshi giyaa, baharee aaco boonoshin qooxxiye.