Yibbaatoo 11:24 - Kafa Linguistics Project

²⁴ Ittoshi baatoo neexxiti showoo bulli ittoshicho tunemmone. Ittoshi showee daaro deshi-waan beeti barahoochee tiijjiree, dambi-waan beeti Libanoosi guudinaꞌooch beddaahaa, aabi-keyo waanaa Efiraaxisi aaconaa aabi-gimo waanaa Meditiraanee baharoonooch beddaahaa tunemmone.

Yibbaatoo 11:24 ပူးပေါင်းရင်းမြစ်များ

1 Taateenaꞌo 4:21

Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

1 Taateenaꞌo 4:24

Tifisaahi katemoochee tiijjii Gaaza beddaahaa, Efiraaxisi aacoochaa aabi-gimo waan beeti showoo bulliich beeti taatoo bulli biich hajjeehe; bi guudoona beeti taatee showoo bullina tookkiinoo diggoona beehe.

2 Kiinoo 9:26

Biyoo Efiraaxisi aacoochee tiijjii Filsixeemee showoonaa Gibitsee showee daaroonooch beddaahaa beeti taateenaꞌo bulli toommooch taatehe.

Keyo 23:31

“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene.

Yoꞌeeli 2:20

“Dambi-waanee waabeeti ginee naayinaꞌon, ittoshi waanee wokkiyemmo taane; barahoonaa shuuꞌi showoonooch yookkemmo taane. Aaf beetinaꞌon aabi-keyo waanee baharooch, gubb beetinaꞌonoo aabi-gimo waanee baharooch, daachiyemmo taane. Boonoshi dubeno shaaqqemmone; bi shaaꞌo hooggemmone. Ebiyoo geececho bi tunetoyichiye.

Yibbaatoo 1:7

Tiyi qaxiribote. Geppechi Amooreenaꞌo showoonaa bi guudoona beeti showoo bullinooch hambote. Yoordaanoosi bambooch, geppe showoonaa worebe showoonooch, Negeebi barahoonaa Meditiraanee baharee gashoonooch hambote. Kanaaneenaꞌo showoo bulliich, Libanoosi guudinaꞌonaa Efiraaxisi ooge aaconooch beddaahaa qaxiribote.

Yibbaatoo 1:8

Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.

Yibbaatoo 12:20

“Ne Nuggishoo Doono Yeeri neech bi gibenikkitoommon, ne showoon bi gamichiyooba, meenon ne xiqqemmi aabo bullin ne qaawimmi wottoon mamon hakkihine.

Yibbaatoo 34:2

Ebiyoo Nifitaalichi showoo bullin, Efreeminaa Minaasinochi showoon, aabi-gimo waan beeti Meditiraanee baharooch beddaahaa beeti Yihudichi showoon,

Yaasi 14:9

Arooba Muusi ‘Ta Nuggishoo Doono Yeerin mulloochee tiijjaꞌa dabbito neene; ebich ne baatoo neexxiti showoon neennaa ne shiijjeroona bulli yemeenoon woraashemmo ittoshine’ iꞌi wogehe.