Yibbaatoo 11:14 - Kafa Linguistics Project

¹⁴ Ebin ittoshi tuniigaata, biyoo ittoshich naawee amiyonaa yoochi amiyonon bi goori gooroona bi dichaa, maayoon, woyinoonaa zayitoonon maci kicemmo ittoshine.

Yibbaatoo 11:14 ပူးပေါင်းရင်းမြစ်များ

Isiyaasi 30:23

Showooch ittoshi shookkiti yaroyich amiyon dichemmone; showoochee daneebeeti aafo gaawetonaa beshaa beshoona tunemmone; ebiyooba ittoshi gijjeenaꞌo gamini gaddooch maayemminaꞌone.

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Erimiyaasi 5:24

“Ittoshiyoo ‘Batti batti amiyonaa digeni amiyonon nooch dichiibeeti, marehoon bi gooroona nooch deebiibeeti, no Nuggishoo Doono Yeerin shatone’ getaano ittoshine.

Hiziqeeli 34:26

Boonoshinaa ta geppee guudooch beeti xaaꞌeenaꞌonon diiremmo taane; amiyon bi goori gooroona dichemmo taane; ebiyoo diiree amiyon boonoshich tunemmone.

Yoꞌeeli 2:19

Boonoshichoo ishichiye: “Maayoon, woyinee uyoonaa zayitoonon ittoshich immemmo taane; ittoshiyoo michemmo ittoshine. Ebiyee bekk, aageteenaꞌo daggoochaa, ittoshi cooneyemmoyich tuniyaachemmo taane.

Leweenaꞌo 26:3

“ ‘Ta qociiti qociyoona ittoshi beegaata, ta geteenaꞌonoo manjii ittoshi quyegaata,

Leweenaꞌo 26:4

amiyon bi goori gooroona ittoshich dichemmo taane. Showoo maayoon shakkiyemmone; mixinaꞌoo aafoon aafemminaꞌone.

Milikiyaasi 3:11

Ittoshi maayoon kashingixeenaꞌo aalliyemmoyich tuniyaachemmo taane. Ittoshi goyeexi woyinee qomboo gaawichiree aafemmone.

Mishiraachechinaꞌo 14:17

Tunebaani shimaayoochee amiyon dichiibee, maayo aafemmi yarimmoon immiibee, no maayoon abbetiibee, oogichii noon emirikkiibeenoo, Nuggishoo bi tunoon manjiibeeti deꞌe shuunee shuunoon kuxaanoone” iyeete.

Yibbaatoo 28:12

“Doono Yeeri shimaayeexi bi goonoochee amiyon yarimmoona ne showooch dichiree, ne kishoona ne shuuneto bullin diiremmone. Ebich meeti aageteenaꞌoyich erettiyemmo neene; tunebaani ne, koni waaneenona eretteyaachemmo neene.

Yaaqobi 5:7

Illa ta maneenaꞌote! Doono Yesuusi waammi wottoon haaꞌiibote. Eke goyechon ciinote; biyoo qaabbe amiyonaa gubbi amiyona dihimmi wottoon haaꞌiibee showoochee daneebeeti, aaxxoo tuneti maayi aafoon quyee beetone.