Yibbaatoo 10:8 - Kafa Linguistics Project

⁸ Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.

Yibbaatoo 10:8 ပူးပေါင်းရင်းမြစ်များ

1 Taateenaꞌo 8:6

Qeesheenaꞌo Doono Yeerichi wogee taabootoon yaafee kexooch beeti bi xaaꞌooch, Yaafe Xaaꞌeexi Yaafooch giijjiꞌi, kiruubeenaꞌochi qoshee dechiich kotiiheete.

1 Kiinoo 15:2

Aroochee Daawiti ishichiye: “Bulli yemeenoon taabootoon boonoshi shaaggemmonaa bi aafoochaa boonoshi maddemmonoyich, Doono Yeeri boonoshin bi kaaccitoyich, Leweenaꞌoyee besh Doono Yeerichi taabootoon koniyoona shaaggaaye” iye.

1 Kiinoo 15:26

Doono Yeerichi wogee taabootoon shaaggiti Leweenaꞌon Yeeri gaachetoyich shabaatte wuronaa shabaatte ogooge bagee baaddoonon deejjiyeete.

1 Kiinoo 23:13

Amiraami anaami bushiisheenaꞌo: Harooninaa Muusinane. Harooninaa bi yareenaꞌona bulli yemeenooch yaafee kechi qiicoon yaafoyich, Doono Yeeri aafooch ixaanoon shoohoyich, bi aafoochaa maddoonaa bi shigoona bulli yemeenoon asheenaꞌon diiroonoyich bariyeete.

1 Kiinoo 23:26

Illa ebich, Leweenaꞌo ebiyee bekk yaafee duukkaanoonaa maddooch heechiibeeti qiiceenaꞌonon shaago boonoshich qaawiyaache” iye.

2 Kiinoo 29:11

Ta bushiisheenaꞌote, bi aafooch neexeree ittoshi maddemmoyich, bi maddecho ittoshi tunemmonaa ixaanoon ittoshi shookkemmonoyich, Doono Yeeri ittoshin bi kaaccitoyich beeneyaahote” iye.

2 Kiinoo 30:27

Aroochee qeesheenaꞌonaa Leweenaꞌona tiyiꞌi, asheenaꞌon diiriyeete. Doono Yeeriyoo waayehe. Boonoshi corooto shimaayooch, Doono Yeeri beeyi xaaꞌooch shaggiye.

Shoddo 134:1

Doono Yeerichi kexooch xumoona neexee maddeebeeti, Doono Yeerichi maddechinaꞌote, Doono Yeerin galletebote.

Shoddo 134:2

Yaafe xaaꞌoochaa ittoshi kishoon yaggiree, Doono Yeerin galletebote.

Shoddo 135:2

Doono Yeerichi yaafee kechi daggooch, no Nuggishoochi yaafee kechi addibaabooch, neexee beetinaꞌote, galletebote.

Erimiyaasi 15:19

Ebich Doono Yeeri ishichiye: “Ne wottegaata, neen wochemmo taane; ta aafoochoo neexemmo neene; qocechi yibbaatoon qocaalloyee bariyaꞌa ne yibbaategaata, ta noonoommon tunemmo neene. Boonoshi ne waan wottebeetani, ne boonoshi waan wotteyaahine.

Hiziqeeli 44:11

Tunetaa boonoshi ta yaafee kechi kelloon quyoona, micciibeeti deejjoonaa asheenaꞌo giddiibeeti deejjoonoyich giddeebeeti gijjeenaꞌon guuroon, wottoo asheenaꞌoyich maddoona yaafee kechi maddechinaꞌon tunemminaꞌone.

Hiziqeeli 44:15

Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone.

Leweenaꞌo 8:9

Qelli caacoon bi qellooch caacciye. Ebi qelli caacee aafaa Harooni Doono Yeerich barito bi tunoon bekkiibeeti, aachoochee shuuneeti gubbichoon geddiye. Ebi bullin Doono Yeeri biich gettitoommon tuniiꞌi shuunehe.

Leweenaꞌo 9:22

Harooni ebi deejjoo bullin giddii bi ciichitoyee gubb, asheenaꞌo waan bi kishoon yaggiꞌi boonoshin diiriye. Aroochee deejjee gudee toommoochee kindiye.

Haddoo 3:31

Taabootoon, madelloon, maqirajjoon, deejjee gudeenaꞌon, Yaafe Xaaꞌoochaa maddoyich gaacciibeeti qiiceenaꞌon, Yaafe Xaaꞌeexi Yaafee gimooch beeti maccillaateenaꞌonaa eboshina tookkii maddoyich gaacciibeeti qiico bullinon quyemminaꞌone.

Haddoo 3:6

“Lewi yoodoon deebiree, qeeshoo Haroonich boonoshi maddemmoyich, bi aafooch neechibe.

Haddoo 4:15

“Kaamboon waaxxii hamma ittoshi tiyiyooba, Harooninaa bi bushiisheenaꞌona yaafee duukkaanee qiicoonaa baribare bi qiico bullinon kaappii boonoshi ciichitoyee gubb, ebi qiicoon shaagoyich Qohaateenaꞌo wobeete. Tunebaani boonoshi qitaachemmoyich, ebi yaafeeti qiicoon ciroona yechaayeete. Illa danee duukkaanoo tiyimmi haddoona Qohaati yareenaꞌo shuunoo ebine.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Roomi 12:7

Kittinneenaꞌon dego bi tunegaata, kittinneenaꞌon degona kupphebone; dojjoo bi tunegaata, dojjoona kupphebone.

2 Qorontoosi 6:17

Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.

Galaati 1:15

Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

Yibbaatoo 17:12

Ne Nuggishoo Doono Yeeri aafooch neexeechii maddeebeeti qeeshoyich woyee woraaferashoyich ‘Deꞌa getaache’ ii beeti asho qitibe. Ebin tuniyoona ebi gonde mooyon Israꞌeelee showoochee wokkiibe.

Yibbaatoo 18:5

Ebin qeesheenaꞌoyich ne immemmi naboo, Doono Yeeri, neexeree bi shigoona bulli yemeenoon boonoshi maddemmoyich, boonoshinaa boonoshi shiijjereenaꞌonon Israꞌeelee yoodo bulli daggoochee bi kaaccitoyichiye.

Yibbaatoo 21:3

Uro qitiꞌi beeti xaaꞌee katinooch beeti katemeexi geeneenaꞌo shuunoyich bedaani, batt waanjoo bi qettooch haxxeyaani gidereen deebeete.

Yibbaatoo 21:5

Lewichi shiijjereenaꞌo tuneti qeesheenaꞌo wotta arooch hambeete. Ebiyoo asho ikkoo baroon xuꞌaa, taggeebeeti taggoon nallemminaꞌo boonoshi tunetoyichiye; wotta ne Nuggishoo Doono Yeeri biich boonoshi maddemmonaa bi shigoona boonoshi diiremmonoyich boonoshin bi kaaccitoyichiye.

Yibbaatoo 31:9

Muusiyoo hini sheeroon kooriꞌi, Doono Yeerichi wogee taabootoon shaaggiibeeti, Lewi yoodoochee tuneti, qeesheenaꞌonaa Israꞌeelee geeneenaꞌo bullinoyich immiye.