Yibbaatoo 10:15 - Kafa Linguistics Project

¹⁵ Tunebaani Doono Yeeri ittoshi qaabbechinaꞌon bi shunniti shunoo manjoo bi tunetoyich, showee toommooch beeti aageteenaꞌo bulli daggoochee, boonoshi shiijjeroo tuneti ittoshin kaacciye. Ebich and beddaahaa ittoshi biinna kaacheti asho ittoshine.

Yibbaatoo 10:15 ပူးပေါင်းရင်းမြစ်များ

Shoddo 135:4

Ebiyoo Doono Yeeri Yaaqobin bi qellicho, Israꞌeelinoo bi hajjoo, tuniiꞌi bi kaaccitoyichiye.

Shoddo 44:3

Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.

Amootsi 3:2

“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.

Haddoo 14:8

Doono Yeeri noonna bi emirigaata, ejjoonaa eeyona xuupphiibeeti ebi showooch noon giijjemmone; aroonoo nooch immemmone.

Roomi 11:28

Israꞌeeleenaꞌo mishiraachee qaaroon boonoshi qajjitoyich Yeerichi shixechinaꞌo tunetinaꞌone; ebiyoo Ayihudee asho tuneyaani ittoshich gaaccitone. Tunebaani Yeeri bi kaacciti qaabbechinaꞌoyich bi gibenikkiti gibenoochee tiyitona Yeeri boonoshin shunnitone.

Yibbaatoo 4:37

Ittoshi qaabbechinaꞌon bi shunnitoyich, boonoshi shiijjereenaꞌo tuneti ittoshin kaacciye. Ittoshina tookkii tuneꞌi bi hajjee giidoona Gibitsee ittoshin kichii deebiye.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.