Yibbaatoo 1:8 - Kafa Linguistics Project

⁸ Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.

Yibbaatoo 1:8 ပူးပေါင်းရင်းမြစ်များ

Halloo 12:7

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

Halloo 15:16

Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

Nehimi 9:15

Boonoshi shaacoyich shimaayoochee koshon immehine; boonoshi shachewoyich xaqqoochee aacon kichihine; boonoshich imma wogoon ne giyeti showoon giyiree boonoshi woraashemmoyich gettehine.

Keyo 23:31

“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene.

Keyo 33:1

Aroochee Doono Yeeri Muusich ishichiye: “Hiniichee tiyiree hambe. Neennaa Gibitsee ne kichiti asheenaꞌona hini xaaꞌoon gawukkiree, ‘Ne shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showooch hambote.

Erimiyaasi 32:22

boonoshich imoyich boonoshi qaabbechinaꞌoyich wogoon ne giyeti, ejjoonaa eeyonon xuupphiibeeti hini showoon boonoshich immehine;

Hiziqeeli 47:14

Ebi showoon tachiree qoodeebote; ittoshi qaabbechinaꞌoyich imma ta wogetoyich, ebi showoo ittoshich iristoon tunemmone.

Haddoo 14:23

boonoshi qaabbechinaꞌoyich imma ta wogeti showoon ciroona beegaachemminaꞌone; boonoshi daggoochee taan hoxeti asho koniyoona beegaachemmone.

Haddoo 32:11

‘Iberoon gettoye; boonoshi ceeni mulloona taan dabboo boonoshi qajjitoyich, Gibitsee kechiti, boonoshi eeno hiye natonaa ebiyee damboona tuneti asheenaꞌoochee ikkolla Abrahamich, Yisaaqinaa Yaaqobinoyich imma ta wogeti showoon beegaachemmone.

Yibbaatoo 1:11

No qaabbechinaꞌochi Nuggishoo Doono Yeeri andoo ittoshin hume wottoon daakki meechibe; ittoshich bi gibenikkitoommon, ittoshin diiribe.

Yibbaatoo 1:35

‘Ittoshi qaabbechinaꞌoyich imma ta wogeti gaawe showoon Yefuuni bushoo Kaaleebiyee damba, hini xumme shiijjeroo daggoochee koniyoona beegaachemmone. Biyoo mulloochee tiijjiꞌi Doono Yeeri taan bi dabbitoyich, bi baatoo neexxiti showoo bullin biinnaa bi shiijjereenaꞌonoyich immemmo taane’ iye.

Yibbaatoo 10:11

Aroochee taach ishichiye: ‘Tibe; boonoshi qaabbechinaꞌoyich imma ta wogeti showooch giyi boonoshi hajjemmoyich, ebi asheenaꞌoyee aaf shiichi qaxiribe’ iye.

Yibbaatoo 11:24

Ittoshi baatoo neexxiti showoo bulli ittoshicho tunemmone. Ittoshi showee daaro deshi-waan beeti barahoochee tiijjiree, dambi-waan beeti Libanoosi guudinaꞌooch beddaahaa, aabi-keyo waanaa Efiraaxisi aaconaa aabi-gimo waanaa Meditiraanee baharoonooch beddaahaa tunemmone.

Yibbaatoo 11:9

Boonoshinaa boonoshi shiijjereenaꞌonoyich imma Doono Yeeri ittoshi qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showooch meeti yemeenoon kotemmo ittoshine.

Yibbaatoo 26:15

Yaafoo tuneti ne kote xaaꞌoochaa, shimaayoochaa ciine. Ne asheenaꞌo tuneti Israꞌeeleenaꞌon diiribe; no qaabbechinaꞌoyich wogaꞌa ne gibenikkitoommon nooch ne immeti hini ejjoonaa eeyona xuupphiibeeti showoonoo diiribe’ gete” iye.

Yibbaatoo 26:3

Arooba shuunee toommooch beeti, qeeshoo waan hamiree, ‘Doono Yeeri nooch imma no qaabbechinaꞌoyich wogeꞌi bi gibenikkiti showooch ta gimon hanaach ne maddeebeeti Nuggishoo Doono Yeeri aafoochaa arichiibeeto taane’ gete.

Yibbaatoo 28:11

Doono Yeeri neech imma ne qaabbechinaꞌoyich wogeꞌi bi gibenikkiti showoochaa meeti bushiishoon, meeti gijjeenaꞌonaa meeti maayoonon imiree neen gaanniyemmone.

Yibbaatoo 29:12

Hanaach hiniich ne neexeto, Doono Yeeri neenna tookkii giyiibeeti wogooch biinna tookkii gimoyich, wotta ne Nuggishoo Doono Yeerina tookkaa ne giyeti wogoon quyemmo ne tunoon getoyichiye.

Yibbaatoo 30:20

Ne Nuggishoo Doono Yeerin shune. Bi qaaroon waayebe. Biinna tookkishoo ikkottebe. Ebina ne qaabbechi Abrahamich, Yisaaqinaa Yaaqobinoyich imma bi wogeti showooch neennaa ne shiijjeroona meeti yemeenoon kashoona beeyemmo ittoshine” iye.

Yibbaatoo 31:7

Aroochee Muusi Yaasin ceeggiꞌi, Israꞌeeleenaꞌo bulli aafoochaa ishichiye: “Doono Yeeri boonoshi qaabbechinaꞌoyich imma wogeꞌi bi gibenikkiti showooch hini asheenaꞌona tookki hammemmo ne tunetoyich, showoonoo boonoshi yechemmoyich tuniyemmo ne tunetoyich, kupphebe; maac kuxoon tunebe.

Yibbaatoo 34:4

Aroochee Doono Yeeri Muusich ishichiye: “ ‘Ittoshi shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showoo ebine. Ne aafoona baach ne beeggemmoyich tuniito taane; tunebaani arooch giyaachemmo neene” iye.

Yibbaatoo 4:1

Aroochee Muusi Israꞌeeleenaꞌoyich ishichiye: “Illa and Israꞌeeleenaꞌote, kashoona ittoshi beeyemmoyich, ittoshi qaabbechinaꞌochi Nuggishoo Doono Yeeri ittoshich bi immiibeeti showooch giyi ittoshi woraashemmoyichoo, ittoshich ta qociibeeti qociyoonaa ta dojjaabeeti doyoonon quyebote.

Yibbaatoo 6:10

“Ne Nuggishoo Doono Yeeri ebi showoon neech imoyich, ne qaabbechi Abrahamich, Yisaaqinaa Yaaqobinoyich wogetone. Ebi showooch ne hagaani, ogoogeenaꞌonaa gaawetinaꞌona tuneti katemeenaꞌo beetinaꞌone.

Yibbaatoo 7:12

Muusiyoo daakkiꞌi ishichiye: “Ebi geteenaꞌon ellaa waayaꞌa ceechaa ne quyegaata, ne Nuggishoo Doono Yeeri ne qaabbechinaꞌoyich bi gibenikkitoommon, bi wogoon kuxaanoon neechoo tuniyemmone; kuxeyaani bi shunoonoo bekkiyemmone.

Yibbaatoo 7:13

Biyoo neen shunnemmone; diirishoo gettemmone; neech imoyich ne qaabbechinaꞌoyich wogeꞌi bi gibenikkiti showoochaa meeti bushiishoon neech imona shiyi shiijjereree ne meettemmoyich tuniyemmone; ne goyoon, ebiyoo maayoon, woyinee qomboonaa zayitee mixonon diiremmone; ne miimon, ne bagoonaa ne emmishoonon diiremmone.

Yibbaatoo 7:8

Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.

Yibbaatoo 8:1

Muusiyoo Israꞌeeleenaꞌoyich ishichiye: “Doono Yeeri ittoshi qaabbechinaꞌoyich imoyich wogeꞌi bi gibenikkiti showooch giyi ittoshi beeyemmonaa ittoshi meettemmonoyich, ittoshi hajjemmoyichoo, hanaach ittoshich ta gettaabeeti getoon manjii waayebote.

Yibbaatoo 9:5

Boonoshi showoon woraashiya arooch ne giyaabeeto, cadiqe asho ne tunetoyich woyee ne mullee kaamoyich toonoone. Ne Nuggishoo Doono Yeeri ne aafoochee boonoshin yookkii bi kichiibeeto, gonde asheenaꞌo boonoshi tunetoyich, wottoo ne qaabbechinaꞌo tuneti Abrahamich, Yisaaqinaa Yaaqobinoyich bi wogeti wogoon ceechoyichiye.

Hibireena'o 6:13

Yeeri Abrahamich bi gibenikkiyooba, “Iberoon neen diiremmo taane; ne yaroon meechemmo taane” iꞌi, biyee beshe baroo aallo bi tunetoyich, bi qelloona wochii wogehe.

Yaasi 1:6

“Kupphebe, maac kuxo tunebe. Boonoshi qaabbechinaꞌoyich imma ta wogeti showoon hini asheenaꞌo woraashemmoyich tuniyemmo neene.

Woraaferasheenaꞌo 2:1

Doono Yeerichi maraakoo Galigalee Bokiim hammiꞌi Israꞌeeleenaꞌoyich ishichiye: “Gibitsee ittoshin kichaꞌa, ittoshi qaabbechinaꞌoyich imma ta wogeti showooch ittoshin deeboye. Tawoo ‘Ittoshina tookkaa ta giyeti wogoon happaachemmo taane.