Yibbaatoo 1:17 - Kafa Linguistics Project

¹⁷ Dabiiree nalliyaahote. Gaannechonaa girechonon tachi ciinote. Dayinneto Yeericho bi tunetoyich, ashi aafoon ciini shattaahote. Ittoshich maggemmi mooyon taach ittoshi deebaa, ta aroon nallemmo taane’ iyaꞌa gettoye.

Yibbaatoo 1:17 ပူးပေါင်းရင်းမြစ်များ

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

2 Saameeli 14:14

No bulli qitecho noone; wochii uubon hakkeyaani, showooch ufeti aacoommo noone. Yeeri ashi kasho aallemmoyich qaawaache. Ebiyee aalleti asho bi waanee wohiree bi beetaachemmoyich, biich gommon qaawiye.

2 Kiinoo 19:5

Mishigechi Yihudee katemoo bulliich woraaferasheenaꞌon ukkiriihe.

2 Kiinoo 19:6

Boonoshichoo ishichiye: “Ittoshi nallii beegaata Doono Yeeri ittoshina tookkii bi tunoon shalligoona ittoshi qelloon ariibote; ittoshi nalliibeeto, Doono Yeerichani ashich toonoone.

Iyoobi 31:34

Asheenaꞌon shatona, ta xibeenaꞌochi coonoon shatona, cikkaꞌa kechi daggooch ta echeti aabo aalloone.

Shoddo 82:2

“Nalloon ittoshi xummiyemmo aati wottooniye? Gondeenaꞌo waan ittoshi gaꞌemmo aati wottooniye?

Keyo 18:18

Neennaa ne waan waabeeti asheenaꞌona maraateeniye ittoshi beeto. Ebi shuunoo neech magge shaagoone; ne ikkeeto ciichoon hakkaachemmo neene.

Keyo 18:22

Boonoshiyoo amee aaboochona asheenaꞌo mooyon nallibeete; kettoo tuneti mooyo bullin boonoshi ciichibeete; tunebaani maggee iritiibeeti mooyo bullin ne waan boonoshi deebemmoyich tuniibe. Ebin tuniyoona ne maggoon boonoshi qoodeetaa, mooyo neech kettemmone.

Keyo 18:26

Boonoshiyoo bulli aaboon asheenaꞌochi moochi nallechinaꞌo tuneꞌi shuunee beeheete; magge mooyon baach Muus waan deebii beeheete; kette mooyon boonoshi nallii ciichii beeheete.

Shaahiyoo 18:5

Gonde ashi waan gaꞌo, cadiqoochi nalloonoo xummiyo, tato toonoone.

Shaahiyoo 24:23

Eboshi wotta mullechi asheenaꞌochi yibbaateenaꞌone: Ashi aafoon ciinniꞌi nalloo tato toonoone.

Shaahiyoo 28:21

Ashi aafoon ciinniꞌi heppoo, tato toonoone; tunebaani ikkikke asho ikke tiishee koshoyicha iꞌi, gondoon shuunee beetone.

Shaahiyoo 29:25

Ashoon shato shaachooch yechoone; tunebaani Doono Yeerin gibeneebeeto, diggoona beeyemmone.

Erimiyaasi 1:17

Tunebaani ne, ne shimetoon cuyebe; tiyi hamiree, neech ta getteto bullin boonoshich gete; boonoshin shattaahine; ne shatigaata, beshoon boonoshich ne shattemmoyich tuniyemmo taane.

Leweenaꞌo 19:15

“ ‘Dayinnetoon dabiiyaahine. Girecho waan gaꞌeyaahine. Gaannechoyichoo bariti oogoon immaahine. Tunebaani neenoommi ne manoyich dayinnetoona nallibe.

Milikiyaasi 2:9

Ta gommona hamo ittoshi qajjitoyich, ta asheenaꞌon heppaanoon tachiꞌi dojjoo ittoshi qajjitoyich, ta wotta asho bulli aafoochaa hoxeetonaa cooneetonon ittoshin tuniyemmo taane” iye.

Maatiyoosi 22:16

Boonoshi dabbeenaꞌon Heroodisi asheenaꞌona tookkii Yesuusin boonoshi echemmoyich daachiiheete. Boonoshiyoo hammiꞌi, “Dojjechocho, ibere moochecho ne tunoon, ibere mooyona Yeerichi gommichon ne dojjoon ariibeeto noone. Ashoon giisho, oogoo getaachine; ebich konicholla beshii shappii dabiyaachine.

Maariqoosi 12:14

Wocheetinaꞌo waaꞌi Yesuusin “Dojjechocho, ashoon giisho oogoo getaanoon iberoon Yeerichi gommon dojjaabeeto neene. Ebich ibere moochecho, konichona beshii shappii dabiyaano ne tunoon ariibeeto noone. Illa Qesaarich qaraxee qocon Muusichi Sheeroo daaggiibeetee, daaggaache? Qaraxoon qoconaa woyee qoccaayona?” iꞌi echeheete.

Luqaasi 20:21

Boonoshiyoo hammiꞌi, “Dojjechocho, tatoon ne yibbaatoonaa iberoon ne dojjoonon ariihone; iberoon Yeerichi gommon dojjihinalli, konichona beshii shappiiꞌa dabiyaachine.

Roomi 2:11

Ebiyoo Yeeri ashi aafoon ciinniꞌi heppaano bi tunetoyichiye.

Efesooni 6:9

Dooninaꞌote, miichoon qayiichi, ittoshi guuninaꞌoyich ebiyoommi mooyon tuniibote. Boonoshinaa ittoshinon hajjiibeeti Doono shimaajj bi beemon, ashoon heppaanoon nalliibeeto bi tunoonoo ariibeeto ittoshine.

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

Yibbaatoo 16:19

Boonoshiyoo dayinnetoona nallibeete; ashi aafoon ciiniree nallaayeete. Xucco ariyechinaꞌo aafoon daayiibeeto, kaameenaꞌochi yibbaatoon xummiibeeto bi tunetoyich, xuccoon maayaayeete.

Yibbaatoo 24:17

“Shiqqeenaꞌonaa nihaalleenaꞌonochi dayinnetoon dabiiyaahine. Xuumeechi tahoonoo yechiyoon tunii deqqaahine.

Yibbaatoo 25:1

“Ashoonaa ashoona kaareꞌi taggooch, nallee gabberooch boonoshi giddegaata, nallechinaꞌo xukketoyich nalliree xuqqiton xoobiibeete.

Qolaasiyaasi 3:25

Yeeri ashoon ciinniꞌi heppaache; ebich xuqqiibeeto bullich bi xuꞌee gaacoon qoccemmone.

1 Tasaloonqi 2:4

Tunebaani Yeeri mishiraachee qaaree getti shuunoon nooch guudii bi immemmoyich gibeneeto tunaꞌa no danetoyich, arooniye no gettaabeeto; no gettaa beegaata emirikkoyich no qaawaabeeto, no mulleexi gaboon maqqiꞌi ariibeeti Yeerinalli, ashoon toonoone.

Yaaqobi 2:9

Tunebaani ashi aafoon ciinniꞌi ittoshi heppi gaata, axaaxoon shuuneebeeto ittoshine; “Sheeroon shaaddeto ittoshine” getaa sheeroona ittibateyemmo ittoshine.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.

1 Saameeli 2:25

Ikke asho baroon bi xuꞌigaata, Yeeri shoobbii beetone. Tunebaani asho Doono Yeerin bi xuꞌigaata, shoobbemmo konine?” iye. Tunebaani bushiisheenaꞌo boonoshi nihoochi ciicoon waayemmon qajjiyeete; ebiyoo Doono Yeeri boonoshin aalliiya gabii maaccito bi tunetoyichiye.