Yibbaatoo 1:16 - Kafa Linguistics Project

¹⁶ Tawoo arooba nallechinaꞌoyich ‘Ittoshi maneenaꞌo daggooch beeti taggoon kaachi nallibote. Ebi taggoo Israꞌeeleenaꞌo tuneti gutte asheenaꞌo daggooch tuneba Israꞌeeloonaa shiqqoonochi daggooch, tatoona nallibote.

Yibbaatoo 1:16 ပူးပေါင်းရင်းမြစ်များ

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

Shoddo 58:1

Giidechinaꞌote, dayinnetoona nallii ariihote? Asheenaꞌo daggooch tachii nallii ariihote?

Keyo 22:21

“Shiqqoon xuqqaahine; iritiyaahine. Ittoshiyoo Gibitsaa shiqqoo tuneebee echeto ittoshine.

Shaahiyoo 31:9

Boonoshi qoodoon yibbaatebe; kaachi nallibe; girechonaa iritechonochi qoodooch neexebe” iyan.

Leweenaꞌo 19:15

“ ‘Dayinnetoon dabiiyaahine. Girecho waan gaꞌeyaahine. Gaannechoyichoo bariti oogoon immaahine. Tunebaani neenoommi ne manoyich dayinnetoona nallibe.

Leweenaꞌo 24:22

Ebi sheeroo ittoshi daggooch koteti shiqqoyichoo tuneba showee bushoyich barbaraani ikke sheeroo tunebe. Ebiyoo ta, ittoshi Nuggishoo Doono Yeeri ta tunetoyichiye’ itone gete” iye.

Haddoo 27:19

Biinoo qeeshoo Elazaarinaa iitoo bullinochi aafooch neechibe. Boonoshi ciini beetaa biin ukkiriibe.

Yowannisi 7:24

Kaachiree nallibotalli ashi aafoon ciiniree nalliyaahote” iye.

Yibbaatoo 1:15

“Ebina tawoo yiiteenaꞌonaa arichetinaꞌona tuneti, ittoshi yoodi yoodee iraasheenaꞌon daammaa, humee iraasheenaꞌon, ballee iraasheenaꞌon, aachee iraasheenaꞌonaa aashire iraasheenaꞌonon tunii ukkiriihoye; wotta bare iraasheenaꞌon ittoshi yoodi yoodo bulliich ukkiriihoye.

Yibbaatoo 24:14

“Israꞌeelee asho tuneti ne manoo tuneba ne showooch beeti katemeenaꞌoochee ikkooch koteti shiqqoo, girechonaa iritechona tuneti gichechi uroon xuqqaahine.

Yibbaatoo 25:1

“Ashoonaa ashoona kaareꞌi taggooch, nallee gabberooch boonoshi giddegaata, nallechinaꞌo xukketoyich nalliree xuqqiton xoobiibeete.

Yibbaatoo 27:11

Muusiyoo arooba asheenaꞌoyich ishichiꞌi gettiye:

Yibbaatoo 31:14

Doono Yeeri Muusich ishichiye: “Ebiyoche, ne qitemmi aabo katinnitone. Yaasin Israꞌeeleenaꞌo toommooch ta iraashiyemmoyich, biin ceegiree danee duukkaanooch wobote” iye. Muusinaa Yaasina danee duukkaanooch hammiyeete.

1 Tasaloonqi 2:11

Bi taatittinoonaa bi oogee yiiroonoochee ittoshi qoodeyemmoyich ittoshin ceeggiti Yeerin emirikkiibeeti beemona ittoshi beeyemmoyich, ittoshin ciiccaabee, kupphiibee, xalla gettaabee, nihoo bi bushiishoyich tunii beetoommon, ittoshi ikkikkoyich no tuniyoon ariibeeto ittoshine.

1 Ximootiyoosi 5:21

“Hini ta getteti mooyinaꞌo daggoochee ikke mooyonona ikke badd dabiyaanoon, tachi nallibee quyebe” iyaꞌa Yeeri aafoochaa, Doono Kiristoos Yesuusinaa Yeeri kaacciti maraakeenaꞌonochi aafoochaanoo hini mooyon neech adereto taane.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.